នៅទូទាំងគ្រាកាន់កាប់ត្រួតត្រានេះ សមាជិកនៃគណៈប្រធានទីមួយ និងកូរ៉ុមនៃពួកសាវកដប់ពីរនាក់ បានមានប្រសាសន៍ជាញឹកញាប់អំពីពិធីបរិសុទ្ធ និងសេចក្ដីសញ្ញានៃព្រះវិហារបរិសុទ្ធ ។ ខាងក្រោមនេះគឺជាសម្រង់សម្ដីមួយចំនួន ដែលបានរៀបរៀងតាមប្រធានបទ ដែលបង្ហាញពីរបៀបដែលប្រធានបទដ៏ពិសិដ្ឋទាំងនេះត្រូវបានពិភាក្សានៅក្នុងមជ្ឈដ្ឋានផ្សេងៗគ្នា ។ សូមចុចដើម្បីពង្រីកផ្នែកមួយ ។ នៅកន្លែងណាដែលមាន តំណភ្ជាប់ត្រូវបានផ្ដល់ឲ្យដើម្បីចូលមើលឯកសារច្បាប់ដើម ។
ពិធីបុណ្យជ្រមុជទឹក និងពិធីបញ្ជាក់
ប្រធាន រ័សុល អិម ណិលសុន
« រាល់ពេល ដែលប្អូនៗធ្វើ អ្វីមួយ ដើម្បីជួយ នរណាម្នាក់—ទាំងសងខាងនៃវាំងនន—ឲ្យបោះជំហានទៅធ្វើសេចក្ដីសញ្ញាជាមួយនឹងព្រះ ហើយទទួលពិធីបរិសុទ្ធនៃបុណ្យជ្រមុជទឹក និងពិធីបរិសុទ្ធក្នុងព្រះវិហារបរិសុទ្ធដ៏សំខាន់របស់ពួកគេ នោះប្អូនៗកំពុងជួយប្រមូលអ៊ីស្រាអែលហើយ ។ វាសាមញ្ញដូច្នោះឯង » ។
សង្ឃឹមអ៊ីស្រាអែល ការប្រជុំធម្មនិដ្ឋានទូទាំងពិភពលោកសម្រាប់យុវវ័យ ថ្ងៃទី ៣ ខែ មិថុនា ឆ្នាំ ២០១៨
ប្រធាន ថូម៉ាស អេស ម៉នសុន
« ឥឡូវនេះ មិត្តភក្តិវ័យក្មេងរបស់ខ្ញុំ ដែលនៅក្នុងវ័យជំទង់របស់អ្នក សូមដាក់ព្រះវិហារបរិសុទ្ធនៅក្នុងចក្ខុវិស័យរបស់អ្នកជានិច្ច ។ សូមកុំធ្វើអ្វីដែលនឹងរារាំងអ្នកពីការចូលទៅក្នុងទ្វារនៃព្រះវិហារបរិសុទ្ធ និងទទួលបាននូវពរជ័យដ៏ពិសិដ្ឋ និងដ៏អស់កល្បជានិច្ចនៅទីនោះឡើយ ។ ខ្ញុំសូមសរសើរដល់អ្នកដែលបានទៅព្រះវិហារបរិសុទ្ធជាទៀងទាត់រួចហើយ ដើម្បីធ្វើពិធីបុណ្យជ្រមុជទឹកសម្រាប់មរណជន ដែលបានក្រោកឡើងពីព្រឹកព្រលឹមស្រាងៗ ដើម្បីអ្នកអាចចូលរួមក្នុងពិធីបុណ្យជ្រមុជទឹកបែបនេះ មុនពេលសាលារៀនចាប់ផ្ដើម ។ ខ្ញុំមិនអាចគិតពីវិធីណាប្រសើរជាងនេះដើម្បីចាប់ផ្តើមថ្ងៃថ្មីឡើយ » ។
The Holy Temple—A Beacon to the World សន្និសីទទូទៅ ខែ មេសា ឆ្នាំ ២០១១
អែលឌើរ ដេវីឌ អេ បែដណា
« ខ្ញុំអញ្ជើញសមាជិកវ័យក្មេងនៃសាសនាចក្រឲ្យរៀន និងទទួលបទពិសោធន៍នៃវិញ្ញាណរបស់អេលីយ៉ា ។ ខ្ញុំសូមលើកទឹកចិត្តអ្នកឲ្យសិក្សា ស្វែងរកបុព្វការីជនរបស់អ្នក ហើយត្រៀមខ្លួនរបស់អ្នកដើម្បីធ្វើពិធីបុណ្យជ្រមុជទឹកជំនួសនៅក្នុងព្រះដំណាក់នៃព្រះអម្ចាស់ សម្រាប់ញាតិសន្តានដែលបានស្លាប់របស់អ្នក [ សូមមើល គោលលទ្ធិ និងសេចក្ដីសញ្ញា ១២៤:២៨–៣៦ ] ។ ហើយខ្ញុំសូមជំរុញឲ្យអ្នកជួយអ្នកដទៃឲ្យស្វែងរកពង្សប្រវត្តិរបស់ពួកគេផងដែរ ។ នៅពេលអ្នកឆ្លើយតបដោយសេចក្តីជំនឿចំពោះការអញ្ជើញនេះ នោះចិត្តរបស់អ្នកនឹងបានបង្វែរមករកពួកឪពុក ។ ... ទីបន្ទាល់របស់អ្នក និងការប្រែចិត្តជឿលើព្រះអង្គសង្គ្រោះនឹងកាន់តែស៊ីជម្រៅ និងគោរពតាមកាន់តែខ្លាំង ។ ហើយខ្ញុំសូមសន្យានឹងអ្នកថា អ្នកនឹងត្រូវបានការពារពីឥទ្ធិពលដ៏ខ្លាំងក្លារបស់ពួកមារសត្រូវ ។ នៅពេលអ្នកចូលរួម ហើយស្រឡាញ់កិច្ចការដ៏បរិសុទ្ធនេះ នោះអ្នកនឹងមានសុវត្ថិភាពនៅក្នុងយុវវ័យ និងពេញមួយជីវិតរបស់អ្នក » ។
The Hearts of the Children Shall Turn សន្និសីទទូទៅ ខែ តុលា ឆ្នាំ ២០១១
អែលឌើរ ឃ្វីនថិន អិល ឃុក
« ការផ្សំគ្នានៃការកើនឡើងនូវចំនួននៃព្រះវិហារបរិសុទ្ធ និងភាពជឿនលឿននៃបច្ចេកវិទ្យា ដើម្បីបំពេញការទទួលខុសត្រូវដ៏ពិសិដ្ឋក្នុងកិច្ចការពង្សប្រវត្តិ សម្រាប់បុព្វការីជនរបស់យើង ធ្វើឲ្យគ្រានេះក្លាយជាគ្រាដ៏មានពរជ័យខ្លាំងបំផុតនៅក្នុងប្រវត្តិសាស្ត្រទាំងអស់ ។ ខ្ញុំរីករាយចំពោះភាពស្មោះត្រង់ដ៏អស្ចារ្យរបស់យុវវ័យរបស់យើងនៅក្នុងការធ្វើលិបិក្រម និងស្វែងរកបុព្វការីជនរបស់ពួកគេ ហើយក្រោយមកធ្វើបុណ្យជ្រមុជទឹក និងពិធីបញ្ជាក់នៅក្នុងព្រះវិហារបរិសុទ្ធ ។ អ្នកពិតជាអ្នកសង្គ្រោះនៅលើភ្នំស៊ីយ៉ូនដែលបានព្យាករទុកនោះមែន » ។
See Yourself in the Temple សន្និសីទទូទៅ ខែ មេសា ឆ្នាំ ២០១៦
អែលឌើរ ហ្គែរី អ៊ី ស្ទីវ៉ែនសុន
« គណៈប្រធានទីមួយបានអញ្ជើញ ‹ សមាជិកមជ្ឈិមវ័យឲ្យមានប័ណ្ណចូលព្រះវិហារបរិសុទ្ធដែលមានសុពលភាព និងទៅព្រះវិហារបរិសុទ្ធឲ្យបានកាន់តែញឹកញាប់ › នៅពេលពេលវេលា និងកាលៈទេសៈអនុញ្ញាត និងលើកទឹកចិត្តសមាជិកឲ្យ ‹ ជំនួសសកម្មភាពកម្សាន្ដមួយចំនួនដោយការបម្រើក្នុងព្រះវិហារបរិសុទ្ធវិញ › ។ ពួកលោកក៏បានលើកទឹកចិត្តឲ្យ ‹ សមាជិកថ្មី និងយុវវ័យនៃសាសនាចក្រដែលមានអាយុ ១២ ឆ្នាំឡើង រស់នៅដោយមានភាពស័ក្ដិសមដើម្បីជួយក្នុងកិច្ចការដ៏អស្ចារ្យនេះ តាមរយៈការបម្រើជាបុគ្គលជំនួសសម្រាប់ពិធីបុណ្យជ្រមុជទឹក និងពិធីបញ្ជាក់ › ។ [ លិខិតគណៈប្រធានទីមួយ ចុះថ្ងៃទី ១១ ខែ មីនា ឆ្នាំ ២០០៣ ] » ។
Sacred Homes, Sacred Temples សន្និសីទទូទៅ ខែ មេសា ឆ្នាំ ២០០៩
អែលឌើរ រីឆាដ ជី ស្កត
« តើមនុស្សវ័យក្មេងដូចជាអ្នកចង់បានវិធីដ៏ប្រាកដមួយ ដើម្បីលុបបំបាត់ឥទ្ធិពលរបស់មារសត្រូវដែលមានក្នុងជីវិតរបស់អ្នកដែរឬទេ ? សូមជ្រមុជខ្លួនអ្នកទៅក្នុងការស្រាវជ្រាវរកបុព្វការីជនអ្នក រៀបចំឈ្មោះរបស់ពួកគាត់សម្រាប់ធ្វើពិធីបរិសុទ្ធជំនួសដ៏ពិសិដ្ឋដែលមាននៅក្នុងព្រះវិហារបរិសុទ្ធ រួចហើយទៅព្រះវិហារបរិសុទ្ធ ដើម្បីឈរជាអ្នកទទួលពិធីបរិសុទ្ធនៃពិធីបុណ្យជ្រមុជទឹក និងអំណោយទាននៃព្រះវិញ្ញាណបរិសុទ្ធជំនួសពួកគាត់ ។ នៅពេលអ្នកធំឡើង អ្នកនឹងអាចចូលរួមក្នុងការទទួលពិធីបរិសុទ្ធផ្សេងទៀតផងដែរ ។ ខ្ញុំគិតមិនឃើញថា មានការពារពារពីឥទ្ធិពលរបស់មារសត្រូវណាដែលប្រសើរជាងនេះក្នុងជីវិតរបស់អ្នកនោះទេ » ។
The Joy of Redeeming the Dead សន្និសីទទូទៅ ខែ តុលា ឆ្នាំ ២០១២
សម្លៀកបំពាក់បរិសុទ្ធនៃព្រះវិហារបរិសុទ្ធ និងសម្លៀកបំពាក់ធ្វើពិធីការ
ប្រធាន រ័សុល អិម ណិលសុន
« ការពាក់សម្លៀកបំពាក់បរិសុទ្ធនៃព្រះវិហារបរិសុទ្ធមានសារៈសំខាន់ជានិមិត្តរូបយ៉ាងជ្រាលជ្រៅ ។ វាតំណាងឲ្យការតាំងចិត្តជាបន្តបន្ទាប់ ។ គឺដូចជាព្រះអង្គសង្រ្គោះបានធ្វើជាគំរូអំពីតម្រូវការក្នុងការកាន់ខ្ជាប់ដរាបដល់ចុងបំផុតដែរ យើងពាក់សម្លៀកបំពាក់បរិសុទ្ធដោយស្មោះត្រង់ ជាផ្នែកមួយនៃគ្រឿងសឹកដ៏ខ្ជាប់ខ្ជួនរបស់ព្រះ ។ ដូច្នេះហើយ យើងបង្ហាញសេចក្ដីជំនឿរបស់យើងលើទ្រង់ និងលើសេចក្ដីសញ្ញាដ៏អស់កល្បជានិច្ចរបស់ទ្រង់ជាមួយយើង » ។
Personal Preparation for Temple Blessings សន្និសីទទូទៅ ខែ មេសា ឆ្នាំ ២០០១
ប្រធាន រ័សុល អិម ណិលសុន
« ប្រសិនបើអ្នកពិតជាចង់ដឹងបន្ថែមទៀតអំពីសម្លៀកបំពាក់នៃព្រះវិហារបរិសុទ្ធពីបុរាណនេះ សូមស្វែងយល់សម្រាប់ខ្លួនអ្នកនៅក្នុងព្រះគម្ពីរសញ្ញាចាស់ ។ ព្រះគម្ពីរសញ្ញាចាស់មានពេញទៅដោយសេចក្ដីយោង ទៅកាន់សម្លៀកបំពាក់ពិសេសនៃព្រះវិហារបរិសុទ្ធ » ។
Teachings of Russell M. Nelson ទំព័រ ៣៧២
ប្រធាន ប៊យ ឃេ ផាកកឺ
« ទាក់ទងនឹងពិធីបរិសុទ្ធទាំងនេះ នៅក្នុងព្រះវិហារបរិសុទ្ធ អ្នកនឹងត្រូវបានអនុញ្ញាតជាផ្លូវការឲ្យពាក់សម្លៀកបំពាក់បរិសុទ្ធ ហើយទទួលបានការសន្យាពរជ័យដ៏អស្ចារ្យដែលទាក់ទងនឹងសម្លៀកបំពាក់នោះ ។ វាសំខាន់ដែលអ្នកស្ដាប់ដោយយកចិត្តទុកដាក់ នៅពេលពិធីបរិសុទ្ធទាំងនេះបានធ្វើឡើង ហើយថាអ្នកព្យាយាមចងចាំនូវពរជ័យដែលបានសន្យា និងលក្ខខណ្ឌដែលវានឹងអាចសម្រេចបាន » ។
