Mga ideya sa Paggamit sa Gospel Library nga App

Usa sa labing maayo nga mga paagi sa pagtuon sa mga kasulatan mao ang pagpaminaw sa mga rekording. Mabuhat ni nimo sa inyong panimalay o hapit bisan asa. Mahimo kang maminaw sa nagkalian-lain nga gipaspason ug sa lain-lain nga mga pinulongan.

Makakita ka og mga kasulatan bahin sa usa ka hilisgotan pinaagi sa paggamit sa search nga function ug dayon tan-awon ang may kalabotan nga mga resulta sa pag-search. Mahimo usab kang mogamit sa gimantala nga Mga Hilisgotan sa Ebanghelyo nga maghatag sa importanting mga kasulatan alang sa gihatag nga hilisgotan.

Mahimo nimong ihan-ay ang sulod pinaagi sa mga hilisgotan gamit ang “Tags” ug “Notebooks.” Kini nga mga hilisgotan mahimong gamit kaayo sa dihang ikaw mag-andam og usa ka pakigpulong o leksiyon.

Mahimo nimong i-highlight o markahan ang imong mga kasulatan pinaagi sa pagpili og tudling ug dayon magpili og estilo. Ang estilo mahimong kombinasyon sa lain-lain nga kolor ug usa ka linya sa ubos o highlight.

Makahimo ka og mga link tali sa mga kasulatan, mga mensahe sa kinatibuk-ang komperensiya, ug uban pang sulod. Makatabang kini kanimo sa paghinumdom ug dali nga makaadto sa mga koneksyon nga imong nahimo.

Sayon ra nimong mapangita ang kahulogan sa usa ka pulong diha sa mga kasulatan pinaai sa pagpili niini ug pag-tap sa “Kahulogan [Define]” nga button.

Dali kang makabalik sa pagpili og sulod pinaagi sa paggmit sa mga bookmark aron sa pagsubay sa piho nga mga dapit ug mga screen. Ang paggamit sa mga bookmark magtugot kanimo sa pagpabilin sa nagkalian-lain nga kapitulo ug ubang mga sulod nga dungan nga nag-abli.

Makahimo ka og plano sa pagtuon nga makatabang kanimo sa pagsubay sa imong pag-uswag sa pagtuon sa mga kasulatan. Makatakda usab ka og mga pahinumdom aron sa pagtabang kanimo sa paghuman sa imong mga tumong sa pagtuon. Ang usa ka eskedyol makatabang kanimo sa pagsunod sa Dali, Sunod Kanako nga eskedyol o personal nga pagbasa sa Basahon ni Mormon.