ປຈສ, 1 ຕີໂມທຽວ 3:15–16. ປຽບທຽບໃສ່ກັບ 1 ຕີໂມທຽວ 3:15–16
ສາດສະໜາຈັກໄດ້ຖືກຈັດຕັ້ງຂຶ້ນ ເທິງຫລັກທຳທີ່ສຳຄັນ ວ່າພຣະເຢຊູໄດ້ກາຍເປັນມະນຸດ, ໄດ້ສອນພຣະກິດຕິຄຸນ, ແລະ ໄດ້ກັບຄືນໄປຫາພຣະບິດາຂອງພຣະອົງ. ໝາຍເຫດ: ການປ່ຽນທີ່ເລິກຊຶ້ງຢູ່ໃນຂໍ້ດັ່ງຕໍ່ໄປນີ້ ເນັ້ນໜັກວ່າ “ເສົາ ແລະ ຮາກແຫ່ງຄວາມຈິງ” ຄືພຣະເຢຊູຄຣິດ.
15 ແຕ່ຖ້າຫາກເຮົາມາຊ້າ, ທ່ານກໍຈະໄດ້ຮູ້ວ່າ ທ່ານຄວນປະຕິບັດຢ່າງໃດໃນຄອບຄົວຂອງພຣະເຈົ້າ, ຄືໃນສາດສະໜາຈັກຂອງພຣະເຈົ້າທີ່ຊົງພຣະຊົນຢູ່.
16 ເສົາ ແລະ ຮາກແຫ່ງຄວາມຈິງ (ແລະ ທາງຂອງພຣະເຈົ້າອັນຍິ່ງໃຫຍ່ ແລະ ລຶກລັບ,) ຄື, ພຣະເຈົ້າໄດ້ປະກົດໃນສະພາບມະນຸດ, ໄດ້ຖືກສະແດງໃຫ້ເຫັນເປັນຜູ້ຊອບທຳໂດຍພຣະວິນຍານ, ໄດ້ສະແດງພຣະອົງໃຫ້ແກ່ເຫລົ່າທູດ, ໄດ້ມີຜູ້ປະກາດເລື່ອງພຣະອົງໃນທ່າມກາງຄົນຕ່າງຊາດ, ໄດ້ມີຜູ້ເຊື່ອຖືພຣະອົງທົ່ວທັງໂລກ, ແລະ ໄດ້ຖືກຮັບຂຶ້ນສູ່ສະຫງ່າລາສີ.