សម្លៀកបំពាក់ពិសិដ្ឋនៃព្រះវិហារបរិសុទ្ធ
« ស្បៃឆៀងព្រះវិហារបរិសុទ្ធនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដែលត្រូវបានគេស្គាល់ថាជាស្បៃឆៀងនៃបព្វជិតភាពដ៏បរិសុទ្ធ ត្រូវបានពាក់តែនៅក្នុងព្រះវិហារបរិសុទ្ធនៃពួកបរិសុទ្ធថ្ងៃចុងក្រោយប៉ុណ្ណោះ ហើយត្រៀមទុកសម្រាប់តែសាក្រាម៉ង់ដ៏ខ្ពស់បំផុតនៃសេចក្ដីជំនឿប៉ុណ្ណោះ ។ ពណ៌‑សជានិមិត្តសញ្ញានៃភាពបរិសុទ្ធ ។ មិនមានគ្រឿងសម្គាល់ ឬឋានៈឡើយ ។ សាវករៀមច្បងបំផុត និងសមាជិកថ្មីបំផុតគឺមិនអាចបែងចែកគ្នាបានទេ នៅពេលស្លៀកពាក់ដូចគ្នាដូច្នេះ ។ បុរស និងស្ត្រីពាក់សម្លៀកបំពាក់ស្រដៀងគ្នា ។ សម្លៀកបំពាក់សាមញ្ញ រួមមាននូវនិមិត្តសញ្ញាខាងសាសនា ជាមួយនឹងការត្រាប់តាមពីបុរាណកាលមក ដែលឆ្លុះបញ្ចាំងនៅក្នុងការសរសេរពីបុរាណចេញពីគម្ពីរនិក្ខមនំ » ។
សម្លៀកបំពាក់ពិសិដ្ឋនៃព្រះវិហារបរិសុទ្ធ
សម្លៀកបំពាក់ពិសិដ្ឋនៃព្រះវិហារបរិសុទ្ធ
« ពួកបរិសុទ្ធថ្ងៃចុងក្រោយដ៏ស្មោះត្រង់ជាច្រើនពាក់សម្លៀកបំពាក់បរិសុទ្ធនៅក្រោមសម្លៀកបំពាក់របស់ពួកគេ ដែលមានសារៈសំខាន់ខាងសាសនាយ៉ាងជ្រាលជ្រៅ ។ ការរចនាមានភាពស្រដៀងគ្នាទៅនឹងខោអាវក្នុងដ៏រមទម្យ និងសាមញ្ញ វាមានពីរផ្នែក ហើយជាធម្មតា គេហៅវាថា ‹ សម្លៀកបំពាក់បរិសុទ្ធនៃព្រះវិហារបរិសុទ្ធ › ។ ... សមាជិកមជ្ឈិមវ័យនៃសាសនាចក្រដែលបានធ្វើការសន្យាដ៏ពិសិដ្ឋអំពីភាពស្មោះត្រង់ចំពោះបទបញ្ញត្តិរបស់ព្រះ និងដំណឹងល្អរបស់ព្រះយេស៊ូវគ្រីស្ទ នៅក្នុងព្រះវិហារបរិសុទ្ធនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ពាក់សម្លៀកបំពាក់បរិសុទ្ធនៃព្រះវិហារបរិសុទ្ធ ។ ចំពោះសមាជិកសាសនាចក្រ សម្លៀកបំពាក់បរិសុទ្ធនៃព្រះវិហារបរិសុទ្ធដ៏រមទម្យនេះ ពេលពាក់នៅក្រោមសម្លៀកបំពាក់ធម្មតា រួមជាមួយនឹងសម្លៀកបំពាក់ជានិមិត្តរូប ដែលពាក់នៅអំឡុងពេលថ្វាយបង្គំក្នុងព្រះវិហារបរិសុទ្ធ តំណាងឲ្យផ្នែកដ៏ពិសិដ្ឋ និងផ្ទាល់ខ្លួននៃទំនាក់ទំនងរបស់ពួកគេជាមួយព្រះ និងការតាំងចិត្តរបស់ពួកគេក្នុងការរស់នៅក្នុងជីវិតដ៏ល្អ និងមានកិត្តិយស » ។
ពិធីលាងជម្រះសម្រាប់អំណោយទានពិសិដ្ឋ – ការលាងសម្អាត និងការចាក់ប្រេងតាំង
ប្រធាន ហ្គរដុន ប៊ី ហ៊ិងគ្លី
« [ មាន] គោលដៅមួយដែលហួសពីការរស់ឡើងវិញ ។ នោះគឺជាភាពតម្កើងឡើងនៅក្នុងនគររបស់ព្រះវរបិតាយើង ។ វានឹងសម្រេចបាន តាមរយៈការគោរពតាមបទបញ្ញត្តិរបស់ព្រះ ។ វានឹងចាប់ផ្ដើមដោយការទទួលយកទ្រង់ ថាជាព្រះវរបិតាដ៏អស់កល្បជានិច្ចរបស់យើង និងព្រះរាជបុត្រារបស់ទ្រង់ថាជាព្រះប្រោសលោះដ៏មានព្រះជន្មរស់របស់យើង ។ វានឹងពាក់ព័ន្ធនឹងការចូលរួមក្នុងពិធីបរិសុទ្ធផ្សេងៗគ្នា ដែលពិធីបរិសុទ្ធនីមួយៗមានសារៈសំខាន់ និងចាំបាច់ ។ ពិធីបរិសុទ្ធដំបូងគេនៃពិធីបរិសុទ្ធទាំងនេះ គឺពិធីបុណ្យជ្រមុជទឹក ដោយការពន្លិចទៅក្នុងទឹក ហើយយោងតាមព្រះអង្គសង្រ្គោះ បើគ្មានពិធីនេះទេ នោះមនុស្សម្នាក់មិនអាចចូលទៅក្នុងនគរនៃព្រះបានឡើយ ។ វាត្រូវតែមានបន្ដដោយការកើតខាងវិញ្ញាណ ជាអំណោយទាននៃព្រះវិញ្ញាណបរិសុទ្ធ ។ បន្ទាប់មក ជាបន្តបន្ទាប់ក្នុងរយៈពេលជាច្រើនឆ្នាំខាងមុខ សម្រាប់បុរស មានការតែងតាំងឲ្យមានបព្វជិតភាព បន្ទាប់មកគឺពរជ័យនៃព្រះវិហារបរិសុទ្ធសម្រាប់ទាំងបុរស និងស្ត្រីដែលមានភាពស័ក្ដិសមចូលទៅក្នុងទីនោះ ។ ពរជ័យនៃព្រះវិហារបរិសុទ្ធទាំងនេះ រួមមានការលាងសម្អាត និងការចាក់ប្រេងតាំងរបស់យើង ដែលយើងអាចបានស្អាតស្អំនៅចំពោះព្រះភ័ក្រ្តព្រះអម្ចាស់ ។ វារួមមាននូវកម្មវិធីណែនាំដែលយើងទទួលបានអំណោយទានពិសិដ្ឋស្ដីពីកាតព្វកិច្ច និងពរជ័យទាំងឡាយ ដែលជំរុញយើងឲ្យមានឥរិយាបថស្របទៅនឹងគោលការណ៍នៃដំណឹងល្អ ។ វារួមមាននូវពិធីបរិសុទ្ធនៃការផ្សារភ្ជាប់ ដែលអ្វីៗដែលបានចងភ្ជាប់នៅលើផែនដី នឹងត្រូវចងភ្ជាប់នៅស្ថានសួគ៌ដែរ ដែលធ្វើឲ្យគ្រួសារបន្ដរស់នៅជាមួយគ្នាជារៀងរហូតបាន » ។
Temples and Temple Work Ensign ខែ កុម្ភៈ ឆ្នាំ ១៩៨២
ប្រធាន ស្ពែនស៊ើរ ដបុលយូ ឃឹមបឹល
« យ៉ូសែប ស្ម៊ីធ បានប្រគល់ដល់ពួកសាវកដប់ពីរនាក់នូវកូនសោទាំងអស់ និងសិទ្ធិអំណាច និងអំណាចដែលលោកផ្ទាល់បានមាន ជាអ្វីដែលលោកបានទទួលមកពីព្រះអម្ចាស់ ។ លោកបានផ្ដល់ដល់ពួកគេនូវអំណោយទានពិសិដ្ឋគ្រប់ទាំងអស់ ការលាងជម្រះ និងការចាក់ប្រេងតាំងគ្រប់យ៉ាង ហើយបានធ្វើពិធីបរិសុទ្ធនៃការផ្សារភ្ជាប់ដល់ពួកគេ » ។
We Thank Thee, O God, for a Prophet សន្និសីទទូទៅ ខែ តុលា ឆ្នាំ ១៩៧២
ប្រធាន ប៊យ ឃេ ផាកកឺ
« ពិធីបរិសុទ្ធនៃការលាងជម្រះ និងការចាក់ប្រេងតាំងត្រូវបានគេហៅជាញឹកញាប់នៅក្នុងព្រះវិហារបរិសុទ្ធថាជា ពិធីលាងជម្រះ ។ វានឹងគ្រប់គ្រាន់សម្រាប់គោលបំណងរបស់យើង ដើម្បីគ្រាន់តែនិយាយដូចតទៅនេះ ៖ ដោយទាក់ទងនឹងអំណោយទានពិសិដ្ឋ គឺការលាងជម្រះ និងការចាក់ប្រេងតាំង—ភាគច្រើនធ្វើជានិមិត្តរូបតាមធម្មជាតិ ប៉ុន្តែសន្យានូវពរជ័យដ៏ជាក់លាក់ភ្លាមៗ ព្រមទាំងពរជ័យនាពេលអនាគតផងដែរ » ។
ការរៀបចំខ្លួនដើម្បីចូលព្រះវិហារបរិសុទ្ធដ៏ពិសិដ្ឋ
អែលឌើរ ជេមស៍ អ៊ី ថាលម៉េហ្គ
« នៅខាងជើងនៃអាងជ្រមុជទឹក គឺជាបន្ទប់ប្ដូរសម្លៀកបំពាក់ដ៏ធំ និងមានផាសុកភាព ដែលបងប្អូនប្រុសប្រើប្រាស់ ហើយនៅខាងត្បូងគឺជាបន្ទប់ប្ដូរសម្លៀកបំពាក់ដ៏សមរម្យដូចគ្នាសម្រាប់បងប្អូនស្រី ។ ក៏មានផ្ដល់បន្ទប់ដែលពិធីបរិសុទ្ធមួយចំនួននៃការចាក់ប្រេងតាំងធ្វើឡើងផងដែរ ។ នៅក្នុងពិធីការទាំងនេះ មានតែស្ត្រីប៉ុណ្ណោះដែលចាត់ចែងសម្រាប់ស្ត្រី ហើយបុរសសម្រាប់បុរស » ។
The House of the Lord [ ឆ្នាំ ១៩៧៦ ] ទំព័រ ៨៣
អែលឌើរ រ៉ូបឺត ឌី ហែល
« នៅក្នុងព្រះវិហារបរិសុទ្ធ ផែនការនៃសេចក្ដីសង្គ្រោះត្រូវបានពន្យល់ ហើយសេចក្ដីសញ្ញាដ៏ពិសិដ្ឋត្រូវបានធ្វើឡើង ។ សេចក្ដីសញ្ញាទាំងនេះ រួមគ្នាជាមួយនឹងការពាក់សម្លៀកបំពាក់បរិសុទ្ធនៃព្រះវិហារបរិសុទ្ធដ៏ពិសិដ្ឋទៀតនោះ ពង្រឹង និងការពារបុគ្គលដែលទទួលអំណោយទានពិសិដ្ឋប្រឆាំងនឹងអំណាចនៃមារសត្រូវ ។ បន្ទាប់ពីបានទទួលអំណោយទានផ្ទាល់ខ្លួនរបស់ពួកគេហើយ យុវជន ឬយុវនារីអាចនឹងចូលរួមក្នុងព្រះវិហារបរិសុទ្ធ និងធ្វើពិធីបរិសុទ្ធជំនួស ដើម្បីផ្ដល់ពរជ័យនៃបព្វជិតភាពជូនដល់មរណជនទាំងឡាយដែលបានស្លាប់ ដោយមិនមានឱកាសទទួលពរជ័យទាំងនេះនៅអំឡុងជីវិតរមែងស្លាប់ » ។
Blessings of the Priesthood សន្និសីទទូទៅ ខែ តុលា ឆ្នាំ ១៩៩៥
ទិដ្ឋភាពទូទៅនៃអំណោយទានពិសិដ្ឋ
ប្រធាន រ័សុល អិម ណិលសុន
