ບົດທີ 4
ບັນດາພຣະເຈົ້າວາງແຜນສ້າງແຜ່ນດິນໂລກ ແລະ ຊີວິດທັງປວງຢູ່ເທິງນັ້ນ—ອະທິບາຍເຖິງແຜນຂອງພວກພຣະອົງສຳລັບການສ້າງໃນຫົກວັນ.
1 ແລະ ຈາກນັ້ນພຣະຜູ້ເປັນເຈົ້າໄດ້ກ່າວວ່າ: ໃຫ້ພວກເຮົາລົງໄປ. ແລະ ພວກພຣະອົງໄດ້ລົງໄປໃນ ກການເລີ່ມຕົ້ນ, ແລະ ພວກພຣະອົງ, ນັ້ນຄືບັນດາພຣະເຈົ້າ, ໄດ້ ຂວາງລະບຽບ ແລະ ປະກອບຟ້າສະຫວັນ ແລະ ແຜ່ນດິນໂລກ.
2 ແລະ ແຜ່ນດິນໂລກ, ຫລັງຈາກມັນໄດ້ຖືກປະກອບແລ້ວ, ວ່າງເປົ່າ ແລະ ຮ້າງ, ເພາະວ່າມັນບໍ່ມີສິ່ງອື່ນໃດນອກຈາກແຜ່ນດິນໂລກ; ແລະ ຄວາມມືດຫຸ້ມຫໍ່ມະຫາສະໝຸດອັນກວ້າງໃຫຍ່ໄພສານ; ແລະ ພຣະວິນຍານຂອງບັນດາພຣະເຈົ້າໄດ້ ກວົນວຽນຢູ່ເທິງໜ້ານ້ຳ.
3 ແລະ ພວກພຣະອົງ (ບັນດາພຣະເຈົ້າ) ໄດ້ກ່າວວ່າ: ໃຫ້ມີຄວາມສະຫວ່າງສ່ອງຂຶ້ນ; ແລະ ຄວາມສະຫວ່າງກໍສ່ອງຂຶ້ນ.
4 ແລະ ພວກພຣະອົງ (ບັນດາພຣະເຈົ້າ) ໄດ້ເຂົ້າໃຈຄວາມສະຫວ່າງ, ເພາະວ່າມັນເຈີດຈ້າ; ແລະ ພວກພຣະອົງໄດ້ແຍກຄວາມສະຫວ່າງ, ຫລື ເຮັດໃຫ້ມັນແຍກອອກຈາກຄວາມມືດ.
5 ແລະ ບັນດາພຣະເຈົ້າໄດ້ເອີ້ນຄວາມສະຫວ່າງນັ້ນວ່າ ກາງເວັນ, ແລະ ຄວາມມືດນັ້ນພວກພຣະອົງໄດ້ເອີ້ນມັນວ່າ ກາງຄືນ. ແລະ ເຫດການໄດ້ບັງເກີດຂຶ້ນຄື ຈາກຕອນຄ່ຳເຖິງຕອນເຊົ້າ ພວກພຣະອົງໄດ້ເອີ້ນມັນວ່າ ກາງຄືນ; ແລະ ຈາກຕອນເຊົ້າເຖິງຕອນຄ່ຳ ພວກພຣະອົງໄດ້ເອີ້ນມັນວ່າ ກາງເວັນ; ແລະ ນີ້ເປັນຈຸດທຳອິດ, ຫລື ການເລີ່ມຕົ້ນ, ຂອງສິ່ງທີ່ພວກພຣະອົງໄດ້ເອີ້ນວ່າກາງເວັນ ແລະ ກາງຄືນ.
6 ແລະ ບັນດາພຣະເຈົ້າໄດ້ກ່າວອີກວ່າ: ໃຫ້ ກມີຄວາມກວ້າງໃຫຍ່ໄພສານຢູ່ທ່າມກາງນ້ຳ, ແລະ ມັນຈະແຍກຜືນນ້ຳອອກຈາກຜືນນ້ຳ.
