1 Anajwan kik’ulman sa’ xlaje xka’k’aal chihab’ rawa’b’ejileb’ chaq laj raqol aatin sa’ xb’een lix tenamit laj Nefi, chirix naq laj Moroni kixk’ul ut ki’ilok ru lix ^ahu laj Helaman, kichal xsahil xch’ool chi numtajenaq xb’aan xkawilal, relik chi yaal, xb’aan li usaak q’axal nim kixk’ul chaq laj Helaman, sa’ xchapb’aleb’ li ch’och’ a’an li ke’sache’ chaq.

2 Relik chi yaal, ut kixk’e chi nawmank re chixjunil lix tenamit, sa’ chixjunil li ch’och’ sa’ xsutam sa’ li jun raqal a’an li wan wi’, re te’saho’q ajwi’ xch’ool.

3 Ut kik’ulman naq tikto kixtaqla jun li ^ahu rik’in laj ^bPahoran, ut kixtz’aama naq tixtaqla xch’utub’ankileb’ li winq re xk’eeb’al xkawilal laj Helaman, malaj eb’ lix teep aj pleet laj Helaman, re naq moko taach’a’ajko’q ta chiru xk’uulankil xwankil sa’ xb’een li jun raqal li ch’och’ a’an li ki’usilaak chixk’ulb’al wi’chik rik’in nimla sachb’a-ch’oolej.

4 Ut kik’ulman naq chirix naq laj Moroni kixtaqla li hu a’in sa’ li ch’och’ Tzarahemla, ki’ok wi’chik chixk’uub’ankil jun na’leb’ re taaruuq chixk’ulb’al li jun ch’ol chik chi eechanihom ut tenamit li ke’xmaq’ chaq laj Lamanita chiruheb’.

5 Ut naq yoo laj Moroni chi jo’kan chixkawresinkil rib’ chi xik sa’ xb’eeneb’ laj Lamanita re xpleetinkileb’, k’ehomaq reetal, kik’ulman naq eb’ li wankeb’ aran Nefihah, li ke’ch’utub’aak chaq sa’ li tenamit Moroni ut li tenamit Lehi ut li tenamit Morianton, ke’pleetiik xb’aaneb’ laj Lamanita.

6 Relik chi yaal, eb’ ajwi’ li ke’mine’ chaq ru chi eelelik chaq sa’ li ch’och’ Manti, ut sa’ li ch’och’ sa’ xsutam, ke’nume’ chaq junpak’al ut ke’xjunaji rib’ rik’ineb’ laj Lamanita sa’ li jun raqal chi ch’och’ a’in.

7 Ut chi jo’kan rik’in naq numtajenaq rajlankileb’, relik chi yaal, ut yookeb’ chixk’ulb’al xkawilaleb’ chi wulaj wulaj, chi taqlanb’il xb’aan laj Ammoron, ke’chal sa’ xb’eeneb’ li wankeb’ chaq Nefihah, ut ke’ok chixkamsinkileb’ rik’in jun li kamsink q’axal nim.

8 Ut k’a’jo’ xk’ihaleb’ lix teepeb’ aj pleet, jo’kan naq ki’aje’ chiru li jun ch’ol chik reheb’ li wankeb’ chaq Nefihah naq te’eeleliq chiruheb’; ut ke’chal ajwi’ ut ke’xjunaji rib’ rik’in lix teep aj pleet laj Moroni.

9 Ut anajwan, jo’ laj Moroni kixk’oxla naq te’wanq winq te’taqlamanq sa’ li tenamit Nefihah, re xtenq’ankileb’ li wankeb’ aran chixk’uulankil xwankil sa’ xb’een li tenamit a’an, ut jo’ naxnaw naq q’axal wi’chik naru xkolb’al li tenamit re ink’a’ taat’ane’q sa’ ruq’eb’ laj Lamanita, chiru xmaq’b’al wi’chik chiruheb’, a’an kixk’oxla naq moko taach’a’ajko’q ta chiruheb’ xk’uulankil xwankil sa’ xb’een li tenamit a’an.

10 Jo’kan naq kixk’uula chixjunil lix teep re xk’uulankil xwankil sa’ xb’eeneb’ li jar na’ajej a’an li kixchap wi’ chaq chik.

11 Ut anajwan, naq kiril laj Moroni naq chapb’il li tenamit Nefihah kiraho’ xch’ool chi numtajenaq, ut ki’ok chi wiib’ank xch’ool, xmaak xmaa’usilaleb’ li tenamit, ma ink’a’ ajwi’ tana’ te’t’ane’q sa’ ruq’eb’ li ras riitz’ineb’.

12 Anajwan jo’ka’in kiwan rik’ineb’ chixjunil li xb’eenil aj taqlanel. Ke’wiib’an xch’ool, ut ke’sach ajwi’ xch’ool xmaak xmaa’usilaleb’ li tenamit, ut a’in xb’aan naq ke’ru laj Lamanita chi numtaak sa’ xb’eeneb’.

13 Ut kik’ulman naq laj Moroni kichal xjosq’il rik’in xjolomil li tenamit, xb’aan naq ^aink’a’ neke’xk’oxla li ach’ab’aak wan wi’ lix tenamiteb’.