« ព្រះវិហារបរិសុទ្ធគឺពិតជាពោរពេញទៅដោយសេចក្ដីពិត ។ សេចក្ដីពិតនៃផែនការរបស់ព្រះវរបិតាត្រូវបានបើកបង្ហាញដល់យើងដោយភាពច្បាស់លាស់ និងអំណាច ។ បន្ទូលនៃសេចក្ដីពិតអំពីព្រះវរបិតារបស់យើង ព្រះរាជបុត្រារបស់ទ្រង់ និងទំនាក់ទំនងរបស់ទ្រង់ទាំងទ្វេចំពោះយើង ត្រូវបានប្រាប់នៅក្នុងសេចក្ដីសញ្ញា និងពិធីបរិសុទ្ធនៃព្រះវិហារបរិសុទ្ធ ។ ព្រះវិហារបរិសុទ្ធគឺជាដំណាក់នៃវិវរណៈ ដែលសេចក្ដីពិតបានដាក់ចូលក្នុងព្រលឹងរបស់យើង ហើយបំភ្លឺដល់ការយល់ដឹងរបស់យើង [ សូមមើល គោលលទ្ធិនិងសេចក្តីសញ្ញា ១០៩:១៥ ] ។ យើងរៀនពីអត្តសញ្ញាណ និងគោលបំណងដ៏អស់កល្បជានិច្ចរបស់យើង និងការសន្យាដ៏អស្ចារ្យរបស់ព្រះអម្ចាស់ ។ ការសន្យាទាំងនោះគឺជាការពិត ព្រោះព្រះរបស់យើងគឺជាព្រះនៃសេចក្ដីពិត ហើយមិនអាចកុហកឡើយ [ សូមមើល អេធើរ ៣:២ ] ។... ប្រសិនបើបងប្អូនប្រុសស្រីរបស់យើងទៅព្រះវិហារបរិសុទ្ធ ហើយស្វែងរកកម្លាំង និងការយល់ដឹង នោះពួកគេនឹងទទួលបានការបង្រៀនដោយព្រះអម្ចាស់ផ្ទាល់ អំពីសេចក្ដីពិតដែលសំខាន់បំផុតចំពោះពួកគេនៅក្នុងពេលដែលពួកគេត្រូវការ » ។
Teachings of Russell M. Nelson ទំព័រ ៣៧៣
ប្រធាន អ៊ែសរ៉ា ថាហ្វ ប៊ែនសឹន
« ច្បាប់សេឡេស្ទាល ដែលបង្កប់នៅក្នុងពិធីបរិសុទ្ធមួយចំនួន ដែលជារបស់សាសនាចក្រនៃព្រះយេស៊ូវគ្រីស្ទ ត្រូវបានអនុវត្តដោយសេចក្ដីសញ្ញាស្ម័គ្រចិត្ត ។ ច្បាប់ទាំងឡាយគឺជារឿងខាងវិញ្ញាណ ។ ដូច្នេះ ព្រះវរបិតារបស់យើងដែលគង់នៅស្ថានសួគ៌ បានតែងតាំងអាសនាដ៏បរិសុទ្ធមួយចំនួន ដែលហៅថាព្រះវិហារបរិសុទ្ធ ដែលច្បាប់ទាំងនេះអាចត្រូវពន្យល់យ៉ាងពេញលេញបាន ។ ច្បាប់ទាំងនោះរួមមាន ក្រឹត្យវិន័យនៃការគោរពប្រតិបត្តិ និងពលិកម្ម ក្រឹត្យវិន័យនៃដំណឹងល្អ ច្បាប់ព្រហ្មចារីភាព និងក្រិត្យវិន័យនៃការថ្វាយ » ។
A Vision and a Hope for the Youth of Zion ការប្រជុំធម្មនិដ្ឋាននៅសាកលវិទ្យាល័យ ព្រិកហាំ យ៉ង់ ថ្ងៃទី ១២ ខែ មេសា ឆ្នាំ ១៩៧៧
ប្រធាន ប៊យ ឃេ ផាកកឺ
« មានសមាជិកសាសនាចក្រដែលធ្វើឲ្យខ្លួនឯងមានសិទ្ធិអាចចូលរួមក្នុងពិធីបរិសុទ្ធប្រោសលោះដ៏តម្កើងឡើង និងពិសិដ្ឋបំផុត ដែលបានបើកសម្ដែងដល់មនុស្សជាតិ ។ នៅទីនោះ យើងអាចត្រូវបានលាងជម្រះ និងចាក់ប្រេងតាំង ហើយទទួលបានការណែនាំ និងអំណោយទានពិសិដ្ឋ និងការផ្សារភ្ជាប់ ។ ហើយនៅពេលយើងបានទទួលពរជ័យទាំងនេះសម្រាប់ខ្លួនយើងហើយ យើងអាចធ្វើសម្រាប់មរណជនទាំងឡាយដែលបានស្លាប់ដោយមិនមានឱកាសដូចគ្នានេះ » ។
Come to the Temple Ensign ខែ តុលា ឆ្នាំ ២០០៧
អែលឌើរ រ៉ូបឺត ឌី ហែល
« បំណងប្រាថ្នារបស់យើងដើម្បីត្រឡប់ទៅកាន់ព្រះវរបិតាសួគ៌វិញនឹងកើនឡើង នៅពេលយើងមានភាពស័ក្ដិសមដើម្បីទទួលបានប័ណ្ណចូលព្រះវិហារបរិសុទ្ធ បន្ថែមពីលើការទទួលទានសាក្រាម៉ង់ ។ ... បន្ទាប់មក ក្នុងនាមជាអ្នកកាន់ប័ណ្ណចូលព្រះវិហារបរិសុទ្ធដែលបានទទួលអំណោយទានពិសិដ្ឋ យើងបង្កើតលំនាំនៃការរស់នៅដូចជាព្រះគ្រីស្ទ ។ ការណ៍ទាំងនេះរួមមាន ការគោរពប្រតិបត្តិ ការធ្វើពលិកម្មដើម្បីគោរពតាមបទបញ្ញត្តិ ការស្រឡាញ់គ្នាទៅវិញទៅមក ការបរិសុទ្ធទាំងក្នុងគំនិត និងទង្វើ ព្រមទាំងការលះបង់ខ្លួនយើងដើម្បីកសាងនគរព្រះ ។ តាមរយៈដង្វាយធួនរបស់ព្រះអង្គសង្គ្រោះ និងតាមរយៈការធ្វើតាមគំរូគ្រឹះនៃភាពស្មោះត្រង់ទាំងនេះ នោះយើងទទួលបាន ‹ អំណាចពីស្ថានលើ › ដើម្បីប្រឈមមុខនឹងឧបសគ្គក្នុងជីវិត ។ យើងត្រូវការអំណាចដ៏ទេវភាពនេះនៅសព្វថ្ងៃនេះកាន់តែខ្លាំងជាងមុនទៅទៀត ។ វាគឺជាអំណាចដែលយើងទទួលបានតែតាមរយៈពិធីបរិសុទ្ធនៃព្រះវិហារបរិសុទ្ធប៉ុណ្ណោះ » ។
Coming to Ourselves: The Sacrament, the Temple, and Sacrifice in Service សន្និសីទទូទៅ ខែ មេសា ឆ្នាំ ២០១២
អែលឌើរ ជេមស៍ អ៊ី ថាលម៉េហ្គ
« អំណោយទានពិសិដ្ឋក្នុងព្រះវិហារបរិសុទ្ធ ដូចដែលបានធ្វើនៅក្នុងព្រះវិហារបរិសុទ្ធសម័យទំនើប មានការណែនាំដែលទាក់ទងនឹងសារៈសំខាន់ និងលំដាប់នៃគ្រាកាន់កាប់ត្រួតត្រាកាលពីអតីតកាល ។ ... វគ្គនៃការណែនាំនេះរួមមានការរៀបរាប់អំពីព្រឹត្តិការណ៍ដ៏សំខាន់បំផុតនៃរយៈពេលបង្កបង្កើត ស្ថានភាពរបស់ឪពុកម្តាយដើមរបស់យើងនៅក្នុងសួនច្បារអេដែន ការមិនគោរពប្រតិបត្តិរបស់ពួកលោក និងជាលទ្ធផលការបណ្តេញចេញពីលំនៅឋានដ៏សុខក្រៃលែងនោះ ស្ថានភាពរបស់ពួកលោកនៅក្នុងពិភពលោកដ៏កណ្ដោចកណ្ដែង និងគួរឲ្យខ្លាច នៅពេលត្រូវផ្ដន្ទាទោសឲ្យរស់នៅដោយការធ្វើការងារ និងបែកញើស ផែនការនៃសេចក្ដីប្រោសលោះដែលការរំលងដ៏ធំអាចធ្វើឲ្យធួនបាន » ។
The House of the Lord [ ឆ្នាំ ១៩៧៦ ] ទំព័រ ៨៤
អែលឌើរ ជេមស៍ អ៊ី ថាលម៉េហ្គ
« ពិធីបរិសុទ្ធនៃអំណោយទានពិសិដ្ឋតំណាងឲ្យកាតព្វកិច្ចមួយចំនួននៅខាងផ្នែកបុគ្គលម្នាក់ៗ ដូចជាសេចក្ដីសញ្ញា និងការសន្យាដើម្បីគោរពតាមច្បាប់នៃគុណធម៌ និងព្រហ្មចារីភាពឲ្យបានម៉ឺងម៉ាត់ មានចិត្តសប្បុរស ចិត្តមេត្តា អត់ឱន និងបរិសុទ្ធ លះបង់ទាំងទេពកោសល្យ និងសម្ភារនានាដើម្បីផ្សព្វផ្សាយសេចក្ដីពិត ហើយលើកស្ទួយអំបូរ [ មនុស្សលោក ] បន្ដភក្ដីភាពចំពោះបុព្វហេតុនៃសេចក្ដីពិត និងខំខ្នះខ្នែងតាមគ្រប់របៀបដើម្បីចូលរួមចំណែកដល់ការរៀបចំខ្លួនដ៏ធំ រហូតដល់ផែនដីអាចត្រៀមរួចជាស្រេចដើម្បីទទួលស្ដេចរបស់នាង—គឺព្រះអម្ចាស់ព្រះយេស៊ូវគ្រីស្ទ ។ ជាមួយនឹងការទទួលយកសេចក្ដីសញ្ញានីមួយៗ និងការទទួលយកកាតព្វកិច្ចនីមួយៗ នោះពរជ័យដែលបានសន្យាមួយត្រូវបានប្រកាស ហើយវាអាស្រ័យទៅលើការគោរពប្រតិបត្តិដ៏ស្មោះត្រង់នៅក្នុងស្ថានភាពនានា » ។
The House of the Lord ទំព័រ ១០០
ក្រឹត្យវិន័យនៃការគោរពប្រតិបត្តិ
ប្រធាន ថូម៉ាស អេស ម៉នសុន
« បងប្អូនប្រុសស្រីរបស់ខ្ញុំអើយ ការសាកល្បងដ៏ធំនៃជីវិតនេះ គឺជាការគោរពប្រតិបត្តិ ។ ព្រះអម្ចាស់បានមានព្រះបន្ទូលថា ‹ យើងនឹងសាកល្បងពួកគេមើល បើសិនជាពួកគេនឹងប្រព្រឹត្តនូវអ្វីៗគ្រប់យ៉ាង ដែលព្រះអម្ចាស់ដ៏ជាព្រះរបស់ពួកគេ នឹងបញ្ជាដល់ពួកគេ › ។ ព្រះអង្គសង្គ្រោះបានប្រកាសថា ‹ ដ្បិតអស់អ្នកណាដែលនឹងបានព្រះពរពីព្រះហស្តរបស់យើង នោះនឹងនៅជាប់នឹងក្រឹត្យវិន័យដែលបានតាំងសម្រាប់ព្រះពរនោះ និងលក្ខខណ្ឌនៃក្រឹត្យវិន័យនោះ ដូចដែលបានបង្កើតឡើង តាំងពីមុនកំណើតលោកិយមកម្ល៉េះ › ។ គ្មានគំរូដ៏អស្ចារ្យនៃការគោរពប្រតិបត្តិណាធ្លាប់មានពីមុនមក ដែលធំជាងគំរូរបស់ព្រះអង្គសង្គ្រោះយើងឡើយ ។ ប៉ុលបានសង្កេតឃើញពីទ្រង់ថា ‹ បើទ្រង់ជាព្រះរាជបុត្រាក៏ដោយ គង់តែទ្រង់បានរៀនស្តាប់បង្គាប់ ដោយសារការដែលទ្រង់រងទុក្ខលំបាកទាំងប៉ុន្មាននោះដែរ រួចកាលទ្រង់បានគ្រប់លក្ខណ៍ហើយ នោះទ្រង់បានត្រឡប់ជាមេបង្កើតនៃសេចក្តីសង្គ្រោះដ៏នៅអស់កល្បជានិច្ចដល់អស់អ្នកណាដែលស្តាប់បង្គាប់ទ្រង់ › » ។
Obedience Brings Blessings សន្និសីទទូទៅ ខែ មេសា ឆ្នាំ ២០១៣
ប្រធាន ហ្គរដុន ប៊ី ហ៊ិងគ្លី
« ខ្ញុំសូមផ្ដល់ទីបន្ទាល់របស់ខ្ញុំដល់អ្នកថា សុភមង្គលរបស់ពួកបរិសុទ្ធថ្ងៃចុងក្រោយ សេចក្ដីសុខសាន្ដរបស់ពួកបរិសុទ្ធថ្ងៃចុងក្រោយ ការរីកចម្រើនរបស់ពួកបរិសុទ្ធថ្ងៃចុងក្រោយ សេចក្ដីចម្រុងចម្រើនរបស់ពួកបរិសុទ្ធថ្ងៃចុងក្រោយ និងសេចក្ដីសង្គ្រោះ និងភាពតម្កើងឡើងដ៏អស់កល្បជានិច្ចរបស់បុគ្គលនេះ គឺស្ថិតនៅលើការដើរដោយគោរពប្រតិបត្តិតាមដំបូន្មានរបស់បព្វជិតភាពនៃព្រះ » ។
If Ye Be Willing and Obedient សន្និសីទទូទៅ ខែ តុលា ឆ្នាំ ១៩៧១
ប្រធាន ជែមស៍ អ៊ី ហ្វោស្ត