7 ແລະ ບັນດາພຣະເຈົ້າໄດ້ບັນຊາຄວາມກວ້າງໃຫຍ່ໄພສານ, ເພື່ອວ່າມັນຈະໄດ້ແຍກຜືນນ້ຳທີ່ຢູ່ໃຕ້ຄວາມກວ້າງໃຫຍ່ໄພສານຈາກຜືນນ້ຳທີ່ຢູ່ເທິງຄວາມກວ້າງໃຫຍ່ໄພສານ; ແລະ ກໍເປັນດັ່ງນັ້ນ, ແມ່ນແຕ່ພວກພຣະອົງໄດ້ບັນຊາ.
8 ແລະ ບັນດາພຣະເຈົ້າໄດ້ເອີ້ນຄວາມກວ້າງໃຫຍ່ໄພສານ, ວ່າ ກຟ້າສະຫວັນ. ແລະ ເຫດການໄດ້ບັງເກີດຂຶ້ນຄື ຈາກຕອນຄ່ຳເຖິງຕອນເຊົ້າ ຖືກເອີ້ນວ່າກາງຄືນ; ແລະ ເຫດການໄດ້ບັງເກີດຂຶ້ນຄື ຈາກຕອນເຊົ້າເຖິງຕອນຄ່ຳ ຖືກເອີ້ນວ່າກາງເວັນ; ແລະ ນີ້ເປັນຊ່ວງ ຂເວລາທີສອງທີ່ຖືກເອີ້ນວ່າກາງຄືນ ແລະ ກາງເວັນ.
9 ແລະ ບັນດາພຣະເຈົ້າໄດ້ບັນຊາ, ໂດຍກ່າວວ່າ: ໃຫ້ ກນ້ຳທີ່ຢູ່ລຸ່ມຟ້າສະຫວັນ ມາໂຮມກັນຢູ່ບ່ອນ ຂດຽວ, ແລະ ໃຫ້ພື້ນດິນປະກົດຂຶ້ນ; ແລະ ກໍເປັນດັ່ງນັ້ນດັ່ງທີ່ມັນຖືກບັນຊາ;
10 ແລະ ບັນດາພຣະເຈົ້າໄດ້ປະກາດພື້ນດິນແຫ້ງ, ວ່າເປັນແຜ່ນດິນ; ແລະ ນ້ຳທີ່ມາໂຮມກັນຢູ່ບ່ອນດຽວ, ພວກພຣະອົງໄດ້ປະກາດວ່າ, ກມະຫາສະໝຸດ; ແລະ ບັນດາພຣະເຈົ້າເຫັນວ່າ ມັນໄດ້ເຊື່ອຟັງ.
11 ແລະ ບັນດາພຣະເຈົ້າໄດ້ກ່າວວ່າ: ໃຫ້ພວກເຮົາຕຽມແຜ່ນດິນໂລກເພື່ອໃຫ້ເກີດ ກພືດພັນທຸກຊະນິດ; ທັງແນວເມັດ ແລະ ແນວເປັນໝາກ, ຕາມຊະນິດຂອງມັນ; ຕົ້ນໄມ້ເກີດໝາກ, ຊຶ່ງເມັດຂອງມັນຢູ່ໃນຕົວຂອງມັນເອງຢູ່ເທິງແຜ່ນດິນໂລກ; ແລະ ກໍເປັນດັ່ງນັ້ນ ແມ່ນແຕ່ດັ່ງທີ່ມັນຖືກບັນຊາ.
12 ແລະ ບັນດາພຣະເຈົ້າໄດ້ຈັດລະບຽບແຜ່ນດິນໂລກເພື່ອໃຫ້ເກີດພືດພັນທຸກຊະນິດຈາກເມັດຂອງມັນເອງ, ແນວເປັນເມັດກໍຈາກເມັດຂອງມັນ, ແລະ ແນວເປັນໝາກກໍຈາກໝາກຂອງມັນ, ອອກເມັດຕາມຊະນິດຂອງມັນ; ແລະ ແຜ່ນດິນໂລກຈະເກີດຕົ້ນໄມ້ຕາມເມັດຂອງມັນ, ອອກໝາກ, ຊຶ່ງເມັດຂອງມັນຈະເກີດພຽງແຕ່ຕົ້ນໄມ້ຊະນິດດຽວກັນນັ້ນ, ຕາມຊະນິດຂອງມັນ; ແລະ ບັນດາພຣະເຈົ້າເຫັນວ່າມັນໄດ້ເຊື່ອຟັງ.
