Përmbledhje Historike

Kronologjia e mëposhtme jep një tablo të shkurtër historike për mësimet e Presidentit Ezra Taft Benson të paraqitura në këtë libër.

4 gusht 1899	Lindet në afërsi të Uitnit të Ajdahos, nga Sara Danklei Benson dhe Xhorxh Taft Benson i Riu.
1912 – 1913	Merr përsipër shumë përgjegjësi në shtëpi ndërsa i ati shërben një mision në pjesën veriore të Shteteve të Bashkuara.
1914 – 1919	Ndjek dhe diplomohet nga Akademia e Kunjit të Oneidës në Preston të Ajdahos.
1918	Thirret të shërbejë si ndihmësmjeshtër skautizmi (udhëheqës i të rinjve) në lagjen e tij në Uitni.
1920	Takon Flora Smith Amusenin, bashkëshorten e tij të ardhshme.
1921	Ndjek Kolegjin Bujqësor të Jutës (sot Universiteti i Shtetit të Jutës) në Logan të Jutës.
13 korrik 1921	Shugurohet plak nga i ati.
15 korrik 1921 – 2 nëntor 1923	Shërben si misionar kohëplotë në Misionin e Britanisë.
25 gusht 1924 – qershor 1926	Flora shërben në një mision kohëplotë në Ishujt Havai.
vjeshtë 1924	Bashkohet me të vëllanë, Orvalin, në blerjen e fermës familjare në Uitni.
pranverë 1926	Diplomohet nga Universiteti “Brigam Jang”.
10 shtator 1926	Martohet me Florën në Tempullin e Solt Lejkut.
shtator 1926 – qershor 1927	Ndjek Kolegjin e Bujqësisë dhe Shkencave Mekanike të Shtetit të Ajouas (sot Universiteti i Shkencës dhe i Teknologjisë i Shtetit të Ajuas), duke u diplomuar me master në ekonominë bujqësore.
qershor 1927	Kthehet në fermën familjare në Uitni.
1929	Pranon të punësohet si përgjegjësi i kontesë për bujqësinë për Kontenë Frenklin të Ajdahos. Largohet nga ferma dhe zhvendoset në qytetin fqinj, në Preston të Ajdahos.
1930 – 1939	Punësohet si ekonomist dhe specialist për bujqësinë në Sektorin e Zgjerimit të Universitetit të Ajdahos.
janar 1935 – nëntor 1938	Shërben, në Kunjin e Boisisë, si këshilltar i parë në presidencën e kunjit.
nëntor 1938 – mars 1939	Shërben si president i Kunjit të Boisisë.
1939 – 1943	Punon si sekretar ekzekutiv për Këshillin Kombëtar të Kooperativave të Fermerëve në Uashington, D.K. Jeton me familjen e tij në Bethesda të Merilendit.
qershor 1940	Thirret të shërbejë si president i Kunjit të Uashingtonit në Uashington, D.K.
26 korrik 1943	Thirret të shërbejë si anëtar i Kuorumit të Dymbëdhjetë Apostujve.
7 tetor 1943	Shugurohet Apostull dhe veçohet si anëtar i Kuorumit të Dymbëdhjetë Apostujve nga Presidenti Hiber J. Grant.
janar 1946 – dhjetor 1946	Shërben si president i Misionit të Europës, duke ndihmuar në dërgimin e mbështetjes materiale dhe shpirtërore shenjtorëve të ditëve të mëvonshme pas rrënimit të Luftës së II-të Botërore.
16 korrik 1946	Përkushton Finlandën për predikimin e ungjillit.
janar 1953 – janar 1961	Shërben si ministër i bujqësisë i Shteteve të Bashkuara nën udhëheqjen e Presidentit Duajt D. Ajzenhauër.
janar 1964 – shtator 1965	Shërben sërish si president i Misionit të Europës.
10 nëntor 1966	Ripërkushton Italinë për predikimin e ungjillit.
14 prill 1969	Përkushton Singaporin për predikimin e ungjillit.
26 tetor 1969	Përkushton Indonezinë për predikimin e ungjillit.
30 dhjetor 1973	Veçohet si President i Kuorumit të Dymbëdhjetë Apostujve.
10 nëntor 1985	Veçohet si President i Kishës së Jezu Krishtit të Shenjtorëve të Ditëve të Mëvonshme.
24 tetor 1986	Përkushton Tempullin e Denverit në Kolorado.
28 gusht 1987	Përkushton Tempullin e Frankfurtit në Gjermani. (Nëntë tempuj u përkushtuan gjatë shërbesës së tij si President i Kishës.)
2 tetor 1988	E jep vetë fjalimin e tij të fundit në konferencën e përgjithshme. (Pas tetorit 1988, shëndeti i tij i dobët fizik e pengoi të fliste në konferencën e përgjithshme. Këshilltarët e tij në Presidencën e Parë i lexuan predikimet në emër të tij ose cituan mesazhet që kishte dhënë në fjalimet e mëparshme.)
14 gusht 1992	Hidhërohet për vdekjen e bashkëshortes së tij, Florës.
30 maj 1994	Ndërron jetë në shtëpinë e tij në Solt-Lejk-Siti të Jutës, afërsisht dy muaj përpara ditëlindjes së tij të 95-të.