« ការគោរពប្រតិបត្តិនាំឲ្យមានសេរីភាពពិតប្រាកដ ។ កាលណាយើងគោរពតាមសេចក្ដីពិតដែលបានបើកសម្ដែងកាន់តែខ្លាំង នោះយើងក៏កាន់តែមានសេរីភាពខ្លាំងឡើងដែរ ។ ... គឺដូចជារបៀបរៀបរយបានផ្ដល់ជីវិត និងសម្រស់ដល់ផែនដីនេះ នៅពេលវាងងឹត និងទទេ វាក៏ធ្វើដូច្នោះចំពោះយើងដែរ ។ ការគោរពប្រតិបត្តិជួយយើងឲ្យអភិវឌ្ឍសក្ដានុពលបានពេញលេញ ដែលព្រះវរបិតាសួគ៌របស់យើងសព្វព្រះទ័យឲ្យយើងក្លាយជាអង្គសេឡេស្ទាល ដែលនៅថ្ងៃណាមួយ ស័ក្ដិសមនឹងរស់នៅក្នុងវត្តមានរបស់ទ្រង់ » ។
Obedience: The Path to Freedom សន្និសីទទូទៅ ខែ មេសា ឆ្នាំ ១៩៩៩
អែលឌើរ ជែហ្វ្រី អ័រ ហូឡិន
« ការគោរពប្រតិបត្តិមិនមែនគ្រាន់តែជាក្រឹត្យវិន័យទីមួយនៃស្ថានសួគ៌ប៉ុណ្ណោះទេ ។ ការគោរពប្រតិបត្តិគឺជាក្រឹត្យវិន័យទីមួយនៃអ្វីៗគ្រប់យ៉ាង ។ អ្វីៗគ្រប់យ៉ាងដែលខ្ញុំដឹងថាសំខាន់ តម្រូវឲ្យមានការតាំងចិត្តពីដំបូងដើម្បីគោរពតាមព្រះបន្ទូល និងព្រះឆន្ទៈរបស់ព្រះអម្ចាស់ ។ វាគឺជាសេចក្ដីសញ្ញាទីមួយ ដែលយើងធ្វើនៅក្នុងព្រះវិហារបរិសុទ្ធ » ។
Elder Jeffrey R. Holland Visits Philippines, Shares Message on Love នៅលើគេហទំព័រ Newsroom.ChurchofJesusChrist.org
អែលឌើរ អិល ថម ភែរី
« ដំបូង យើងត្រូវគោរពប្រតិបត្តិតាមក្រឹត្យវិន័យរបស់ព្រះអម្ចាស់ ។ នេះគឺជាមេរៀនដំបូងគេមួយ ដែលបានបង្រៀនដល់លោកអ័ដាម និងនាងអេវ៉ា ៖ ការគោរពប្រតិបត្តិនាំមកនូវសេចក្ដីជំនឿ ។ វានាំមកនូវពរជ័យនៃស្ថានសួគ៌ ។ ការមិនគោរពប្រតិបត្តិនាំមកនូវការឈឺចាប់ក្នុងចិត្ត និងការអស់សង្ឃឹម ។ បន្ទាប់ពីក្រឹត្យវិន័យនៃការគោរពប្រតិបត្តិ គឺមាននូវតម្រូវការដើម្បីលះបង់ខ្លួនយើងទៅក្នុងការបម្រើដល់បុត្រាបុត្រីរបស់ព្រះវរបិតាយើងដែលគង់នៅស្ថានសួគ៌ ។ ការលះបង់អ្វីដែលយើងមានដើម្បីផ្តល់ជាប្រយោជន៍ដល់បងប្អូនប្រុសស្រីរបស់យើង គឺជាការសាកល្បងដ៏ធំនៃដំណឹងល្អ ។ គោលបំណងមួយនៃបទពិសោធន៍ជីវិតរមែងស្លាប់ គឺដើម្បីដឹងថា តើយើងនឹងធ្វើតាមដំបូន្មានរបស់ព្រះអង្គសង្គ្រោះឲ្យ ‹ ស្វែងរកនគរ និងសេចក្តីសុចរិតនៃព្រះជាមុនសិន ទើបគ្រប់របស់ទាំងនោះ នឹងបានប្រទានមកអ្នករាល់គ្នាថែមទៀត › ដែរឬទេ [ សូមមើល ម៉ាថាយ ៦:៣៣ ] » ។
Behold, the Lord Hath Shown unto Me Great and Marvelous Things សន្និសីទទូទៅ ខែ តុលា ឆ្នាំ ១៩៩២
អែលឌើរ យ៉ូសែប ប៊ី វ៉ឺតលីន
« យើងទាំងអស់គ្នាចង់ឲ្យអ្នកទទួលបានជោគជ័យនៅក្នុងជីវិតនេះ ហើយមានលក្ខណៈសម្បត្តិគ្រប់គ្រាន់សម្រាប់អំណោយដ៏អស្ចារ្យបំផុតរបស់ព្រះ—គឺជីវិតដ៏អស់កល្បជានិច្ចនៅក្នុងនគរសេឡេស្ទាល ។ ដើម្បីសម្រេចគោលដៅរបស់អ្នកក្នុងជីវិតរមែងស្លាប់នេះ ហើយបង្ហាញថា ខ្លួនអ្នកស័ក្ដិសមនឹងពរជ័យដ៏អស់កល្បជានិច្ច សូមរៀនគោរពប្រតិបត្តិ ។ ពុំមានផ្លូវណាផ្សេងទៀតឡើយ ។ ការគោរពប្រតិបត្តិនាំមកនូវកម្លាំង និងអំណាចដ៏អស្ចារ្យមកក្នុងជីវិតរបស់អ្នក » ។
Live in Obedience សន្និសីទទូទៅ ខែ មេសា ឆ្នាំ ១៩៩៤
ក្រឹត្យវិន័យនៃពលិកម្ម
ប្រធាន រ័សុល អិម ណិលសុន
« យើងនៅតែត្រូវបានបង្គាប់ឲ្យធ្វើការលះបង់ដដែល ប៉ុន្តែពុំមែនដោយការបង្ហូរឈាមសត្វនោះទេ ។ ស្មារតីដ៏ខ្ពស់បំផុតនៃការលះបង់របស់យើងសម្រេចទៅបាន នៅពេលយើងធ្វើឲ្យខ្លួនយើងកាន់តែពិសិដ្ឋ ឬបរិសុទ្ធ ។ យើងធ្វើកិច្ចការនេះ ដោយគោរពប្រតិបត្តិតាមព្រះបញ្ញត្តិទាំងឡាយរបស់ព្រះ ។ ដូច្នេះហើយ ក្រឹត្យវិន័យនៃការគោរពប្រតិបត្តិ និងពលិកម្ម គឺរួមបញ្ចូលគ្នាមិនអាចកាត់ពីគ្នាបានឡើយ ។ សូមពិចារណាពីបទបញ្ញត្តិទាំងឡាយ ដើម្បីគោរពតាមពាក្យសម្ដីនៃប្រាជ្ញាវាងវៃ ដើម្បីរក្សាថ្ងៃឈប់សម្រាកជាបរិសុទ្ធ និងការថ្វាយដង្វាយមួយភាគក្នុងដប់ដោយស្មោះត្រង់ ។ នៅពេលយើងគោរពតាមបទបញ្ញត្តិទាំងនេះ និងបទបញ្ញត្តិផ្សេងទៀត អ្វីមួយអស្ចារ្យនឹងកើតឡើងចំពោះយើង ។ យើងក្លាយជាបុគ្គលដែលមានវិន័យ ! យើងក្លាយជាសិស្ស ! យើងកាន់តែពិសិដ្ឋ និងបរិសុទ្ធ—ដូចជាព្រះអម្ចាស់របស់យើងដែរ ! »
Lessons from Eve សន្និសីទទូទៅ ខែ តុលា ឆ្នាំ ១៩៨៧
ប្រធាន ហារ៉ូល ប៊ី លី
« ផែនការសុខុមាលភាពនាពេលបច្ចុប្បន្នរបស់យើងអាចជាការអនុវត្ត ‹ ការរៀបចំ › ដើម្បីឃើញថា តើសាសនាចក្រនេះបានរៀបចំខ្លួនបានល្អប៉ុនណាក្នុងការរស់នៅតាមផែនការនេះ ដើម្បី ‹ គ្មានអ្នកមាន ឬអ្នកក្រ គ្មានអ្នកបម្រើគេ ឬអ្នកសេរីឡើយ តែពួកគេទាំងអស់ … ជាអ្នកទទួលអំណោយទានខាងឯស្ថានសួគ៌ › និង ‹ ពិតជាគ្មានប្រជាជនណា ដែលរីករាយសប្បាយជាង › នេះនៅលើភពផែនដីនេះឡើយ ដូចដែលការដឹងដ៏រីករាយរបស់ប្រជាជននៅលើទ្វីបនេះ ដូចដែលបានកត់ត្រានៅក្នុងគម្ពីរពីបុរាណដែលយើងហៅថាព្រះគម្ពីរមរមន ក្រោយពីពួកគេទាំងអស់គ្នាបានប្រែចិត្តជឿលើព្រះអម្ចាស់ ( នីហ្វៃទី៤ ១:៣, ១៦ ) តាមរយៈការរស់នៅតាមក្រឹត្យវិន័យនៃពលិកម្ម និងការថ្វាយយ៉ាងពេញលេញ ។
Teach the Gospel of Salvation សន្និសីទទូទៅ ខែ តុលា ឆ្នាំ ១៩៧២
ប្រធាន អិម រ័សុល បាឡឺដ
« ជាធម្មតា រឿងដំបូងដែលមនុស្សគិតដល់ នៅពេលដែលគេឮថា ‹ ក្រឹត្យវិន័យរបស់លោកម៉ូសេ › គឺជាការបូជាសត្វ ។ លក្ខណៈដ៏គួរឲ្យខ្លាចមួយចំនួននៃការបូជាឈាមនេះ បាននាំឲ្យមនុស្សខ្លះសួរថា ‹ តើសកម្មភាពបែបនេះអាចទាក់ទងទៅនឹងដំណឹងល្អនៃសេចក្ដីស្រឡាញ់យ៉ាងដូចម្ដេច ? › យើងអាចយល់កាន់តែច្បាស់ពីចម្លើយចំពោះសំណួរនោះ នៅពេលយើងយល់ពីគោលបំណងចម្បងទាំងពីរនៃក្រឹត្យវិន័យនៃយញ្ញបូជា ។ គោលបំណងទាំងនេះបានអនុវត្តចំពោះលោកអ័ដាម អ័ប្រាហាំ ម៉ូសេ និងពួកសាវកនៃព្រះគម្ពីរសញ្ញាថ្មី ហើយវាអនុវត្តចំពោះយើងនៅសព្វថ្ងៃនេះ នៅពេលយើងទទួលយក និងរស់នៅតាមក្រឹត្យវិន័យនៃយញ្ញបូជា ។ គោលបំណងសំខាន់ពីររបស់វា គឺដើម្បីសាកល្បង និងបង្ហាញយើង និងជួយយើងឲ្យមករកព្រះគ្រីស្ទ » ។
The Law of Sacrifice Liahona ខែ មីនា ឆ្នាំ ២០០២
អែលឌើរ អិល ថម ភែរី
« តើវាជាអព្ភូតហេតុឬ ដែលថាតាំងពីដើមរៀងមក ព្រះអម្ចាស់សព្វព្រះទ័យរក្សាផែនការរបស់ទ្រង់ឲ្យនៅប្រកាន់យ៉ាងខ្ជាប់ខ្ជួនក្នុងចិត្តរបស់បុត្រាបុត្រីរបស់ទ្រង់នៅលើផែនដីនេះ ? ក្នុងចំណោមក្រឹត្យវិន័យដែលបានផ្តល់ឲ្យលោកអ័ដាម និងនាងអេវ៉ា ក្រឹត្យវិន័យនៃយញ្ញបូជាត្រូវបានតាំងឡើងដើម្បីរំឭកពួកលោកពីព្រឹត្តិការណ៍ដ៏អស្ចារ្យ ដែលនឹងកើតឡើងនៅយុគសម័យកណ្ដាល ។ ... ចាប់តាំងពីពេលនោះមករហូតដល់ពេលព្រះអង្គសង្គ្រោះបានយាងមកផែនដី កាលណាបព្វជិតភាពមានវត្តមាន នោះមនុស្សបានធ្វើយញ្ញបូជាដើម្បីរំឭកខ្លួនឯងអំពីគ្រាដែលកូនមនុស្សនឹងយាងមកផែនដី ដើម្បីធ្វើពលិកម្មដ៏ខ្ពង់ខ្ពស់សម្រាប់យើងទាំងអស់គ្នា » ។
Sacrament of the Lord’s Supper សន្និសីទទូទៅ ខែ មេសា ឆ្នាំ ១៩៩៦
អែលឌើរ នែល អេ ម៉ាកស្វែល
« [ ហើយ ] តាមពិត ការបូជាផ្ទាល់ខ្លួនមិនជាការដាក់សត្វនៅលើអាសនៈទេ ។ ផ្ទុយទៅវិញ វាគឺជាឆន្ទៈមួយ ដើម្បីដាក់សត្វដែលនៅក្នុងខ្លួនយើង នៅលើអាសនៈ ហើយទុកឲ្យវាដុតឆេះអស់ ! ការណ៍បែបនេះជា ‹ ការបូជាដល់ព្រះអម្ចាស់ … ដោយចិត្តសង្រេង និងវិញ្ញាណទន់ទាប ( គោលលទ្ធិនិងសេចក្តីសញ្ញា ៥៩:៨ ) ជាកិច្ចតម្រូវដំបូងគេដើម្បីលើកឈើឆ្កាង ខណៈ ‹ បោះបង់ចោលអស់ទាំងអំពើបាប [ របស់យើង ] › ដើម្បីឲ្យ ‹ ស្គាល់ព្រះ › ( អាលម៉ា ២២:១៨ ) ដោយសារការបដិសេធខ្លួនឯងនាំមុខការទទួលយកទ្រង់ទាំងស្រុង » ។
