1 Panmati, O kamo nga mga Gentil, ngan pamatii adton mga tugon ni Jesucristo, an Anak han buhi nga Diyos, nga iya iginsugo ha akon nga Ako in kinahanglan magyakan hiunong ha iyo, tungod, kay kitaa ako in iya ginsugo nga ako in kaangayan magsurat, nga nagsisiring:

2 Baya-i, kamo ngatanan nga mga Gentil, tikang han iyo magraot nga mga pamatasan; ngan magbasul hadton iyo magraot nga mga binuhatan, an iyo mga pagbinuwa ngan mga panlimbong, ngan an iyo mga panlilibog, ngan an iyo mga tinago nga mangil-ad nga mga buruhaton, ngan an iyo pag-ampo han mga diyos-diyosan, ngan an iyo mga pagpatay, ngan an iyo mga dire tinuod nga pagsaserdote, ngan an iyo mga pagkaipa, ngan an iyo mga pag-away-away, ngan tikang han iyo ngatanan nga magraot ngan mangil-ad nga mga binuhatan, ngan dumaop ha akon, ngan magpabunyag ha akon ngaran, kay kamo in makarawat han kapasayloan han iyo mga sala, ngan mapuno han Espiritu Santo, agud kamo in mahiupod han akon mga tawo nga kaapi han sulod balay ni Israel.