1 Are waʼ ri u beyal ri tijoxelab xquiyaʼ ri lokʼalaj cuinem chque ri tewichinelab y tijonelab.

2 Xquiban chʼawem che ri Tataxel pa ri u biʼ ri Cristo. Banom chi laʼ, xquiyaʼ qui kʼab paquiwiʼ, y xquibij:

3 Pa ri u biʼ ri Jesucristo, catinwoquisaj che ri u chac jun tewichinel, (o we tä ri areʼ jun tijonel), catinwoquisaj che ri u chac jun tijonel, rech catzijoj ri qʼuexbal cʼuxaj che ri mac y ri esabal macaj rumal ri Jesucristo, rumal u kʼiʼic ri a cojobal che ri u biʼ cʼä pa ri qʼuisbal kʼij. Amen.

4 Jewaʼ cʼut, xecoquisaj che ri lokʼalaj qui chac ri tewichinelab y ri tijonelab. Xquiban we oquisanic riʼ je jas u beyal ri tak u sipanic y ri u siqʼuinic ri Dios chque ri achijab. Ri e reʼ xecoquisaj canok rumal ri chukʼabil re ri Uxlabixel ri xcʼojiʼ cucʼ.