Deny Yourselves of All Ungodliness សន្និសីទទូទៅ ខែ មេសា ឆ្នាំ ១៩៩៥
ក្រឹត្យវិន័យនៃដំណឹងល្អ
ប្រធាន រ័សុល អិម ណិលសុន
« ក្នុងនាមជាសមាជិកម្នាក់ៗនៃសាសនាចក្រ អ្នក និងខ្ញុំចូលរួមក្នុង ‹ របៀបផ្ទាល់ › របស់ព្រះអម្ចាស់ ។ យ៉ាងហោចណាស់ម្តងក្នុងមួយខែ យើងតមអាហារ និងអធិស្ឋាន និងចូលរួមចំណែកដល់ការថ្វាយដង្វាយដ៏សប្បុរសទៅកាន់មូលនិធិនានា ដែលអាចឲ្យប៊ីស្សពបែកចែកជំនួយបាន ។ នេះគឺជាផ្នែកមួយនៃក្រឹត្យវិន័យនៃដំណឹងល្អ ។ ពួកយើងម្នាក់ៗពិតជាអាចជួយដល់ជនក្រីក្រ និងអ្នកខ្វះខាតនាពេលឥឡូវនេះ និងនៅគ្រប់ទីកន្លែងបាន ។ ហើយយើងក៏នឹងទទួលបានពរជ័យ និងការការពារពីការក្បត់សាសនាផងដែរ ដោយសារការធ្វើបែបនេះ » ។
In the Lord’s Own Way សន្និសីទទូទៅ ខែ មេសា ឆ្នាំ ១៩៦៨
ប្រធាន អ៊ែសរ៉ា ថាហ្វ ប៊ែនសឹន
« យើងធ្វើសេចក្ដីសញ្ញាដើម្បីរស់នៅតាមក្រឹត្យវិន័យនៃដំណឹងល្អ ។ ក្រឹត្យវិន័យនៃដំណឹងល្អគ្រប់គ្រងលើច្បាប់ គោលការណ៍ និងពិធីបរិសុទ្ធទាំងអស់ដែលចាំបាច់សម្រាប់ភាពតម្កើងឡើងរបស់យើង ។ យើងយល់ព្រមអនុវត្តសេចក្ដីជំនឿលើព្រះយេស៊ូវគ្រីស្ទ និងធ្វើការប្រែចិត្តដ៏ស្មោះ ដែលកើតចេញពីចិត្តសោកសង្រេង និងវិញ្ញាណទន់ទាប ។ នៅពេលយើងអនុវត្តតាមពិធីបរិសុទ្ធនៃពិធីបុណ្យជ្រមុជទឹក និងពិធីបញ្ជាក់ ហើយបន្តនៅក្នុងសេចក្ដីជំនឿ និងការអធិស្ឋាន នោះអំណាចនៃពលិកម្មដ៏ធួនរបស់ព្រះអង្គសង្រ្គោះនឹងគ្របដណ្តប់លើអំពើបាបរបស់យើង ហើយយើងត្រូវបានសម្អាតពីសេចក្ដីទុច្ចរិតទាំងអស់ ។... ក្រឹត្យវិន័យនៃដំណឹងល្អគឺហួសពីការយល់ដឹងអំពីផែនការនៃសេចក្ដីសង្គ្រោះទៅទៀត ។ វារួមមានការទទួលយកពិធីបរិសុទ្ធ និងអំណាចផ្សារភ្ជាប់ ដែលនឹងថ្កុំថ្កើងនៅក្នុងបុរសម្នាក់ ដែលបានផ្សារភ្ជាប់ទៅនឹងជីវិតដ៏អស់កល្បជានិច្ច ។ ព្យាការី យ៉ូសែប ស៊្មីធ បានមានប្រសាសន៍ថា ‹ ការកើតជាថ្មីកើតមានដោយសារព្រះវិញ្ញាណនៃព្រះ តាមរយៈពិធីបរិសុទ្ធ › » ។
Teachings of Ezra Taft Benson ទំព័រ ៣៣៧
ប្រធាន យ៉ូហាន ថេលើរ
« ប៉ុន្តែ វាក្លាយទៅជាការចាំបាច់ ដែលលោកអ័ដាមគួរតែគោរពប្រតិបត្តិ ធ្វើតាម និងរក្សាក្រឹត្យវិន័យនៃដំណឹងល្អ ហើយវាក៏ទៅជាការចាំបាច់ផងដែរដែលថា កូនចៅរបស់លោក ដែលនឹងមានភាពតម្កើងឡើង និងពរជ័យដូចគ្នានេះ គួរតែរក្សា និងធ្វើតាមក្រឹត្យវិន័យដូចគ្នានេះផងដែរ » ។
The Gospel Kingdom ទំព័រ ២៧៩
ប្រធាន វិលហ្វូឌ ដបុលយូ វូឌដ្រុព្វ
« អស់អ្នកដែលកាន់តាមគោលការណ៍នៃដំណឹងល្អរបស់ព្រះគ្រីស្ទ នឹងត្រូវបានសង្គ្រោះដោយគោលការណ៍ទាំងនោះ ។ អ្នកដែលគោរពតាមក្រឹត្យវិន័យ នឹងត្រូវបានរក្សាទុកដោយក្រឹត្យវិន័យនោះ ។ អ្នកណាក៏ដោយដែលគោរពតាមក្រឹត្យវិន័យនៃដំណឹងល្អ នឹងត្រូវបានសង្គ្រោះ ហើយទទួលបានភាពតម្កើងឡើង និងសិរីល្អដោយសារក្រឹត្យវិន័យនោះ » ។
The Discourses of Wilford Woodruff ទំព័រ ២២
អែលឌើរ ប្រ៊ូស អ ម៉ាកខន់ឃី
« នៅក្នុងការវិភាគចុងក្រោយ ដំណឹងល្អរបស់ព្រះត្រូវបានសរសេរនៅក្នុងជីវិតរបស់ពួកបរិសុទ្ធ មិនមែននៅក្នុងលិខិតអសកម្មនៃកំណត់ត្រាបទគម្ពីរនោះទេ ។ វាមិនត្រូវបានសរសេរដោយប៊ិច និងទឹកខ្មៅនៅលើក្រដាសដែលមនុស្សបានបង្កើតនោះទេ ប៉ុន្តែដោយទង្វើ និងសកម្មភាពនៅក្នុងសៀវភៅជីវិតរបស់មនុស្សម្នាក់ៗ ដែលជាមនុស្សមានជំនឿ និងការគោរពប្រតិបត្តិ ។ វាត្រូវបានឆ្លាក់នៅក្នុងសាច់ និងឆ្អឹង និងសរសៃឈាមរបស់អស់អ្នកដែលរស់នៅតាមក្រឹត្យវិន័យសេឡេស្ទាល ដែលជាក្រឹត្យវិន័យនៃដំណឹងល្អ ។ វានៅទីនោះដើម្បីអ្នកដទៃទៀតអាចអានបាន ដែលដំបូងដោយអ្នកដែលមើលឃើញកិច្ចការល្អៗរបស់ពួកបរិសុទ្ធ គួរតែឆ្លើយតបដោយការថ្វាយសិរីល្អទៅព្រះវរបិតារបស់យើងដែលគង់នៅស្ថានសួគ៌ ( សូមមើល ម៉ាថាយ ៥:១៦ ) និងជាចុងក្រោយ ដោយចៅក្រមដ៏អស្ចារ្យដែលជីវិតរបស់មនុស្សគ្រប់រូបគឺជាសៀវភៅបើកចំហមួយ » ។
Our Gospel Came Not Unto You in Word Only… សន្និសីទទូទៅ ខែ តុលា ឆ្នាំ ១៩៦៨
ក្រឹត្យវិន័យនៃព្រហ្មចារីភាព
ប្រធាន រ័សុល អិម ណិលសុន
« មាគ៌ានៃព្រះជន្មរបស់ព្រះអង្គសង្គ្រោះល្អប្រពៃណាស់ ។ មាគ៌ាទ្រង់រួមមាន ព្រហ្មរីភាពមុនពេលរៀបការ ហើយភក្ដីភាពទាំងស្រុងក្នុងអាពាហ៍ពិពាហ៍ ។ មាគ៌ារបស់ព្រះអម្ចាស់គឺជាមាគ៌ាតែមួយគត់សម្រាប់យើងមានបទពិសោធន៍សុភមង្គលយូរអង្វែង ។ មាគ៌ាទ្រង់នាំឲ្យមានការលួងលោមដែលគាំទ្រដល់ព្រលឹងយើង និងបន្ដមានភាពសុខសាន្ដក្នុងគេហដ្ឋានយើង ។ ហើយដែលល្អបំផុតនោះ មាគ៌ាទ្រង់នាំយើងទៅដំណាក់ទ្រង់វិញ និងព្រះវរបិតាសួគ៌យើង ទៅរកជីវិតអស់កល្ប និងភាពតម្កើងឡើង ។ នេះគឺជាចំណុចសំខាន់បំផុតនៃកិច្ចការ និងសិរីល្អរបស់ព្រះ » ។
Decisions for Eternity សន្និសីទទូទៅ ខែ តុលា ឆ្នាំ ២០១៣
ប្រធាន ដាល្លិន អេក អូក
« អំណាចដើម្បីបង្កើតជីវិតរមែងស្លាប់គឺជាអំណាចដ៏ធំបំផុត ដែលព្រះបានប្រទានដល់កូនចៅរបស់ទ្រង់ ។ ការប្រើប្រាស់អំណាចនេះត្រូវបានបង្គាប់តាមរយៈបទញ្ញត្តិទីមួយរបស់ព្រះដល់អ័ដាម និងអេវ៉ា ( សូមមើល លោកុប្បត្តិ ១:២៨ ) ប៉ុន្តែបទញ្ញត្តិសំខាន់ផ្សេងទៀតត្រូវបានប្រទានឲ្យដើម្បីហាមឃាត់ការប្រើអំណាចនោះខុស ( សូមមើល និក្ខំមនំ ២០:១៤; ថែស្សាឡូនីច ទី១ ៤:៣ ) ។ការសង្កត់ធ្ងន់ដែលយើងមានក្នុងច្បាប់ព្រហ្មចារីភាពត្រូវបានពន្យល់ច្បាស់ តាមរយៈការយល់ពីគោលបំណងនៃអំណាចបង្កើតកូនរបស់យើងនៅក្នុងការសម្រេចផែនការព្រះ ។នៅក្រៅចំណងអាពាហ៍ពិពាហ៍រវាងបុរសម្នាក់ និងស្ត្រីម្នាក់ រាល់ការប្រើប្រាស់អំណាចបង្កបង្កើតជីវិតរបស់យើងនៅក្នុងកម្រិតណាមួយក្ដី គឺមានបាប ហើយផ្ទុយនឹងផែនការរបស់ព្រះសម្រាប់ភាពតម្កើងឡើងនៃបុត្រាបុត្រីរបស់ទ្រង់ » ។
No Other Gods សន្និសីទទូទៅ ខែ តុលា ឆ្នាំ ២០១៣
អែលឌើរ ដេវីឌ អេ បែដណា
« ខ្ញុំសន្យាថា ការគោរពប្រតិបត្តិតាមច្បាប់ព្រហ្មចារីភាពនឹងបង្កើនសុភមង្គលរបស់យើងនៅក្នុងជីវិតរមែងស្លាប់ និងធ្វើឲ្យការរីកចម្រើនរបស់យើងអាចមានភាពអស់កល្បជានិច្ចបាន ។ ព្រហ្មចារីភាព និងបរិសុទ្ធភាពគឺជា ‹ អ្វីដែលមានតម្លៃ និងវិសេសបំផុតលើអ្វីៗទាំងអស់ › ( មរ៉ូណៃ ៩:៩ ) នៅពេលឥឡូវនេះ តែងតែដូច្នេះជានិច្ច ហើយនឹងបន្ដបែបនេះរហូតតទៅ » ។
We Believe in Being Chaste សន្និសីទទូទៅ ខែ មេសា ឆ្នាំ ២០១៣
អែលឌើរ នែល អិល អាន់ឌើរសិន
« មានមជ្ឈិមវ័យនៅលីវជាច្រើននៅក្នុងសាសនាចក្រ ដែលមានអាយុហួសពីការទើបឈានចូលវ័យមជ្ឈិមវ័យរបស់ពួកគេ ។ ខណៈដែលឃើញថាជីវិតបច្ចុប្បន្នរបស់ពួកគេខុសពីអ្វីដែលពួកគេបានរំពឹងទុក ពួកគេបន្ដកាន់តាមច្បាប់ព្រហ្មចារីភាពដដែល ។ វាអាចជាការសាកល្បងនៃសេចក្ដីជំនឿរបស់ពួកគេ ។ ខ្ញុំសូមសម្តែងនូវការគោរព និងការកោតសរសើរដ៏ជ្រាលជ្រៅរបស់ខ្ញុំចំពោះសិស្សទាំងនេះរបស់ព្រះគ្រីស្ទ » ។
Trial of Your Faith សន្និសីទទូទៅ ខែ តុលា ឆ្នាំ ២០១២
ក្រុមគ្រួសារ ៖ ការប្រកាសដល់ពិភពលោក