13 ແລະ ເຫດການໄດ້ບັງເກີດຂຶ້ນຄື ພວກພຣະອົງໄດ້ນັບຈຳນວນວັນ; ຈາກຕອນຄ່ຳເຖິງຕອນເຊົ້າ ພວກພຣະອົງເອີ້ນວ່າກາງຄືນ; ແລະ ເຫດການໄດ້ບັງເກີດຂຶ້ນຄື ຈາກຕອນເຊົ້າເຖິງຕອນຄ່ຳພວກພຣະອົງໄດ້ເອີ້ນມັນວ່າກາງເວັນ; ແລະ ມັນເປັນຊ່ວງເວລາທີສາມ.
14 ແລະ ບັນດາພຣະເຈົ້າໄດ້ຈັດລະບຽບ ກຄວາມສະຫວ່າງໃນຄວາມກວ້າງໃຫຍ່ໄພສານແຫ່ງຟ້າສະຫວັນ, ແລະ ເຮັດໃຫ້ມັນແຍກກາງເວັນອອກຈາກກາງຄືນ; ແລະ ໄດ້ຈັດລະບຽບມັນເພື່ອໃຫ້ເປັນເຄື່ອງໝາຍ ແລະ ສຳລັບລະດູການ, ແລະ ສຳລັບວັນ ແລະ ສຳລັບປີ;
15 ແລະ ໄດ້ຈັດລະບຽບມັນເພື່ອເປັນຄວາມສະຫວ່າງໃນຄວາມກວ້າງໃຫຍ່ໄພສານແຫ່ງຟ້າສະຫວັນເພື່ອໃຫ້ສ່ອງແສງລົງມາສູ່ແຜ່ນດິນໂລກ; ແລະ ກໍເປັນດັ່ງນັ້ນ.
16 ແລະ ບັນດາພຣະເຈົ້າໄດ້ຈັດລະບຽບແສງທີ່ເຈີດຈ້າສອງດວງ, ແສງທີ່ເຈີດຈ້າ ກຫລາຍກວ່າໃຫ້ປົກຄອງກາງເວັນ, ແລະ ແສງທີ່ເຈີດຈ້າໜ້ອຍກວ່າໃຫ້ປົກຄອງກາງຄືນ; ພ້ອມກັບແສງທີ່ເຈີດຈ້າໜ້ອຍກວ່າ ພວກພຣະອົງໄດ້ວາງໝູ່ດວງດາວນຳອີກ;
17 ແລະ ບັນດາພຣະເຈົ້າໄດ້ວາງມັນໄວ້ຢູ່ໃນຄວາມກວ້າງໃຫຍ່ໄພສານແຫ່ງຟ້າສະຫວັນ, ເພື່ອໃຫ້ສ່ອງແສງລົງມາສູ່ແຜ່ນດິນໂລກ, ແລະ ເພື່ອປົກຄອງກາງເວັນ ແລະ ກາງຄືນ, ແລະ ເພື່ອເຮັດໃຫ້ແຍກຄວາມສະຫວ່າງຈາກຄວາມມືດ.
18 ແລະ ບັນດາພຣະເຈົ້າໄດ້ເຝົ້າເບິ່ງສິ່ງເຫລົ່ານັ້ນ ຊຶ່ງພຣະອົງໄດ້ບັນຊາຈົນວ່າມັນເຊື່ອຟັງ.
19 ແລະ ເຫດການໄດ້ບັງເກີດຂຶ້ນຄື ຈາກຕອນຄ່ຳເຖິງຕອນເຊົ້າ ເປັນກາງຄືນ; ແລະ ເຫດການໄດ້ບັງເກີດຂຶ້ນຄື ຈາກຕອນເຊົ້າເຖິງຕອນຄ່ຳ ເປັນກາງເວັນ; ແລະ ມັນເປັນຊ່ວງເວລາທີສີ່.
20 ແລະ ບັນດາພຣະເຈົ້າໄດ້ກ່າວວ່າ: ໃຫ້ພວກເຮົາຕຽມຜືນນ້ຳເພື່ອໃຫ້ເກີດສັດຫລາຍຈຳພວກເກີດຢູ່ໃນນ້ຳເຕັມຢູ່ຢ່າງຫລວງຫລາຍ; ແລະ ຝູງນົກ, ເພື່ອມັນຈະໄດ້ບິນໄປມາໃນຄວາມກວ້າງໃຫຍ່ໄພສານແຫ່ງຟ້າສະຫວັນ.
