Luhlahlfongi Kalweniyuck ac Fokoko

Tuhlihk mukul se nahtuhsr Dan el weack mas na uapc ke misin lal fin acn Africa ac utucklac el nuh ke lohm ono se suc suhfas kuhfa we. Ke kuht riti lwacta se met lal nuh sesr tukun mas lal, kuht pahngon muh el ac puhla koluk, tuh el sihmihs fahk, “Finne nga oan lun rum in elyah se, nga puhlakihn mihs. Nga tiac wi puhla engan tahkuhnlahna ac fokokolacna in moul luhk.”

Ke nga ac muhtwacn kiyuck riti kahs inge, kuht puhlakihn emtuhngyak. Luhlahlfongi kalweniyuck ac fokoko. Wacngihn pacl met kuh lohng ohiyacn engan ahkuhtweyac ke ohiyac se ingen, tuhsruhktuh ma pwacye uh. Kuht etuh lah engan se ma el ahkuhtweyac ah tiac mwe ana puhlweyuck, kuh ahkwoye puhla uh, tuh pa sie mihs ac engan ma tuhkuh ke kuht siskuhti nuh sin God ac sang luhlahlfongi lasr nuh in El ke ma nohfohn.¹ Kuht oacyacpac oasr kuhtuh pacl ke moul lasr ma God El sramsramkihn mihs nuh in koacsr ac oruh in oasr finsrak lasr kacn Kraist finne upac ac tiac kahlwem moul uh.²

Lehi el luti lah Adam ac Eve fuhnuh tiac puhtatlac “Luhkuh eltahl srwackna muhta tiac etuh ma uh, wacngihn engan, tuh wacngihn etuh laltahl ke keok; …

“Tuhsruhk liye, ma nuh kwewa oreklac ke suhmahtiyacl suc etuh ma nuh kwewa.

“Adam el puhtatlac tuh mwet uh in kuh; ac enenuh in moul, tuh elos in kuh in engan.”³

Ke ohiyac se sahyac an, ma koluk ac mwe kweok uh ahkkoekuhtlac in moulkihn engan fin kuht ac luhlahlfongi kacn Leum ac plwacn Lal nuh sesr. Ma pwacye uh ahkkahlwemyeyuck sin mwet sihm mahtuh se: “ahsor uh ahkoe kom nuh ke engan. El lihksrweni na purumwenlah ma nuhkwewa liki lohm sum, na lah engan sasuc uh fah kuh in sokwack acn la in utyak. El osroklah sra rangranglah liki ye insiom, tuh sra sasuc, folfol sra kuh in kapawck ke acn lalos. El olwack okah kuhlawi, tuh okah sasuc wihklac twen fah oasr rum la in kapawck. Ke mwe kweok uh usrusrlac liki insiom, ma wo ahluhkwelah fah tuhkuh ahollah acn lalos.”⁴

President Russell M. Nelson taught, “Engan luhn Mwet Lahngo use nuh [sesr] … oasr pacl nuhkwewa, ahkkweye kuht tuh ‘kweok lasr ke kihten pacl’ [Doctrine and Covenants 121:7] ac kihsaclah nuh ke engan lasr.”⁵ Srihkasrak ac kweok lasr kuh in oraclah engan.⁶

Pweng wo ke wosasuc uh tiac mwe olwelah se ke moul uh ma wacngihn ahsor ac tihkuclkucl tuhsruhk moul se ma sessesslah ke ma oasr srihpac ac kalmac—moul se ma ahsor ac mwe kweok lasr uh kuh in “sesseslah ke engan in Kraist.”⁷ Tuh Mwet Lahngo El fahk, “Ke kowos muta faclu kowos ac keok: tusruktu kowos in pulaik na; Nga kutangla faclu tari!”⁸ Wosasuc Lal sie pweng ke finsrak. Ahsor uh kuhpahsryang nuh ke finsrak kacl Jisus Kraist sruokweni olwelah ke muhtwacnglah luhn engan.