« ព្រះបញ្ញត្តិទីមួយដែលព្រះបានប្រទានដល់លោកអ័ដាម និងនាងអេវ៉ា ទាក់ទងទៅនឹងសមត្ថភាពរបស់ពួកគេសម្រាប់ភាពជាឪពុកម្ដាយ ក្នុងនាមជាស្វាមី និងភរិយា ។ យើងសូមប្រកាសថា ព្រះបញ្ញត្តិរបស់ព្រះឲ្យបុត្រាបុត្រីរបស់ទ្រង់បង្កើតកូនឲ្យចម្រើនជាច្រើនឡើង ឲ្យមានពាសពេញលើផែនដីនេះនៅតែឲ្យប្រតិបត្តិនៅឡើយ ។ យើងក៏សូមប្រកាសផងដែរថា អំណាចដ៏ពិសិដ្ឋនៃការបង្កើតជីវិត គឺត្រូវបានប្រើរវាងបុរស និងស្ត្រីដែលបានរៀបអាពាហ៍ពិពាហ៍ស្របច្បាប់ ជាស្វាមីភរិយាប៉ុណ្ណោះ ។ យើងសូមប្រកាសថា មធ្យោបាយដើម្បីបង្កើតជីវិតរមែងស្លាប់នេះ គឺត្រូវបានតែងតាំងឡើងដោយព្រះ ។ យើងសូមបញ្ជាក់នូវការញែកចេញជាបរិសុទ្ធនៃជីវិត និងសារៈសំខាន់នៃជីវិតនៅក្នុងផែនការដ៏អស់កល្បជានិច្ចរបស់ព្រះ » ។
ក្រុមគ្រួសារ ៖ ការប្រកាសដល់ពិភពលោក
ដើម្បីកម្លាំងនៃយុវជន
« នៅពេលអ្នកមានភាពបរិសុទ្ធខាងផ្លូវភេទ នោះអ្នករៀបចំខ្លួនឯងដើម្បីធ្វើ និងរក្សាសេចក្ដីសញ្ញាដ៏ពិសិដ្ឋនៅក្នុងព្រះវិហារបរិសុទ្ធ ។ អ្នករៀបចំខ្លួនដើម្បីស្ថាបនាអាពាហ៍ពិពាហ៍ដែលរឹងមាំ ហើយនាំកូនចៅមកកាន់ពិភពលោកដែលជាផ្នែកមួយនៃគ្រួសារដ៏អស់កល្បជានិច្ច និងជាទីស្រឡាញ់ ។ អ្នកការពារខ្លួនឯងពីការខូចខាតខាងវិញ្ញាណ និងខាងសតិអារម្មណ៍ ដែលកើតមកពីការមានទំនាក់ទំនងស្និទ្ធស្នាលខាងផ្លូវភេទនៅក្រៅចំណងអាពាហ៍ពិពាហ៍ ។ អ្នកក៏ការពារខ្លួនពីជម្ងឺដ៏គ្រោះថ្នាក់ផងដែរ ។ ការរក្សាភាពបរិសុទ្ធខាងផ្លូវភេទជួយអ្នកឲ្យមានទំនុកចិត្ត និងភាពរីករាយដ៏ពិត និងពង្រីកសមត្ថភាពរបស់អ្នក ដើម្បីធ្វើការសម្រេចចិត្តបានល្អនាពេលបច្ចុប្បន្ន និងនៅពេលអនាគត ។ បទដ្ឋានរបស់ព្រះអម្ចាស់ទាក់ទងទៅនឹងភាពបរិសុទ្ធខាងផ្លូវភេទ គឺមានភាពច្បាស់លាស់ និងគ្មានការផ្លាស់ប្តូរឡើយ ។ ចូរកុំឲ្យមានទំនាក់ទំនងខាងផ្លូវភេទជាមួយនរណាម្នាក់មុនរៀបអាពាហ៍ពិពាហ៍ឡើយ ចូរមានសេចក្ដីស្មោះត្រង់យ៉ាងពេញលេញចំពោះប្ដី ឬប្រពន្ធរបស់អ្នកក្រោយពីរៀបអាពាហ៍ពិពាហ៍ ។ ... ចូរកុំចូលរួមក្នុងការពិភាក្សា ឬប្រព័ន្ធផ្សព្វផ្សាយណាមួយដែលដាស់ឲ្យមានអារម្មណ៍ផ្លូវភេទ ។ សូមកុំចូលរួមក្នុងការណ៍អាសគ្រាមក្នុងរូបភាពណាមួយឡើយ » ។
ក្រឹត្យវិន័យនៃការថ្វាយ
ប្រធាន អ៊ែសរ៉ា ថាហ្វ ប៊ែនសឹន
« យើងធ្វើសេចក្ដីសញ្ញាដើម្បីរស់នៅតាមក្រឹត្យវិន័យនៃការថ្វាយ ។ ក្រឹត្យវិន័យនេះគឺថា យើងថ្វាយពេលវេលា ទេពកោសល្យ កម្លាំង ទ្រព្យសម្បត្តិ និងថវិការបស់យើងសម្រាប់ការស្ថាបនានគរព្រះនៅលើផែនដីនេះ និងការស្ថាបនាទីក្រុងស៊ីយ៉ូន ។ ទាល់តែមនុស្សម្នាក់គោរពតាមក្រឹត្យវិន័យនៃការគោរពប្រតិបត្តិ ពលិកម្ម ដំណឹងល្អ និងព្រហ្មចារីភាពសិន ទើបបុគ្គលនោះអាចគោរពតាមក្រឹត្យវិន័យនៃការថ្វាយនេះបាន ដែលជាក្រឹត្យវិន័យទាក់ទងនឹងនគរសេឡេស្ទាល ។ « ដ្បិតបើសិនជាអ្នករាល់គ្នាមានបំណងចង់ឲ្យយើងប្រទានដល់អ្នកនូវកន្លែងមួយនៅក្នុងពិភពសេឡេស្ទាល នោះអ្នកត្រូវរៀបចំខ្លួន ដោយសារការប្រព្រឹត្តនូវអ្វីៗដែលយើងបានបញ្ជាដល់អ្នក ហើយតម្រូវពីអ្នក » ( គ. និង ស. ៧៨:៧ ) » ។
Teachings of Ezra Taft Benson ទំព័រ ១២១
ប្រធាន ស្ពែនស៊ើរ ដបុលយូ ឃឹមបឹល
« [ យើង ] ថ្វាយពេលវេលា ទេពកោសល្យ និងសម្ភាររបស់យើង ដូចដែលបានហៅដោយថ្នាក់ដឹកនាំរបស់យើង និងដូចដែលបានបំផុសគំនិតដោយការខ្សឹបប្រាប់ពីព្រះវិញ្ញាណ ។ នៅក្នុងសាសនាចក្រ ក៏ដូចនៅក្នុងប្រព័ន្ធសុខុមាលភាពដែរ យើងអាចបញ្ចេញមតិទៅកាន់សមត្ថភាពគ្រប់យ៉ាង បំណងប្រាថ្នាដ៏សុចរិតគ្រប់យ៉ាង និងសន្ទុះចិត្តដែលបានគិតគូរគ្រប់យ៉ាង ។ មិនថាធ្វើជាអ្នកស្ម័គ្រចិត្ត ឪពុក គ្រូបង្រៀនតាមផ្ទះ ប៊ីស្សព ឬអ្នកជិតខាងទេ មិនថាជាគ្រូបង្រៀនសួរសុខទុក្ខ ម្ដាយ មេផ្ទះ ឬមិត្តភក្ដិនោះទេ—មានឱកាសដ៏ច្រើនដើម្បីផ្ដល់សមត្ថភាពរបស់យើងទាំងស្រុង ។ ហើយកាលណាយើងផ្ដល់ឲ្យ នោះយើងនឹងឃើញថា ‹ ពលិកម្មនាំមកនូវពរជ័យនៃស្ថានសួគ៌ ! › ( ទំនុកតម្កើង ល.រ. [ ២៧ ] ) ហើយនៅទីបញ្ចប់ យើងរៀនថា វាមិនមែនជាពលិកម្មសោះឡើយ » ។
Becoming the Pure in Heart សន្និសីទទូទៅ ខែ មេសា ឆ្នាំ ១៩៧៨
អែលឌើរ ឌី ថត គ្រីស្តូហ្វឺសិន
« ជីវិតរបស់យើងនៅលើផែនដីគឺជាការកាន់កាប់ត្រួតត្រានៃពេលវេលា និងជម្រើស ដែលបានប្រទានឲ្យដោយអង្គបង្កបង្កើតរបស់យើង ។ ពាក្យថា ការកាន់កាប់ត្រួតត្រា គឺជាការអញ្ជើញឲ្យគិតពីក្រឹត្យវិន័យនៃការថ្វាយរបស់ព្រះអម្ចាស់ ( ឧទាហរណ៍សូមមើល គោលលទ្ធិ និងសេចក្ដីសញ្ញា ៤២:៣២, ៥៣ ) ដែលមានតួនាទីផ្នែកសេដ្ឋកិច្ច ប៉ុន្ដែលើសពីនោះគឺជាការអនុវត្តក្រឹត្យវិន័យសេឡេស្ទាលទៅក្នុងជីវិតនៅទីនេះ និងពេលឥឡូវនេះ ( សូមមើល គោលលទ្ធិ និងសេចក្តីសញ្ញា ១០៥:៥ ) ។ ការថ្វាយគឺជាការញែក ឬឧទ្ទិសអ្វីមួយជាពិសិដ្ឋ លះបង់ដើម្បីគោលបំណងបរិសុទ្ធ ។ ជោគជ័យពិតប្រាកដក្នុងជីវិតនេះកើតមានឡើងពេលថ្វាយជីវិតរបស់យើង—ពោលគឺពេលវេលា និងជម្រើសរបស់យើង—ទៅកាន់គោលបំណងរបស់ព្រះ ( សូមមើល យ៉ូហាន ១៧:១, ៤; គោលលទ្ធិ និងសេចក្តីសញ្ញា ១៩:១៩ ) ។ ពេលយើងធ្វើបែបនេះ យើងអនុញ្ញាតឲ្យទ្រង់លើកយើងឡើងទៅកាន់ជោគវាសនាដ៏ខ្ពស់បំផុតរបស់យើង » ។
Reflections on a Consecrated Life សន្និសីទទូទៅ ខែ តុលា ឆ្នាំ ២០១០
អែលឌើរ នែល អេ ម៉ាកស្វែល
« យើងមានទំនោរគិតពីការថ្វាយថាជាការប្រោសឲ្យបានផលពីទ្រព្យសម្បត្តិខាងសម្ភាររបស់យើងប៉ុណ្ណោះ នៅពេលដែលបានដឹកនាំដោយទេវភាព ។ ប៉ុន្តែ ការថ្វាយដ៏សំខាន់បំផុតគឺជាការប្រោសឲ្យបានផលពីខ្លួនឯងចំពោះព្រះទៅវិញទេ ។ ដួងចិត្ត ព្រលឹង និងគំនិតគឺជាពាក្យដ៏ធំធេងរបស់ព្រះគ្រីស្ទក្នុងការពិពណ៌នាអំពីបទបញ្ញត្តិទីមួយ ដែលប្រតិបត្តិការជានិច្ច មិនមែនម្ដងម្កាលទេ ( សូមមើល ម៉ាថាយ ២២:៣៧ ) ។ ប្រសិនបើបានរក្សាទុក នោះជាថ្នូរមកវិញ ការប្រព្រឹត្តរបស់យើងនឹងបានថ្វាយយ៉ាងពេញលេញសម្រាប់សុខុមាលភាពដ៏យូរអង្វែងដល់ព្រលឹងរបស់យើង ( សូមមើល នីហ្វៃទី២ ៣២:៩ ) » ។
Consecrate thy Performance សន្និសីទទូទៅ ខែ មេសា ឆ្នាំ ២០០២
ប្រធាន ហិនរី ប៊ី អាវរិង
« ព្រះវរបិតាសួគ៌របស់យើងទ្រង់ព្រះសណ្ដាប់ឮការអធិស្ឋានរបស់បុត្រាបុត្រីទ្រង់នៅពាសពេញផែនដី ។... ការអង្វរទាំងនោះបានទៅដល់ទ្រង់ តាំងពីទ្រង់បានដាក់បុរស និងស្ត្រីនៅលើផែនដីនេះម្ល៉េះ ។
ពីព្រោះព្រះអម្ចាស់ស្ដាប់ឮការអំពាវនាវរបស់ពួកគេ ហើយយល់ពីចិត្តអាណិតអាសូររបស់អ្នកចំពោះពួកគេ នោះទ្រង់បានផ្ដល់វិធីដើម្បីឲ្យសិស្សរបស់ទ្រង់ជួយ តាំងពីដើមដំបូងមកម្ល៉េះ ។ ទ្រង់បានអញ្ជើញកូនចៅរបស់ទ្រង់ឲ្យលះបង់ពេលវេលា ទ្រព្យសម្បត្តិរបស់ខ្លួន និងខ្លួនពួកគេផ្ទាល់ ដើម្បីរួមគ្នាជាមួយទ្រង់ក្នុងការបម្រើអ្នកដទៃ ។ វិធីជួយរបស់ទ្រង់ត្រូវបានហៅថា ការរស់នៅតាមក្រឹត្យវិន័យនៃការថ្វាយ » ។
Opportunities to Do Good សន្និសីទទូទៅ ខែ មេសា ឆ្នាំ ២០១១
អែលឌើរ ដេវីឌ អេ បែដណា
