ශුභාරංචි පුස්තකාල යෙදුම භාවිතා කිරීම සඳහා අදහස්

ශුද්ධලියවිලි අධ්යයනය කිරීමට හොඳම ක්‍රමයක් වන්නේ පටිගත කිරීම් වලට සවන්දීමයි. ඔබට මෙය ඔබේ නිවසේදී හෝ ඕනෑම තැනක කළ හැකිය. ඔබට විචල්‍ය වේගයන්ගෙන් සහ විවිධ භාෂා වලින්ද සවන්දිය හැකිය.

සෙවුම් කාර්යය භාවිතා කිරීමෙන් පසුව අදාළ සෙවුම් ප්‍රතිඵල සමාලෝචනය කිරීමෙන් යම් මාතෘකාවක් පිළිබඳ ශුද්ධලියවිලි ඔබට සොයාගත හැකිය. යම් මාතෘකාවක් සඳහා ප්‍රධාන ශුද්ධලියවිලි පද සපයන ශුභාරංචි මාතෘකා ප්‍රකාශනයද ඔබට භාවිතා කළ හැකිය.

“සම්බන්ධක” සහ “සටහන් පොත්” භාවිතයෙන් ඔබට මාතෘකා අනුව අන්තර්ගතය සංවිධානය කළ හැකිය. ඔබ කතාවක් හෝ පාඩමක් සූදානම් කරන විට මෙම මාතෘකා ප්‍රයෝජනවත් විය හැකිය.

ඡේදයක් තෝරා පසුව ශෛලියක් තෝරාගැනීමෙන් ඔබට ඔබේ ශුද්ධලියවිලි ලකුණු කිරීමට හෝ සලකුණු කිරීමට හැකිය. ශෛලිය විවිධ වර්ණ සංයෝජනයක් සහ යටි ඉරි ගැසීමක් හෝ ලකුණු කිරීමක් විය හැකිය.

ඔබට ශුද්ධලියවිලි පද, ප්‍රධාන සම්මන්ත්‍රණ පණිවිඩ, සහ අනෙකුත් අන්තර්ගතයන් අතර සබැඳි සෑදිය හැකිය. මෙය ඔබට මතකතබා ගැනීමට සහ ඔබ සාදා ඇති සම්බන්ධතා ඉක්මණින් ලබාගැනීමට උපකාරී වේ.

වචනයක් ලකුණු කිරීමෙන් සහ “නිර්වචනය කරන්න” බොත්තමට තට්ටු කිරීමෙන් ඔබට ශුද්ධලියවිලි වල වචනයක අර්ථ දැක්වීම පහසුවෙන් සොයා බැලිය හැකිය.

සමහර ස්ථාන සහ තිර සටහන් තබාගැනීමට පිටුසන් භාවිතා කිරීමෙන් ඔබට තෝරාගත් අන්තර්ගතය වෙත ඉක්මණින් ආපසු යා හැකිය. පිටුසන් භාවිතා කිරීමෙන් ඔබට විවිධ පරිච්ඡේද සහ අනෙකුත් අන්තර්ගතයන් එකවර විවෘතව තබාගත හැකිය.

ශුද්ධලියවිලි අධ්‍යයනය කිරීමේ ඔබේ ප්‍රගතිය නිරීක්ෂණය කිරීමට උපකාරී වන අධ්‍යයන සැලැස්මක් ඔබට සාදාගත හැකිය. ඔබේ අධ්‍යයන අරමුණු සාක්ෂාත් කරගැනීම සඳහා ඔබට මතක්කිරීම් සැකසීමටද හැකිය. මොර්මොන්ගේ පොත පෞද්ගලිකව කියවීමට හෝ එන්න, මා අනුගමනය කරන්න කාල සටහන අනුගමනය කිරීමට කාලසටහනක් ඔබට උපකාරී වේ.