Ma suhmuhslah ke fuhfahsryucsr luhn mwet Jared nuh ke acn wihlwihl kuh in orekmakihnyuck muh pa sie mwe srikasrak nuh ke fuhfahsryucsr lasr ke moul suhkawihl se. Leum El olwelah nuh sin tamuhlwel lal Jared ac mwet lal lah El ac fah “som met [luhkwelos] nuh ke sie acn ma wolacna liki acn nuhkwewa fin facluh.”⁹ El sapkihn nuhselos in muhsahelah soko oak, ac elos ahkostwen som orekma muhsahelah fal nuh ke kohkoh ma Leum El sapkihn nuh selos. Ohinge, ke orekma ah ahkfahsryeyucklac, tamuhlwel lal Jared oraclah sensen nuh ke luhmahlah luhn Leum nuh ke oak soko ah. El tuhng fahk:

“O Leum, nga oruh orekma ma Kom sapkihn nuh sihk, ac nga oraclah oak in fal oacna ke Kom tuh sapkihn nuh sihk.

“Ac liye, O Leum, wacngihn kahlwem lun oak uh.”¹⁰

“O Leum, yac Kom ac lwelah tuh kuht in sahslah ke meoa luhlahp se inge in lohsr?”¹¹

Kom ac nuh wi fihlackuhnlah nguhnum nuh sin God ke sie ohiyac ma? Ke kom kacfweacgn in moul oacna ma Leum El sapkihn ac finsrak suwohs ma kom tiac oraclah, kuh kom ac na nuhnkuh muh kom ac som na ke moul se inge ke lohsr?¹²

Tamuhlwel Jared el na fahk fohsrngah lal lah elos kuh in moul ke oak ah. El tuhng fahk, “Ac oacyacpac kuht ac misac, tuh kuht koflah in momong loac, sahyacn na eng ma oan loac uh.”¹³ Kuh ma upac ke moul uh nuh oruh upac nuh sum in momong ac oruh kom in nuhnkuh lah kom ac oruh fuhkah kom in kuhtanglah lwen se, fuhlwelah oruh kom in fohlohk nuh lohm ma pahtpaht sum?

Leum El wi tamuhlwel lal Jared orekma in ahkwoyelah elyah lal, tuh El ahkuhtweyac, “Kom tiacna kuh in sahslah ke meoa loal luhlahp se inge sahyacn na Nga ahkolah inkacnek nuh sum] in lain noa meoa uh, ac enga ma Nga suhpwaclah, ac sronot ma fah tuhkuh.”¹⁴

Leum El oruh kahlwem lah yohkiyacna mwet Jared ah tiac kuh in oraclah nuh ke acn wihlwihl fin tiac ke El. Eltahl tiacna akwuck, ac inkacnek se fanna eltahl kuh in som sahslah liki meoa loal pa in fihliyac luhlahlfongi laltahl in El. Ohiyac ac mwe lutlut inge sin Leum oacna in ahkyohkyelihk luhlahlfongi luhn tamuhlwel lal Jared ac ahkkweye luhlahlfongi lal kacl Leum.

Akihlwen luhpan pruhe lal lah ekuhllah nuhkanlah ac elyah lal in fahkwack luhlahlfongi.

“Ac nga etuh, O Leum, lah kuh nuhkwewa oasr Yurum, ac kuh in oruh oacna sie ma Kom kena kac nuh ke kasrpen mwet uh; …

“Liye, O Leum, Kom kuh in oruh ma se inge. Kuht etuh lah Kom kuh in ahkkahlwemye kuh yohk, ma oacna in ma srihsrihk se nuh ke etatwen luhn mwet uh.”¹⁵