« ការថ្វាយទាក់ទងនឹង ហើយស្ថាបនាលើពលិកម្ម ។ ពាក្យថា ថ្វាយ មានន័យថាបង្កើត ហើយ ‹ ឧទ្ទិសដល់គោលបំណងដ៏ពិសិដ្ឋមួយ › ។ ពលិកម្មគឺជាអ្វីដែលយើងនឹងផ្ដល់ ចុះចាញ់ ឲ្យផល ឬបោះបង់ ។ ផ្ទុយទៅវិញ ការថ្វាយគឺដើម្បីបង្កើត និងឧទ្ទិសយ៉ាងពេញលេញដល់គោលបំណងដ៏ពិសិដ្ឋមួយ ។... នៅពេលយើងរស់នៅតាមក្រឹត្យវិន័យនៃការថ្វាយ នោះយើងមិនត្រឹមតែសុខចិត្តផ្តល់អ្វីៗទាំងអស់ និងគ្រប់យ៉ាងដែលយើងមាន ដើម្បីជាប្រយោជន៍ដល់ដំណឹងល្អប៉ុណ្ណោះទេ—ប៉ុន្តែយើងថែមទាំងសន្យាថានឹងបង្កើត ហើយឧទ្ទិសខ្លួនយើងដ៏ល្អបំផុតផងដែរ—ពោលគឺពេលវេលារបស់យើង ទេពកោសល្យរបស់យើង និងសមត្ថភាពកើនឡើងរបស់យើងទាំងប៉ុន្មាន—ដើម្បីកសាងនគរនៃព្រះនៅលើផែនដីនេះ ។ ការប្ដេជ្ញាចិត្តរបស់យើងគឺ ៖ ខ្ញុំនឹងប្រគល់ខ្លួនខ្ញុំ និងអ្វីៗទាំងអស់ដែលខ្ញុំអាចប្រែក្លាយ ហើយខ្ញុំនឹងរស់នៅសម្រាប់ដំណឹងល្អរបស់ព្រះយេស៊ូវគ្រីស្ទ ។ គោលការណ៍នៃពលិកម្មគឺជាការរៀបចំច្បាប់ទាបជាង សម្រាប់គោលការណ៍នៃការថ្វាយ ។ ការថ្វាយរួមមាន និងរាប់បញ្ចូលពលិកម្ម និងអ្វីៗជាច្រើនជាងនេះទៀត ។ ... ការថ្វាយដ៏ពិតប្រាកដត្រូវបានជំរុញដោយសេចក្ដីសប្បុរស ហើយបង្កើតបានជាបំណងប្រាថ្នាដើម្បីបម្រើកាន់តែខ្លាំងឡើង ។ នៅថ្ងៃចុងក្រោយនេះ មានអ្វីជាច្រើនដែលតម្រូវឲ្យយើងធ្វើក្នុងនាមជាបុត្រនៃសេចក្ដីសញ្ញា ជាងថវិកា សម្ភារ និងពេលវេលារបស់យើងទៅទៀត ។ យើងត្រូវថ្វាយដល់ព្រះអម្ចាស់នូវព្រលឹងទាំងមូលរបស់យើង » ។
បានកែសម្រួលមកពីសុន្ទរកថាក្នុងការប្រជុំធម្មនិដ្ឋាន ដែលធ្វើឡើងនៅឯ ប៊ី.វ៉ាយ.យូ. អាយដាហូ « Your Whole Souls as an Offering Unto Him » ដេវីឌ អេ បែដណា ថ្ងៃទី ៥ ខែ មករា ឆ្នាំ ១៩៩៩
ការផ្សារភ្ជាប់
ប្រធាន រ័សុល អិម ណិលសុន
« បងប្អូនប្រុសស្រី ទ្រព្យសម្បត្តិសម្ភារ និងកិត្តិយសនៃពិភពលោកនេះមិននៅបានយូរអង្វែងទេ ។ ប៉ុន្ដែ ការរួបរួមគ្នារបស់អ្នកជាភរិយា ស្វាមី និងជាគ្រួសារអាចនៅបានយូរអង្វែង ។ រយៈពេលតែមួយគត់នៃជីវិតគ្រួសារដែលសមនឹងការលះបង់ដ៏ខ្ពស់បំផុតនៃព្រលឹងមនុស្សគឺ ជារៀងរហូត ។ គ្មានការលះបង់ណាដែលអស្ចារ្យពេក ដើម្បីទទួលបានពរជ័យនៃអាពាហ៍ពិពាហ៍ដ៏អស់កល្បជានិច្ចនោះទេ ។ ដើម្បីមានលក្ខណៈសម្បត្តិគ្រប់គ្រាន់ មនុស្សម្នាក់គ្រាន់តែត្រូវបដិសេធខ្លួនឯងពីអ្វីដែលមិនមែនមកពីព្រះ ហើយគោរពតាមពិធីបរិសុទ្ធនៃព្រះវិហារបរិសុទ្ធប៉ុណ្ណោះ ។ តាមរយៈការធ្វើ និងការរក្សាសេចក្ដីសញ្ញានៃព្រះវិហារបរិសុទ្ធដ៏ពិសិដ្ឋ យើងសបញ្ជាក់ពីសេចក្ដីស្រឡាញ់របស់យើងចំពោះព្រះ ចំពោះដៃគូរបស់យើង និងការគោរពដ៏ពិតរបស់យើងចំពោះកូនចៅជំនាន់ក្រោយរបស់យើង—សូម្បីតែអ្នកដែលមិនទាន់កើតនៅឡើយផងដែរ ។ គ្រួសារយើងគឺជាការផ្តោតសំខាន់នៃកិច្ចការ និងអំណរដ៏អស្ចារ្យបំផុតរបស់យើងនៅក្នុងជីវិតនេះ ដូច្នេះ វានឹងមានពេញអស់កល្បជានិច្ច នៅពេលយើងអាច ‹ នឹងបានគ្រងបល្ល័ង្កទាំងឡាយ នគរទាំងឡាយ ក្សត្របុរីទាំងឡាយ … អំណាចទាំងឡាយ អំណាចគ្រប់គ្រងទាំងឡាយ … គ្រប់ភាពតម្កើងឡើង និងសិរីល្អ › ។ ពរជ័យដ៏មានតម្លៃទាំងនេះអាចជាពរជ័យរបស់យើងបាន ប្រសិនបើយើងធ្វើឲ្យផ្ទះរបស់យើងមានរបៀបរៀបរយនាពេលឥឡូវនេះ ហើយតោងជាប់នឹងដំណឹងល្អដោយស្មោះត្រង់ » ។
Set in Order Thy House សន្និសីទទូទៅ ខែ តុលា ឆ្នាំ ២០០១
ប្រធាន ដាល្លិន អេក អូក
« គោលបំណងនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺដើម្បីជួយដល់បុត្រាបុត្រីរបស់ព្រះទាំងអស់ឲ្យយល់ពីសក្តានុពលរបស់ពួកគេ និងសម្រេចបាននូវជោគវាសនាដ៏ខ្ពស់បំផុតរបស់ពួកគេ ។ សាសនាចក្រនេះបង្កើតឡើងដើម្បីផ្ដល់ដល់បុត្រា និងបុត្រីរបស់ព្រះ នូវមធ្យោបាយដើម្បីចូលទៅក្នុង និងទទួលបានការលើកតម្កើងនៅក្នុងនគរសេឡេស្ទាល ។ នេះគឺជាសាសនាចក្រដែលផ្តោតលើគ្រួសារនៅក្នុងគោលលទ្ធិ និងការអនុវត្ត ។ ការយល់ដឹងរបស់យើងអំពីធម្មជាតិ និងគោលបំណងនៃព្រះជាព្រះវរបិតាដ៏អស់កល្បជានិច្ច ពន្យល់ពីជោគវាសនារបស់យើង និងទំនាក់ទំនងរបស់យើងនៅក្នុងគ្រួសារដ៏អស់កល្បជានិច្ចរបស់ទ្រង់ ។ សាសនាយើងចាប់ផ្ដើមជាមួយនឹងព្រះមាតាបិតាសួគ៌ ។ សេចក្ដីប៉ងប្រាថ្នាដ៏ខ្ពស់បំផុតរបស់យើង គឺដើម្បីក្លាយដូចជាទ្រង់ទាំងទ្វេ ។ នៅក្រោមផែនការដ៏មេត្តាករុណារបស់ព្រះវរបិតា ទាំងអស់នេះអាចកើតឡើងបាន តាមរយៈដង្វាយធួនរបស់ព្រះរាជបុត្រាតែមួយគត់របស់ព្រះវរបិតា គឺព្រះអម្ចាស់ និងព្រះអង្គសង្រ្គោះរបស់យើង ព្រះយេស៊ូវគ្រីស្ទ ។ ក្នុងនាមជាឪពុកម្ដាយលើផែនដី យើងចូលរួមក្នុងផែនការដំណឹងល្អ ដោយការផ្ដល់នូវរូបកាយនៃជីវិតរមែងស្លាប់ដល់កូនវិញ្ញាណរបស់ព្រះ ។ ភាពពេញលេញទាំងស្រុងនៃសេចក្ដីសង្គ្រោះដ៏អស់កល្បជានិច្ចគឺជាបញ្ហាគ្រួសារ » ។
Apostasy and Restoration សន្និសីទទូទៅ ខែ មេសា ឆ្នាំ ១៩៩៥
ប្រធាន ហិនរី ប៊ី អាវរិង
« គ្រប់យ៉ាងដែលយើងធ្វើគប្បីមានគោលបំណង និង ផ្តោតយកចិត្តទុកដាក់លើអាពាហ៍ពិពាហ៍សេឡេស្ទាល ។ នោះមានន័យថា យើងត្រូវព្យាយាមឲ្យបានផ្សារភ្ជាប់ជាមួយដៃគូអស់កល្បជានិច្ចនៅក្នុងព្រះវិហារបរិសុទ្ធនៃព្រះ ។ យើងត្រូវតែលើកទឹកចិត្តអ្នកដទៃឲ្យធ្វើ និងរក្សាសេចក្តីសញ្ញាដែលចងភ្ជាប់រវាងស្វាមី និងភរិយាជាមួយគ្នា ជាមួយគ្រួសារពួកគេ នៅក្នុងជីវិតនេះ និងជីវិតបន្ទាប់ » ។
Eternal Families សន្និសីទទូទៅ ខែ មេសា ឆ្នាំ ២០១៦
ប្រធាន ប៊យ ឃេ ផាកកឺ
« គោលបំណងដ៏សំខាន់បំផុតនៃរាល់សកម្មភាពទាំងអស់ក្នុងសាសនាចក្រគឺដើម្បីមើលឃើញថា បុរសម្នាក់ និងភរិយារបស់គាត់ និងកូនៗរបស់ពួកគេអាចមានភាពរីករាយនៅក្នុងគេហដ្ឋាន ទទួលបានការការពារដោយគោលការណ៍ និងក្រឹត្យវិន័យនៃដំណឹងល្អ បានផ្សារភ្ជាប់ដោយសុវត្ថិភាពនៅក្នុងសេចក្ដីសញ្ញានៃបព្វជិតភាពដ៏អស់កល្បអស់កាលជានិច្ច » ។
And a Little Child Shall Lead Them សន្និសីទទូទៅ ខែ មេសា ឆ្នាំ ២០១២
ប្រធាន ឌៀថើរ អេហ្វ អុជដូហ្វ
« ខ្ញុំមានអំណរគុណ ព្រោះខ្ញុំជាសមាជិកក្នុងសាសនាចក្រ ដែលឲ្យតម្លៃលើអាពាហ៍ពិពាហ៍ និងក្រុមគ្រួសារ ។ សមាជិកក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ត្រូវគេស្គាល់ទូទាំងពិភពលោកថាជាអ្នកមានអាពាហ៍ពិពាហ៍ និងក្រុមគ្រួសារដ៏សុខដុម ។ ខ្ញុំជឿថា ការណ៍នេះត្រឹមត្រូវជាផ្នែកនៃសេចក្ដីពិតដ៏អស្ចារ្យ ដែលបានស្ដារឡើងវិញតាមរយៈព្យាការី យ៉ូសែប ស៊្មីធ ថាអាពាហ៍ពិពាហ៍ និងក្រុមគ្រួសារត្រូវតែនៅអស់កល្បជានិច្ច ។ ក្រុមគ្រួសារមិនគ្រាន់តែជាមធ្យោបាយដើម្បីធ្វើឲ្យអ្វីៗដំណើរការទៅដោយរលូននៅលើផែនដីនេះ និងមិនត្រូវបានបណ្ដេញចេញពីស្ថានសួគ៌ប៉ុណ្ណោះទេ ។ ផ្ទុយទៅវិញ វាគឺជារបៀបនៃស្ថានសួគ៌ ។ វាគឺជានិមិត្តរូបមួយនៃគំរូសេឡេស្ទាល ឲ្យបានដូចគ្រួសារអស់កល្បជានិច្ចរបស់ព្រះ » ។
In Praise of Those Who Save សន្និសីទទូទៅ ខែ មេសា ឆ្នាំ ២០១៦
« ក្រុមគ្រួសារ ៖ ការប្រកាសដល់ពិភពលោក »
« ផែនការនៃសុភមង្គលដ៏ទេវភាពនេះ ផ្តល់លទ្ធភាពដល់ទំនាក់ទំនងក្រុមគ្រួសារចេះតែបន្តមានរហូតហួសពីសេចក្តីស្លាប់ ។ ពីធីបរិសុទ្ធ និងសេចក្តីសញ្ញាពិសិដ្ឋនានា ដែលមាននៅក្នុងព្រះវិហារបរិសុទ្ធអាចធ្វើឲ្យបុគ្គលម្នាក់ៗ ត្រឡប់ទៅកាន់វត្តមាននៃព្រះវិញ ហើយធ្វើឲ្យក្រុមគ្រួសារអាចបានរួមរស់នឹងគ្នាដ៏អស់កល្បជានិច្ច » ។
ពរជ័យនៃការថ្វាយបង្គំក្នុងព្រះវិហារបរិសុទ្ធ
ប្រធាន រ័សុល អិម ណិលសុន
