ປຈສ, ອົບພະຍົບ 34: 1–2, 14. ປຽບທຽບໃສ່ກັບ ອົບພະຍົບ 34:1–2, 14; ຄພ 84:21–26
ອີກເທື່ອໜຶ່ງ ພຣະເຈົ້າຂຽນກົດໃສ່ໃນແຜ່ນຫີນ ທີ່ໂມເຊໄດ້ຕຽມມາ ແຕ່ໄດ້ເອົາຖານະປະໂລຫິດແຫ່ງເມນຄີເສເດັກ ແລະ ພິທີການຂອງມັນໄປ ຈາກລູກຫລານຂອງອິດສະຣາເອນ. ພຣະອົງໄດ້ປະທານພຣະບັນຍັດຝ່າຍໂລກໃຫ້ພວກເຂົາແທນ.
1 ແລະ ພຣະຜູ້ເປັນເຈົ້າໄດ້ກ່າວກັບໂມເຊວ່າ, ຈົ່ງຕັດຫີນສອງແຜ່ນອື່ນອີກ ໃຫ້ຄືເທື່ອທຳອິດ, ແລະ ເຮົາຈະຂຽນຖ້ອຍຄຳ ແລະ ກົດໃສ່ໃນນັ້ນຄືກັນ, ຕາມທີ່ມັນໄດ້ຖືກຂຽນໄວ້ໃນຫີນແຜ່ນທຳອິດທີ່ເຈົ້າໄດ້ເຮັດແຕກ; ແຕ່ຈະບໍ່ເໝືອນແຜ່ນທຳອິດ, ເພາະເຮົາຈະເອົາຖານະປະໂລຫິດໄປຈາກພວກເຂົາ; ສະນັ້ນ ລະບຽບທີ່ສັກສິດຂອງເຮົາ, ແລະ ພິທີການໃນນັ້ນ, ຈະບໍ່ນຳໜ້າພວກເຂົາໄປ; ເພາະການປະທັບຢູ່ຂອງເຮົາຈະບໍ່ດຳເນີນໄປໃນທ່າມກາງພວກເຂົາ, ຢ້ານວ່າເຮົາຈະທຳລາຍພວກເຂົາ.
2 ແຕ່ເຮົາຈະມອບກົດໃຫ້ແກ່ພວກເຂົາດັ່ງເທື່ອທຳອິດ, ແຕ່ມັນຈະເປັນຕາມກົດຂອງບັນຍັດຝ່າຍໂລກ; ເພາະເຮົາໄດ້ສາບານໃນຄວາມຄຽດແຄ້ນຂອງເຮົາ, ວ່າພວກເຂົາຈະບໍ່ເຂົ້າໄປໃນທີ່ປະທັບຂອງເຮົາ, ເຂົ້າໄປໃນທີ່ພັກຂອງເຮົາ, ໃນວັນເວລາແຫ່ງການເດີນທາງຂອງພວກເຂົາ. ສະນັ້ນ ຈົ່ງເຮັດຕາມທີ່ເຮົາໄດ້ບັນຊາເຈົ້າ, ແລະ ຈົ່ງຕຽມພ້ອມໃນມື້ອື່ນເຊົ້າ, ແລະ ຂຶ້ນມາເທິງພູຊີນາຍໃນຕອນເຊົ້າ, ແລະ ໄປພົບເຮົາຢູ່ທີ່ນັ້ນ, ເທິງຈອມພູ.
ພຣະເຢໂຮວາເປັນພຣະນາມໜຶ່ງອີກຂອງອົງພຣະເຢຊູຄຣິດເຈົ້າ ຊຶ່ງຜູ້ຄົນໃນພຣະຄຳພີເດີມຮູ້ຈັກ.
14 ເພາະເຈົ້າຈະບໍ່ນະມັດສະການພຣະອື່ນອີກ; ເພາະພຣະຜູ້ເປັນເຈົ້າ, ຜູ້ຊຶ່ງມີພຣະນາມວ່າ ພຣະເຢໂຮວາ, ເປັນພຣະເຈົ້າທີ່ຫວງແຫນ.