1 Ri Cristo xebutzijobej ri cablajuj u tijoxelab ri xuchaʼ canok. Xuyaʼ ri u kʼab paquiwiʼ, y are waʼ ri tak tzij ri xubij chque.

2 Xebusiqʼuij che qui biʼ y xubij: Chibanaʼ chʼawem rucʼ ri Tataxel pa nu biʼ. Jeʼ cʼut, chibanalaʼ nimalaj chʼawem. Cʼäte banom chi waʼ, cäpe na i cuinem chukʼaxaxic ri Uxlabixel chque ronojel winak ri quiyaʼ wi i kʼab paquiwiʼ. Chibanaʼ we kʼaxaxic riʼ pa nu biʼ, rumal chi are junam cäquiban ri nu apostolib.

3 Are we tak tzij riʼ ri xubij ri Cristo chque pa ri jun kʼij are nabe xucʼut rib chquiwäch. Are cʼu ri qʼui winak ri qui mulim quib man xquita taj we jun tzij, tzare ri tijoxelab cʼut kas jeʼ xquito, y che apachin ri xquiyaʼ qui kʼab pa u jolom, are xkaj ri Uxlabixel puwiʼ.