« មនុស្សគ្រប់គ្នាដែលមកនៅលើផែនដីនេះគឺជាផលិតផលនៃជីដូនជីតារាប់ជំនាន់ ។ យើងមានសេចក្តីប្រាថ្នាដើម្បីភ្ជាប់ទំនាក់ទំនងជាមួយបុព្វការីជនរបស់យើង ។ បំណងប្រាថ្នានេះស្ថិតនៅក្នុងដួងចិត្តរបស់យើងដោយមិនគិតពីអាយុឡើយ ។ សូមពិចារណាអំពីទំនាក់ទំនងខាងវិញ្ញាណដែលត្រូវបានបង្កើតឡើង នៅពេលដែលយុវនារីម្នាក់ជួយបុព្វការីជនរបស់នាងឲ្យបញ្ចូលព័ត៌មានគ្រួសារទៅក្នុងកុំព្យូទ័រ ឬនៅពេលដែលយុវជនម្នាក់ឃើញឈ្មោះបុព្វការីជនរបស់គាត់នៅក្នុងកំណត់ត្រាជំរឿន ។ នៅពេលដែលចិត្តរបស់យើងបង្វែរទៅរកបុព្វការីជនរបស់យើង អ្វីមួយផ្លាស់ប្តូរនៅក្នុងខ្លួនយើង ។ យើងមានអារម្មណ៍ថាមានចំណែកនឹងអ្វីមួយដែលអស្ចារ្យជាងខ្លួនរបស់យើង ។ បំណងប្រាថ្នាដែលមានពីកំណើតរបស់យើងសម្រាប់ការតភ្ជាប់គ្រួសារត្រូវបានបំពេញនៅពេលយើងភ្ជាប់ទំនាក់ទំនងជាមួយបុព្វការីជនរបស់យើងតាមរយៈពិធីបរិសុទ្ធដ៏ពិសិដ្ឋនៃព្រះវិហារបរិសុទ្ធ » ។
Generations Linked in Love សន្និសីទទូទៅ ខែ មេសា ឆ្នាំ ២០១០
ប្រធាន ថូម៉ាស អេស ម៉នសុន
« ហេតុអ្វីបានជាមានមនុស្សជាច្រើនស្ម័គ្រចិត្តដើម្បីលះបង់យ៉ាងច្រើន ដើម្បីទទួលបានពរជ័យនៃព្រះវិហារបរិសុទ្ធ ? អ្នកទាំងអស់ណាដែលយល់អំពីពរជ័យដ៏នៅអស់់កល្បជានិច្ច ដែលកើតចេញពីព្រះវិហារបរិសុទ្ធដឹងថា គ្មានការលះបង់ណាមួយដែលធំពេក គ្មានតម្លៃណាមួយដែលធ្ងន់ធ្ងរពេក គ្មានបញ្ហាណាមួយដែលលំបាកពេកដើម្បីទទួលបានពរជ័យទាំងនោះឡើយ ។ មិនដែលមានការធ្វើដំណើរទៅឆ្ងាយពេក ឧបសគ្គឲ្យពុះពារច្រើនពេក ឬភាពមិនស្រណុកស្រួលឲ្យស៊ូទ្រាំច្រើនពេកនោះទេ ។ ពួកគេយល់ថា ពិធីបរិសុទ្ធនៃការសង្គ្រោះដែលបានទទួលនៅក្នុងព្រះវិហារបរិសុទ្ធ ដែលអនុញ្ញាតឲ្យយើងត្រឡប់ទៅកាន់ព្រះវរបិតាសួគ៌របស់យើងវិញនៅថ្ងៃណាមួយនៅក្នុងទំនាក់ទំនងគ្រួសារដ៏អស់កល្បជានិច្ច ហើយត្រូវទទួលបានជាមួយនឹងពរជ័យ និងអំណាចមកពីស្ថានលើ គឺមានតម្លៃសមនឹងគ្រប់ការលះបង់ និងរាល់ការខិតខំទាំងអស់ » ។
The Holy Temple—A Beacon to the World សន្និសីទទូទៅ ខែ មេសា ឆ្នាំ ២០១១
ប្រធាន ហ្គរដុន ប៊ី ហ៊ិងគ្លី
« ខ្ញុំជឿថា គ្មានសមាជិកនៃសាសនាចក្រនេះណាម្នាក់បានទទួលភាពខ្ពង់ខ្ពស់ ដែលសាសនាចក្រនេះត្រូវផ្ដល់ឲ្យនោះទេ រហូតដល់គាត់ ឬនាងបានទទួលពរជ័យនៃព្រះវិហារបរិសុទ្ធរបស់ខ្លួននៅក្នុងដំណាក់របស់ព្រះអម្ចាស់ជាមុនសិន » ។
Some Thoughts on Temples, Retention of Converts, and Missionary Service សន្និសីទទូទៅ ខែ តុលា ឆ្នាំ ១៩៩៧
ប្រធាន ហាវើដ ដបុលយូ ហឹនធើរ
« នៅក្នុងវិញ្ញាណនោះ ខ្ញុំសូមអញ្ជើញពួកបរិសុទ្ធថ្ងៃចុងក្រោយឲ្យមើលទៅព្រះវិហារបរិសុទ្ធនៃព្រះអម្ចាស់ថាជានិមិត្តរូបដ៏អស្ចារ្យមួយនៃសមាជិកភាពរបស់ខ្លួន ។ វាជាបំណងប្រាថ្នាដ៏ជ្រាលជ្រៅបំផុតក្នុងចិត្តខ្ញុំ ដើម្បីឲ្យសមាជិកសាសនាចក្រគ្រប់រូបមានភាពស័ក្ដិសមចូលទៅក្នុងព្រះវិហារបរិសុទ្ធ ។ ព្រះអម្ចាស់នឹងសព្វព្រះទ័យ បើសមាជិកមជ្ឈិមវ័យគ្រប់រូបមានភាពស័ក្ដិសម—ហើយកាន់—បណ្ណ័ចូលព្រះវិហារបរិសុទ្ធដែលមានសុពលភាព ។ អ្វីដែលយើងត្រូវធ្វើ និងមិនត្រូវធ្វើដើម្បីមានភាពស័ក្ដិសមកាន់បណ្ណ័ចូលព្រះវិហារបរិសុទ្ធ គឺជារឿងដែលនឹងធ្វើឲ្យយើងរីករាយជាបុគ្គល និងក្រុមគ្រួសារយ៉ាងពិតប្រាកដ ។ ចូរយើងធ្វើជាបុគ្គលដែលចូលរួមក្នុងព្រះវិហារបរិសុទ្ធ ។ សូមចូលព្រះវិហារបរិសុទ្ធឲ្យបានញឹកញាប់តាមដែលពេលវេលាផ្ដល់ឲ្យ ។ សូមដាក់រូបថតព្រះវិហារបរិសុទ្ធនៅក្នុងផ្ទះអ្នក ដើម្បីឲ្យកូនៗរបស់អ្នកអាចមើលឃើញបាន ។ សូមបង្រៀនពួកគេពីគោលបំណងនៃដំណាក់របស់ព្រះអម្ចាស់ ។ សូមឲ្យពួកគេដាក់ផែនការតាំងពីក្មេងដើម្បីទៅកាន់ទីនោះ និងបន្តមានភាពស័ក្តិសមសម្រាប់ពរជ័យនោះ » ។
Exceeding Great and Precious Promises សន្និសីទទូទៅ ខែ តុលា ឆ្នាំ ១៩៩៤
អែលឌើរ ដេវីឌ អេ បែដណា
« វិញ្ញាណនៃអេលីយ៉ាជះឥទ្ធិពលដល់មនុស្សទាំងក្នុង និងក្រៅសាសនាចក្រ ។ ទោះជាយ៉ាងណាក៏ដោយ ក្នុងនាមជាសមាជិកសាសនាចក្រដែលបានស្ដារឡើងវិញរបស់ព្រះគ្រីស្ទ យើងមានទំនួលខុសត្រូវខាងសេចក្ដីសញ្ញា ដើម្បីស្រាវជ្រាវរកបុព្វការីជនរបស់យើង ហើយធ្វើពិធីបរិសុទ្ធនៃការសង្គ្រោះនៃដំណឹងល្អជូនពួកគាត់ ។ ‹ ដើម្បីមិនឲ្យអ្នកទាំងនោះបានគ្រប់លក្ខណ៍ ក្រៅពីយើងឡើយ › ( ហេព្រើរ ១១:៤០; សូមមើលផងដែរ Teachings: Joseph Smith ទំព័រ ៤៧៥ ) ។ ហើយ ‹ រីឯយើងក៏ពុំអាចបានល្អឥតខ្ចោះ ក្រៅពីមនុស្សស្លាប់របស់យើងដែរ › ( គោលលទ្ធិ និងសេចក្ដីសញ្ញា ១២៨:១៥ ) ។ ដោយសារហេតុផលទាំងនេះហើយ ទើបយើងធ្វើការស្រាវជ្រាវពង្សប្រវត្តិ សាងសង់ព្រះវិហារបរិសុទ្ធ និងធ្វើពិធីបរិសុទ្ធដែលតំណាង ។ ដោយសារហេតុផលទាំងនេះហើយ ទើបអេលីយ៉ាត្រូវបានបញ្ជូនឲ្យមកស្តារឡើងវិញនូវសិទ្ធិអំណាចផ្សារភ្ជាប់ ដែលចងនៅលើផែនដី និងនៅស្ថានសួគ៌ដែរ ។ យើងគឺជាភ្នាក់ងាររបស់ព្រះអម្ចាស់ក្នុងកិច្ចការនៃសេចក្ដីសង្គ្រោះ និងភាពតម្កើងឡើង ដែលនឹងរារាំង ‹ ផែនដីទាំងមូល [ កុំឲ្យ ] នឹងត្រូវវាយដោយសេចក្ដីបណ្ដាសា › ( គោលលទ្ធិ និងសេចក្តីសញ្ញា ១១០:១៥ ) នៅពេលទ្រង់យាងត្រឡប់មកវិញម្ដងទៀត ។ នេះគឺជាកាតព្វកិច្ច និងពរជ័យដ៏អស្ចារ្យរបស់យើង » ។
The Hearts of the Children Shall Turn សន្និសីទទូទៅ ខែ តុលា ឆ្នាំ ២០១១
អែលឌើរ ឃ្វីនថិន អិល ឃុក
« គោលលទ្ធិនៃគ្រួសារដែលទាក់ទងនឹងកិច្ចការពង្សប្រវត្តិ និងព្រះវិហារបរិសុទ្ធមានភាពច្បាស់លាស់ ។ នៅក្នុងការណែនាំក្នុងវិវរណៈដំបូង ព្រះអម្ចាស់បានយោងទៅ ‹ បុណ្យជ្រមុជទឹកជំនួសមនុស្សស្លាប់របស់អ្នក › ។ ជាកាតព្វកិច្ចខាងគោលលទ្ធិរបស់យើងគឺ មានចំពោះបុព្វការីជនរបស់យើងផ្ទាល់ ។ ការណ៍នេះដោយសារតែអង្គការសេឡេស្ទាលនៃស្ថានសួគ៌ គឺផ្អែកលើក្រុមគ្រួសារ ។ គណៈប្រធានទីមួយបានលើកទឹកចិត្តសមាជិក ជាពិសេសយុវវ័យ និងយុវមជ្ឈិមវ័យនៅលីវឲ្យផ្ដោតសំខាន់លើកិច្ចការពង្សប្រវត្តិ និងពិធីបរិសុទ្ធសម្រាប់ឈ្មោះគ្រួសារពួកគេ ឬឈ្មោះបុព្វការីជននៃសមាជិកក្នុងវួដ ឬស្តេកពួកគេ ។ យើងត្រូវតភ្ជាប់ទាំងឫសគល់ និងមែករបស់យើង ។ គំនិតនៃការតភ្ជាប់នៅក្នុងនគរដ៏អស់កល្បគឺជាក្ដីរុងរឿងខ្លាំងណាស់ » ។
Roots and Branches សន្និសីទទូទៅ ខែ មេសា ឆ្នាំ ២០១៤
ប្រធាន ប៊យ ឃេ ផាកកឺ
« មិនថាអ្នកមានសញ្ជាតិ ឬពូជសាសន៍អ្វីទេ មិនថាប្រុស ឬស្រីទេ មិនថាមានមុខរបរអ្វីនោះទេ មិនថាអ្នកមានការអប់រំអ្វីទេ ទោះបីជាមនុស្សរស់នៅជំនាន់ណាក៏ដោយ ជីវិតនេះគឺជាដំណើរត្រឡប់ទៅផ្ទះវិញសម្រាប់ពួកយើងទាំងអស់គ្នា ត្រឡប់ទៅកាន់វត្តមានព្រះនៅក្នុងនគរសេឡេស្ទាលរបស់ទ្រង់វិញ ។ ពិធីបរិសុទ្ធ និងសេចក្តីសញ្ញាក្លាយជាលេខសម្ងាត់របស់យើងសម្រាប់ការអនុញ្ញាតឲ្យចូលទៅក្នុងទីវត្តមានរបស់ទ្រង់វិញ ។ ដើម្បីទទួលបានអ្វីទាំងនោះដោយភាពស័ក្ដិសម គឺត្រូវស្វែងរកវាអស់មួយជីវិត ។ ការកាន់តាមពិធីបរិសុទ្ធ និងសេចក្ដីសញ្ញាទាំងនោះបន្ទាប់ពីពេលនោះទៅ គឺជាឧបសគ្គនៃជីវិតរមែងស្លាប់នេះ ។ នៅពេលយើងបានទទួលអ្វីទាំងនោះសម្រាប់ខ្លួនយើង និងសម្រាប់ក្រុមគ្រួសាររបស់យើងហើយ យើងមានកាតព្វកិច្ចក្នុងការផ្តល់ពិធីបរិសុទ្ធទាំងនេះ ជំនួសឲ្យសាច់ញាតិដែលបានស្លាប់ទៅរបស់យើង ជាការពិត គឺសម្រាប់គ្រួសារមនុស្សទាំងមូល » ។
Covenants Ensign ខែ ឧសភា ឆ្នាំ ១៩៨៧