“Li na’leb’ re roksinkil li aplicacion Biblioteca del Evangelio,” Li na’leb’ re xtzolb’aleb’ li loq’laj hu (2021)
“Li na’leb’ re roksinkil li aplicacion Biblioteca del Evangelio,” Li na’leb’ re xtzolb’aleb’ li loq’laj hu
Li na’leb’ re roksinkil li aplicacion Biblioteca del Evangelio
Rab’inkil
Re xtzolb’aleb’ li loq’laj hu, jwal chaab’il rab’inkileb’ chi chapb’il. Naru nakab’aanu a’in sa’ laa wochoch malaj yalaq chik b’ar. Jalan jalanq lix junpaatil li chapb’il aatin ut wan ajwi’ sa’ k’iila aatinob’aal.
Tzolok a’ yaal jun li na’leb’
Naru nakataweb’ li raqal re li loq’laj hu chirix jun li na’leb’ wi nakawoksi li k’anjeleb’aal re sik’ok, ut chirix a’an xtz’ilb’al rix li xtawman. Naru ajwi’ nakawoksi Temas del Evangelio li naxk’eheb’ li raqal aajeleb’ ru sa’ li loq’laj hu choq’ re li junjunq chi na’leb’.
Xtusub’ankil ru a’ yaal jun li na’leb’
Naru taatusub’ ru li na’leb’ rik’in “Eb’ li eetalil” ut “Eb’ li diario.” Eb’ li na’leb’ a’in naru nakate’xtenq’a naq yookat chixkawresinkil jun esil malaj tzolok.
Reetalinkil
Naru nakaweetali malaj nakajuch’eb’ li loq’laj hu wi nakasik’ ru jun raqal, toja’ naq nakasik’ ru jun estilo. A’ yaal aawe chan ru li estilo, jalan jalanq xb’onol ut jalan jalanq xjuch’b’al.
Xyo’ob’tesinkil li enlace
Naru nakak’e jun enlace sa’ li loq’laj hu, li aatin re li jolomil ch’utub’aj-ib’, ut xkomoneb’ chiq li k’a’aq re ru. A’in naru chatenq’ankil chixjultikankil ut chixtawb’al sa’ junpaat li ak aab’aanuhom chaq.
Xsik’b’al li naraj naxye li aatin
Naru nakataw sa’ junpaat li naraj naxye junaq aatin sa’ li loq’laj hu wi nakasik’ ru ut nakapitz’ “Naraj naxye.”
Roksinkileb’ li marcapaginas ut li pantalla
Naru nakataw wi’chik sa’ junpaat li ak xawil rik’ineb’ li marcapaginas re naq taanaw b’ar wankeb’. Rik’ineb’ li marcapaginas naru neke’wan chi teeto naab’al li ch’ol ut jalan chik li k’a’aq re ru.
Xk’ojob’ankil jun li tusleb’aal
Naru nakak’uub’ jun xtusleb’aal li tzolok li tatxtenq’a rik’in b’ar wankat sa’ xtzolb’aleb’ li loq’laj hu. Naru ajwi’ nakak’e li jultikank li tatxtenq’a rik’ineb’ laa meta re tzolok. Jun tusleb’aal naru tatxtenq’a chixtaaqenkil li tusleb’aal re Kim, Taaqehin malaj re rilb’al aajunes lix Hu laj Mormon.