Sapta 23
Bagarap bilong Babilon i piksa long bagarap bai kamap long taim Jisas Krais kam long Nambatu taim—Em bai de bilong belhat na bekim bek—Babilon (graun) bai pundaun olgeta—Skelim Aisaia 13. Klostu 559–545 krismas bipo Krais.
1 Hevi bilong Babilon, Aisaia pikinini bilong Amos i bin lukim.
2 Yupela litimapim wanpela plek antap long longpela maunten, singautim ol, singautim wantaim han, olsem ol bai go insait long ol dua bilong ol lain bilong king.
3 Mi bin lidim ol lain ol mi bin makim, mi tu i bin singautim ol nambawan lain bilong mi, long wanem, belhat bilong mi i no inap kamap long ol lain ol i amamas long mejesti bilong mi.
4 Nois bilong planti lain long ol maunten mi bin harim wankain olsem nois bilong planti pipol, wanpela nois long kirap nogut long ol kingdom bilong ol nesen bung wantaim mi bin harim, Bikpela bilong Planti Tru i bungim ol ami long pait.
5 Ol ami bilong pait i kam long wanpela kantri i stap longwe, long arere long heven, ye, Bikpela, wantaim ol samting bilong pait na long belhat, na bilong bagarapim olgeta graun.
6 Krai yupela, bikos de bilong Bikpela i kam klostu, em bai kam long man em i gat Olgeta Pawa olsem em wanpela de bilong bagarap.
7 Long dispela as, olgeta han bai hap idai, bel bilong olgeta man bai kamap wara wara.
8 Na ol bai poret, na kisim pen nogut tru wantaim sore bai kisim ol, ol bai kalap nogut na lukluk long ol yet, pes bilong ol bai kamap wankain olsem paia lait.
9 Lukim, de bilong Bikpela i kam, dispela i nogut de tru i kam wantaim kros na belhat nogut tru, long bagarapim graun, na Bikpela bai bagarapim olgeta sin lain i stap insait long em.
10 Long wanem, ol sta long heven na ol sta bung wantaim long heven bai ol i no inap givim lait bilong ol, san bai kamap tudak taim em kamap na go daun, na mun bai i no inap givim lait bilong em.
11 Na mi bai mekim save long graun bikos long pasin nogut, na ol lain nogut bikos long sin bilong ol, mi bai mekim bikhet pasin bilong ol hambak lain long pinisim olgeta, na ol nogut lain tru ol i save poretim ol manmeri bai lusim olgeta hambak pasin bilong ol.
12 Mi bai mekim man long kamap moa dia tumas long naispela gol, tru tumas, man bai kamap dia tumas tru long ston gol bilong Ofi.
13 Long wanem, mi bai sakim ol heven, na graun bai raus long ples bilong em, taim Bikpela bilong Planti Tru i belhat, na long de long belhat nogut tru bilong em.
14 Na dispela de bai kamap wankain olsem wanpela dia ol i bin ronim, na wankain olsem wanpela sipsip nogat man bilong lukautim long bungim, olgeta pipol bai tanim i go long pipol bilong ol yet, na olgeta pipol bai ronawe i go long graun bilong ol yet.
15 Olgeta man ol i hambak bai sutim idai, ye, na olgeta man ol i bung wantaim ol pasin nogut lain bai pundaun wantaim naip bilong pait.
16 Ol pikinini bilong ol tu bai ol i tromoi ol i go daun na bruk i go liklik long ai bilong ol, ol birua bai stilim haus bilong ol na bagarapim meri bilong ol.
17 Lukim, mi bai tanim bel bilong ol lain bilong Media long pait wantaim ol, ol bai i no inap tingting long silva o gol, na tu ol bai i no inap amamas long ol.
18 Ol banara bilong ol tu bai sutim ol yangpela man na bruk i go liklik, na ol lain bilong Media bai i no inap sore long ol pikinini long bel bilong yu, ol bai i no inap larim ol pikinini long ai bilong ol.
19 Na Babilon, glori bilong olgeta kingdom, naispela long mejesti bilong ol lain bilong Saldia, bai kamap wankain olsem long taim God i bin bagarapim Sodom na Gomora.
20 Nogat wanpela man bai i stap long em, na tu nogat wanpela man bai i stap long em long wanpela jeneresen i go long narapela jeneresen: na tu nogat wanpela man bilong Arap bai sanapim haus sel long em, na tu nogat man bilong lukautim sipsip bai wokim banis bilong sipsip bilong ol long em.
21 Tasol, ol wail enimol long ples waisan nating bai ol i stap long em, na haus bilong ol bai pulap wantaim ol kainkain enimol, na ol pisin bilong nait bai i stap long em, na ol wail meme bai danis insait long em.
22 Na ol wail enimol long ol ailan bai singaut insait long haus bilong ol i bin bagarap, na ol masalai bai i stap insait long naispela haus long king bilong ol, na taim bilong em i kam klostu, na de bilong em bai i no moa holim bek long kam long bihain taim. Long wanem, mi bai bagarapim em hariap tru, ye, long wanem, mi bai marimari long ol pipol bilong mi, tasol ol nogut lain bai idai olgeta.