ປຈສ, ເພງສັນລະເສີນ 11:1–5. ປຽບທຽບໃສ່ກັບ ເພງສັນລະເສີນ 11:1–5
ໃນຍຸກສຸດທ້າຍ ຄົນຊອບທຳຈະໜີໄປລີ້ທີ່ພູເຂົາຂອງພຣະຜູ້ເປັນເຈົ້າ. ເມື່ອພຣະຜູ້ເປັນເຈົ້າສະເດັດມາ, ພຣະອົງຈະທຳລາຍຄົນຊົ່ວ ແລະ ໄຖ່ຄົນຊອບທຳ.
1 ໃນມື້ນັ້ນ ພຣະອົງຈະສະເດັດມາ, ໂອ້ ພຣະຜູ້ເປັນເຈົ້າ; ແລະ ຂ້ານ້ອຍຈະໄວ້ວາງໃຈໃນພຣະອົງ. ພຣະອົງຈະບອກຜູ້ຄົນຂອງພຣະອົງ, ເພາະຫູຂອງຂ້ານ້ອຍໄດ້ຍິນສຸລະສຽງຂອງພຣະອົງ; ພຣະອົງຈະກ່າວແກ່ທຸກຄົນວ່າ, ຈົ່ງໜີໄປລີ້ທີ່ພູເຂົາຂອງເຮົາ; ແລະ ຄົນຊອບທຳຈະໜີໄປລີ້ເໝືອນດັ່ງນົກ ທີ່ຖືກປ່ອຍອອກຈາກແຮ້ວຂອງນາຍພານ.
2 ເພາະຄົນຊົ່ວໄດ້ກົ່ງໜ້າທະນູ; ເບິ່ງເຖີດ, ພວກເຂົາພ້ອມທີ່ຈະຍິງລູກສອນ, ໄປໃສ່ຄົນຊອບທຳຈາກບ່ອນມືດ, ເພື່ອທຳລາຍຮາກຖານຂອງພວກເຂົາ.
3 ແຕ່ ຮາກຖານຂອງຄົນຊົ່ວຈະຖືກທຳລາຍ, ແລະ ພວກເຂົາສາມາດເຮັດຫຍັງໄດ້ແດ່?
4 ເພາະພຣະຜູ້ເປັນເຈົ້າ, ເມື່ອພຣະອົງສະເດັດມາຍັງພຣະວິຫານທີ່ສັກສິດຂອງພຣະອົງ, ປະທັບເທິງພຣະບັນລັງຂອງພຣະເຈົ້າຢູ່ເທິງຟ້າສະຫວັນ, ພຣະອົງຈະເຝົ້າເບິ່ງຄົນຊົ່ວ.
5 ພຣະອົງຈະເຝົ້າເບິ່ງລູກຫລານມະນຸດ, ແລະ ພຣະອົງຈະໄຖ່ຄົນຊອບທຳ, ແລະ ພວກເຂົາຈະຖືກທົດສອບ. ພຣະຜູ້ເປັນເຈົ້າຮັກຄົນຊອບທຳ, ແຕ່ພຣະອົງກຽດຊັງຄົນທີ່ເຮັດການໂຫດຮ້າຍ.