21 ແລະ ບັນດາພຣະເຈົ້າໄດ້ຕຽມຜືນນ້ຳເພື່ອໃຫ້ມີ ກປາວານຂະໜາດໃຫຍ່, ແລະ ສັດທຸກຊະນິດທີ່ເຄື່ອນຍ້າຍ, ຊຶ່ງຈະເຕັມຢູ່ຢ່າງອຸດົມສົມບູນໃນຜືນນ້ຳຕາມຊະນິດຂອງມັນ; ແລະ ນົກທຸກຕົວ ຕາມຊະນິດຂອງມັນ. ແລະ ບັນດາພຣະເຈົ້າເຫັນວ່າມັນໄດ້ເຊື່ອຟັງ, ແລະ ວ່າແຜນຂອງພວກພຣະອົງນັ້ນດີ.
22 ແລະ ບັນດາພຣະເຈົ້າໄດ້ກ່າວວ່າ: ພວກເຮົາຈະອວຍພອນມັນ, ແລະ ເຮັດໃຫ້ມັນພາກັນອອກແມ່ແຜ່ລູກຫລາຍຢູ່ເຕັມ ກມະຫາສະໝຸດ; ແລະ ເຮັດໃຫ້ຝູງນົກແຜ່ຜາຍຂະຫຍາຍພັນຫລາຍຂຶ້ນຢູ່ໃນແຜ່ນດິນໂລກ.
23 ແລະ ເຫດການໄດ້ບັງເກີດຂຶ້ນຄື ຈາກຕອນຄ່ຳເຖິງຕອນເຊົ້າ ຖືກເອີ້ນວ່າກາງຄືນ; ແລະ ເຫດການໄດ້ບັງເກີດຂຶ້ນຄື ຈາກຕອນເຊົ້າເຖິງຕອນຄ່ຳ ຖືກເອີ້ນວ່າກາງເວັນ; ແລະ ມັນເປັນຊ່ວງເວລາທີຫ້າ.
24 ແລະ ກບັນດາພຣະເຈົ້າໄດ້ຕຽມແຜ່ນດິນໂລກເພື່ອໃຫ້ມີສັດຈຳພວກຕ່າງໆຢູ່ເທິງແຜ່ນດິນໂລກຕາມຊະນິດຂອງມັນ, ສັດບ້ານ, ແລະ ສັດຍ່າງຍ້າຍເລືອຄານ, ແລະ ສັດປ່າເກີດຂຶ້ນທົ່ວແຜ່ນດິນໂລກຕາມຊະນິດຂອງມັນ; ແລະ ກໍເປັນດັ່ງນັ້ນ, ດັ່ງທີ່ພວກພຣະອົງໄດ້ກ່າວ.
25 ແລະ ບັນດາພຣະເຈົ້າໄດ້ຈັດລະບຽບແຜ່ນດິນໂລກເພື່ອໃຫ້ມີສັດປ່າເກີດຂຶ້ນຕາມຊະນິດຂອງມັນ, ແລະ ສັດບ້ານຕາມຊະນິດຂອງມັນ, ແລະ ທຸກຊະນິດທີ່ຍ່າງຍ້າຍເລືອຄານຢູ່ເທິງແຜ່ນດິນໂລກຕາມຊະນິດຂອງມັນ; ແລະ ບັນດາພຣະເຈົ້າເຫັນວ່າມັນໄດ້ເຊື່ອຟັງ.
26 ແລະ ບັນດາພຣະເຈົ້າໄດ້ ກປຶກສາຫາລືກັນ ແລະ ໄດ້ກ່າວວ່າ: ໃຫ້ພວກເຮົາລົງໄປ ແລະ ປະກອບ ຂມະນຸດໃຫ້ເປັນ ຄຮູບລັກສະນະທີ່ຄ້າຍຄືພວກເຮົາ, ຕາມລັກສະນະຂອງພວກເຮົາ; ແລະ ພວກເຮົາຈະໃຫ້ພວກເຂົາມີອຳນາດເໜືອປາໃນນ້ຳ, ແລະ ເໜືອນົກໃນອາກາດ, ແລະ ເໜືອສັດທັງໝົດ, ແລະ ເໜືອທັງແຜ່ນດິນໂລກ, ແລະ ເໜືອສັດຍ່າງຍ້າຍເລືອຄານທຸກຊະນິດຢູ່ເທິງແຜ່ນດິນໂລກ.
