1 Mazwi aJakobho, munin’ina waNifai, ayo aakataura kuvanhu vekwaNifai:

2 Tarisai, hama dzangu dzinodiwa, ini Jakobho, ndadaidzwa naMwari, uye ndikagadzwa netsika yavo tsvene, ndakasimbiswa nemukoma wangu Nifai, uyo amunotarisa ^asamambo kana kuti mudziviriri, uye uyo amunotarisira kuti akupei rugare, tarisai munoziva kuti ndataura zvinhu kwamuri zvakanyanya kuwanda.

3 Zvakadaro, ndinotaura kwamuri zvakare; nokuti ndinoda magariro akanaka emweya yenyu. Hongu, kukutyirai kwangu kukuru; uye imi pachenyu munozviziva kuti zvagara zvakadaro. Nokuti ndakakukurudzirai nesimba rangu rose; uye ndikakudzidzisai mazwi ababa vangu; uye ndikataura kwamuri maererano nezvinhu zvose zvakanyorwa, kubvira pakusikwa kwenyika.

4 Uye zvino tarisai, ndingataure kwamuri maererano nezvinhu zviripo, uye zvichauya; nokudaro, ndichakuverengerai mazwi ^aaIsaya. Uye mazwi anodiwa nemukoma wangu kuti ndiataure kwamuri. Uye ndinotaura kwamuri kuitira imi, kuti mudzidze mugorumbidza zita raMwari wenyu.

5 Uye zvino, mazwi andichaverenga ndiwo akataurwa naIsaya maererano nemba yose yaIsraeri; nokudaro, angafananidzwe nemi, nokuti imi muri vemba yaIsraeri. Uye kune zvinhu zvizhinji zvakataurwa naIsaya zvingafananidzwe nemi, nokuti muri vemba yaIsraeri.

6 Uye zvino, aya ndiwo mazwi acho: ^aNdizvo zvinotaura Ishe Mwari: Tarisai, ndichasimudza ruoko rwangu kumaJentairi, uye ndomisa ^brupawo rwangu kuvanhu; uye vachaunza vanakomana venyu mumaoko avo, uye vanasikana venyu vachavatakura pamapfudzi avo.

7 Uye madzimambo achave madzibaba ekukurerai, uye madzimambokadzi avo vachave madzimai ekukurerai; vachakotama kwamuri uso hwavo hwakaringa pasi, uye vagonanzva guruva retsoka dzenyu; uye imi muchaziva kuti ndini Ishe; nokuti havazonyara avo ^avanondimirira.

8 Uye zvino ini Jakobho, ndinotaura maererano nemazwi aya. Nokuti tarisai, Ishe vandiratidza kuti avo vakanga vari ^aJerusarema, uko kwatakabva, vakauraiwa uye ^bvakatakurwa senhapwa.

9 Zvakadaro, Ishe vandiratidza kuti ^avachadzoka zvakare. Uye vandiratidzawo kuti Ishe Mwari, Mutsvene waIsraeri, achazviratidza kwavari munyama; mushure mekunge azviratidza vachamurova uye ^bvagomurovera, maererano nemazwi engirozi yakavataura kwandiri.

10 Uye mushure mekuomesa mwoyo yavo uye vaomesa nemitsipa yavo kuMutsvene waIsraeri, tarisai, ^akutonga kweMutsvene waIsraeri kuchauya pavari. Uye zuva riri kuuya ravacharohwa nekutambudzwa.

11 Nokudaro, mushure mekunge vatinhwa uku nekoko, nokuti ndiko kutaura kwengirozi, vazhinji vachatambudzwa munyama, uye havazobvumirwa kutsakatika, nenzira yeminamato yevanotenda; vachaparadzirwa, vagorohwa, uye vagovengwa; zvakadaro, Ishe vachavaitira tsitsi, zvekuti ^akana vazove ^bneruzivo rweMununuri wavo, ^cvachaunganidzwa zvakare munyika dzenhaka yavo.

12 Uye vakaropafadzwa ^amaJentairi, avo vakanyorwa nezvavo nemuporofita; nokuti tarisai, zvikaitika kuti vachatendeuka uye vagorega kurwisana neZioni, uye vagorega kuzvibatanidza nechechi iya huru ^binonyangadza, vachaponeswa; nokuti Ishe Mwari vachazadzikisa ^czvibvumirano zvaro zvavakaita kuvana vavo; nenzira yechikonzero ichi muporofita akanyora zvinhu izvi.

13 Nokudaro, avo vanorwisa Zioni nevanhu vechibvumirano chaIshe vachananzva guruva retsoka dzavo; uye vanhu vaIshe ^ahavazonyara. Nokuti vanhu vaIshe ndivo ^bvanovamirira; nokuti vachiri kumirira kuuya kwaMesia.

14 Uye tarisai, maererano nemazwi emuporofita, Mesia achazvimisa zvakare ^akechipiri kuti avatore; nokudaro, ^bachazviratidza kwavari nesimba nekubwinya kukuru, ^cmukuparadzwa kwevavengi vavo, kana zuva iro rasvika kana vave kutenda kwaari; uye hapana waanoparadza anotenda kwaari.

15 Uye avo vasingatende kwaari ^avachaparadzwa, zvose ^bnemoto, nedutu, nekundengendeka kwenyika, nekudeurwa kweropa, ^cnezvirwere, nenzara. Uye vachaziva kuti Ishe ndiMwari, Mutsvene waIsraeri.

16 ^aKo nyama ingabvutirwe anesimba here, kana nhapwa dziri ^bpamurau dzingasunungurwe here?

17 Asi ndiko kutaura kwaIshe: Kana ^anhapwa dzevanesimba dzichatorwa, uye nyama yevanotyisa ichasunungurwa; nokuti Mwari ^bSamasimba ^cvachasunungura vanhu vavo vechibvumirano. Nokuti ndiko kutaura kwaIshe: Ndicharwisana navo vanorwisana nemi—

18 Uye ndichavapa kudya avo vanokudzvinyirirai, nenyama yemiviri yavo; uye vachadhakwa neropa ravo sekunge vanwa waini inotapira; uye yose nyama ichaziva kuti ini Ishe ndini ^aMuponesi wenyu neMununuri wenyu, ^bSamasimba vaJakobho.