K’a’ut naq naqatzoleb’ li loq’laj hu?

Naq naqatzoleb’ rajlal li loq’laj hu, nokonach’o rik’in li Jesukristo ut naqataw ru chi us lix evangelio ut lix mayej re xtojb’al qix. Li profeet aj Nefi kixk’e li qach’ool chi jo’ka’in:

“Joʼkan ut, tento teetiikisi eeribʼ chi uubʼej chi xaqxookex junelik rikʼin li Kristo, rikʼin tzʼaqal xlemtzʼunkil li yoʼonink, ut rikʼin rahok choqʼ re li Dios ut rehebʼ chixjunil li winq. Jo’kan ut, wi teetiikisi eerib’ chi ub’ej rik’in xtzekankil xsahil li raatin li Kristo, ut texkuyuq toj sa’ roso’jik, k’ehomaq reetal, jo’ka’in naxye li Yuwa’b’ej: Taawanq eeyu’am chi junelik” (2 Nefi 31:20).

Jalam-uuch

jun li junkab’al neke’ril li loq’laj hu

Li na’leb’ sa’eb’ li loq’laj hu tooxtenq’a chi sutq’iik rik’in li qaChoxahil Yuwa’. Eb’ li profeet sa’ li qakutankil neke’xpatz’ qe naq taqatzoleb’ rajlal qajunes ut, wi naru, jo’ junkab’al. Nokohe’xb’oq chixtawb’al qana’leb’ rik’ineb’ li kristiaan sa’ li loq’laj hu, ut chixjuntaq’eetankileb’ li seraq’ ut li na’leb’ sa’ li loq’laj hu rik’in li qayu’am, jo’ kixye laj Nefi sa’ 1 Nefi 19:23. Eb’ li profeet re najter kutan ut re li kutan a’in nokohe’xb’oq chixtzolb’aleb’ li loq’laj hu ut “chixtzekankil xsahil li raatin li Kristo” (2 Nefi 32:3).

Jalam-uuch

jun winq naril li loq’laj hu

Li Awa’b’ej Russell M. Nelson kixk’ut ajwi’ li nimla na’leb’ a’in chirix “xtzekankil xsahil” li loq’laj hu:

“Xtzekankil xsahil ink’a’ naraj naxye xyalb’al yal b’ayaq. Naraj b’an naxye xtzekankil chi tz’aqal lix sahil. Naqatzeka xsahileb’ li loq’laj hu naq naqatzoleb’ rik’in jun musiq’ej re sahil ch’oolejil sa’ xtawb’al qana’leb’ ut rik’in tiikilal chi paab’ank. Naq naqatzeka xsahil li raatin li Kristo, nach’ikman sa’ “tib’elej, sa’ li qach’ool” [2 Korintios 3:3]. Neke’ok choq’ tz’aqal xcha’alil li qawanjik” (“El vivir mediante la guía de las Escrituras,” Liahona, noviembre 2000, 17).

Naq chi kok’ aj xsa’ naqatzoleb’ li loq’laj hu qajunes ut jo’ junkab’al, laa’o ut li qajunkab’al toob’eresiiq, taakole’q qix, ut tookawob’resiiq chiruheb’ li ch’a’ajkilal re li qakutankil.