27 ດັ່ງນັ້ນ ກບັນດາພຣະເຈົ້າຈຶ່ງໄດ້ລົງໄປຈັດລະບຽບມະນຸດໃນຮູບລັກສະນະຂອງພວກພຣະອົງເອງ, ໃນຮູບຮ່າງລັກສະນະຂອງບັນດາພຣະເຈົ້າ ພວກພຣະອົງໄດ້ປະກອບພວກເຂົາ, ຊາຍ ແລະ ຍິງພວກພຣະອົງໄດ້ປະກອບພວກເຂົາ.
28 ແລະ ບັນດາພຣະເຈົ້າໄດ້ກ່າວວ່າ: ພວກເຮົາຈະອວຍພອນພວກເຂົາ. ແລະ ບັນດາພຣະເຈົ້າໄດ້ກ່າວວ່າ: ພວກເຮົາຈະເຮັດໃຫ້ພວກເຂົາມີລູກເຕົ້າໃຫ້ແຜ່ຂະຫຍາຍ, ແລະ ປົກຄອງມັນ, ແລະ ມີອຳນາດເໜືອປາໃນນ້ຳ, ແລະ ເໜືອນົກໃນອາກາດ, ສັດທຸກຊະນິດທີ່ເຄື່ອນຍ້າຍຢູ່ເທິງແຜ່ນດິນໂລກ.
29 ແລະ ບັນດາພຣະເຈົ້າໄດ້ກ່າວວ່າ: ຈົ່ງເບິ່ງ, ພວກເຮົາຈະມອບພືດເປັນເມັດທຸກຊະນິດ, ທີ່ຈະເກີດຢູ່ເທິງພື້ນແຜ່ນດິນໂລກ, ແລະ ຕົ້ນໄມ້ທັງໝົດ ແລະ ໝາກຂອງມັນໃຫ້ແກ່ພວກເຂົາ; ມັນຈະເປັນ ກອາຫານຂອງພວກເຂົາ.
30 ແລະ ສຳລັບສັດປ່າຢູ່ໃນແຜ່ນດິນໂລກ, ແລະ ສຳລັບນົກຢູ່ໃນອາກາດ, ແລະ ສຳລັບສັດຍ່າງຍ້າຍເລືອຄານທຸກຊະນິດຢູ່ໃນແຜ່ນດິນໂລກ, ຈົ່ງເບິ່ງ, ພວກເຮົາຈະມອບຊີວິດໃຫ້ແກ່ມັນ, ແລະ ພ້ອມນີ້ພວກເຮົາໃຫ້ຫຍ້າກັບພືດແກ່ພວກມັນເພື່ອເປັນອາຫານ, ແລະ ສິ່ງເຫລົ່ານີ້ທັງໝົດຈະຖືກຈັດລະບຽບໄວ້ດັ່ງນີ້.
31 ແລະ ບັນດາພຣະເຈົ້າໄດ້ກ່າວວ່າ: ພວກເຮົາຈະເຮັດທຸກສິ່ງທີ່ພວກເຮົາໄດ້ກ່າວ, ແລະ ຈັດລະບຽບມັນ; ແລະ ຈົ່ງເບິ່ງ, ມັນຈະເຊື່ອຟັງຢ່າງເຄັ່ງຄັດ. ແລະ ເຫດການໄດ້ບັງເກີດຂຶ້ນຄື ຈາກຕອນຄ່ຳເຖິງຕອນເຊົ້າ ຖືກເອີ້ນວ່າກາງຄືນ; ແລະ ເຫດການໄດ້ບັງເກີດຂຶ້ນຄື ຈາກຕອນເຊົ້າເຖິງຕອນຄ່ຳ ຖືກເອີ້ນວ່າກາງເວັນ; ແລະ ພວກພຣະອົງໄດ້ນັບເປັນຊ່ວງເວລາ ກທີຫົກ.