DJS, Zvakazarurwa 1:1–4 (enzanisa Zvakazarurwa 1:1–4)
(Johane akagashira chakazarurwa kubva kuna Jesu Kristu uye akachipa kuvatungamiri vechechi nomwe muAsia.)
1 Zvakazarurwa zvaJohane, muranda waMwari, izvo zvakapihwa kwaari naJesu Kristu, kuratidza kuvaranda vake zvinhu zvakanga zvave pedyo nokuitika, izvo zvaakatumira uye ndokuzivisa nengirozi yake kumuranda wake Johane,
2 Uyo akapupura pamusoro pezwi raMwari, uye nezveuchapupu hwaJesu Kristu, nezve zvinhu zvose zvaakaona.
3 Vakaropafadzwa avo vanoverenga, uye neavo vanonzwa nekunzwisisa mazwi echiporofita ichi, uye nekuchengeta izvo zvinhu zvakanyorwa machiri, nokuti nguva yekuuya kwaIshe yaswedera pedyo.
4 Zvino uhwu ndihwo uchapupu hwaJohane kuvaranda vanomwe avo vari pamusoro pechechi nomwe muAsia. Nyasha kwamuri, uye runyararo kubva kwaari uyo ari, uye uyo aive, neuyo achauya; uyo atumira ngirozi yake kubva pachigaro chake chekutonga, kuzopupura kune avo vanove ndivo varanda vanomwe vari pamusoro pechechi nomwe.