ປຈສ, ເພງສັນລະເສີນ 24:7–10. ປຽບທຽບໃສ່ກັບ ເພງສັນລະເສີນ 24:7–10
ພຣະເຈົ້າແຫ່ງຄວາມມີໄຊຈະໄຖ່ຜູ້ຄົນຂອງພຣະອົງ ເວລາພຣະອົງສະເດັດມາ.
7 ຈົ່ງເງີຍໜ້າຂຶ້ນ, ໂອ້ ເຈົ້າຫລາຍລຸ້ນຄົນຂອງຢາໂຄບ; ແລະ ຈົ່ງເງີຍໜ້າຂຶ້ນເຖີດ; ແລະ ພຣະຜູ້ເປັນເຈົ້າມີລິດທານຸພາບ ແລະ ເຂັ້ມແຂງ; ພຣະຜູ້ເປັນເຈົ້າມີໄຊໃນສະໜາມຮົບ, ຜູ້ເປັນພຣະເຈົ້າແຫ່ງຄວາມມີໄຊ, ຈະສະຖາປະນາເຈົ້າຕະຫລອດການ.
8 ແລະ ພຣະອົງຈະເປີດປະຕູສະຫວັນ; ແລະ ຈະສະເດັດລົງມາເພື່ອໄຖ່ຜູ້ຄົນຂອງພຣະອົງ; ເພື່ອເຮັດໃຫ້ເຈົ້າມີນາມອັນເປັນນິດ; ເພື່ອສະຖາປະນາເຈົ້າໄວ້ເທິງດານຫີນອັນເປັນນິດຂອງພຣະອົງ.
9 ຈົ່ງເງີຍໜ້າຂຶ້ນ, ໂອ້ ເຈົ້າຫລາຍລຸ້ນຄົນຂອງຢາໂຄບ; ຈົ່ງເງີຍໜ້າຂຶ້ນເຖີດ, ເຈົ້າຫລາຍລຸ້ນຄົນອັນເປັນນິດ, ແລະ ຈອມໂຍທາ, ແລະ ມະຫາກະສັດຂອງບັນດາກະສັດທັງຫລາຍ;
10 ແມ່ນແຕ່ພຣະເຈົ້າແຫ່ງຄວາມມີໄຊຈະສະເດັດມາຫາເຈົ້າ; ແລະ ຈະໄຖ່ຜູ້ຄົນຂອງພຣະອົງ, ແລະ ຈະສະຖາປະນາພວກເຂົາໃນຄວາມຊອບທຳ. ເສລາ.