Sihmihsyucklac lah mwet Jared ah tuhfah “sroacng nuh lun oak … okwaclos, ac oaclac nuh in meoa, likiyac moul lalos sifacna nuh sin Leum God lalos.”¹⁶ In likiyac moul kalmac pa in fihliyac luhlalfongi kuh fuhlweack. Mwet Jared ah tiac sroacng nuh lun oak soko ah ke srihpen elos etuh lah fuhkah ma ac fah sikyak ke fuhfahsryucsr lalos. Eltahl sroacng nuh loac mweyen elos etwacack in luhlahlfongi ke kuh luhn Leum, wolacnaiyac, ac pahkotwen, ac elos ohinge fuhlweack in eisacltahlwacng sifacna ac sang oacna sie tahfuh luo kuh sahngweng ma sahp oasr selos nuh sin Leum.

Kihten pacl ah tuhlihk nuhtin ma nahtuhsr Abe el sahngweng in fanyak nuh ke carousel se ma som nuh lucng ac nuh ten. El luhngse ma tuh tiac mukwikwi. Ninac kiyacl nguhsrel ac fahk fin el oruh ac wo, na, luhlahlfongwel, el fanyak. Na el isrwacsr ac fahk, “nga tiac puhla mihslac, tuh etuh nga wo.” Sahp pa inge ma Mwet Jared el puhla. Luhlahlfongi God tiac na puhla mihslac met, tuh engan tuhkuh tohk.

Petsac

Abe fin carousel ah

Fuhfahsryucsr sac tiac fihsrwacsr nuh sin Mwet Jared. “Puhs pacl elos tihli nuh ke acn loal in meoa, ke srihpen noatuh fuhlwact oana finohl ma toki nuh faclos.”¹⁷ Tuh suhmuhslah lah “eng uh tiac tui in uk [elos] tuh pahtokyuck ke eng uh nuh ke wihlwihl.”¹⁸ Oacna upaciyac in kahlwem kac, yohkna ke pacl in moul lasr ma eng uh arlac upca ac inkof ah puhlkuhlak, kuht kuh in ahkwoye etuh lah God ke wolacna ma pahtpaht Lal pahtok kuht nuh met nuh lohm sesr pacl nuhkwewa.

Ma sihmlac tahfwelah, “Ac ohinge elos tuh pahtokyuck nuh met; ac wacngihn kuhtwena ik luhlahp in meoa uh ma kuh in fukultahluh, loat uh tiac pac kuh in kuhnausuhloslac; ac elos tolyuckyak pacl nuhkwewa, finne ke elos oasr fin kof uh kuh ye kof uh.”¹⁹ Kuht muhta fin facluh se ma noa luhlahp ahksahngweng luhn misac, maskihn mahno ac insifac, ac mwe srihkasrak ac kweok luhn kain nuhkwewa fukul kuht. Ohinge, luhlahlfongi kacn Jisus Kraist ac sulwaclah in luhlahlfongi El, kuht kuh in oasr kahlwem pacl nuhkwewa, finne kof uh fuhlwact liki kuh twen liki kuht. Kuht kuh in oasr ahkkweye nuh sesr muh God El tiac tui in uk pahtok kuht nuh ke acn sesr inkuhsrao.

Ke elos kihmkihmlac lun oak ah tuh “on kaksakihn Leum; … ac [elos] tuh sang kuloh ac kaksakihn Leum ke lwen na fohn se; ac ke fong uh tuhkuh, elos tiacna tui in kaksakihn Leum.”²⁰ Eltahl puhlakihn engan ac sang kuloh finne inmahsrlon mwe kweok lalos. Elos soena oacyak nuh ke acn wihlwihl ah, tuh elos enganack ke mwe insewowo uliyucklac ke srihpen luhlahlfongi oaru ac fokoko lalos in El.²¹

Mwet Jared ah pahtokyuck nuh met, ke lusen lwen 344.²² Kom kuh in nuhnkuh kac? Luhlahlfongi Leum enenuh luhlahlfongi ke pacl Lal ac enenuh muhtweng ac kampare ma kuhtanglah pahkah ke moul.²³

Yohkiyacna, mwet Jared ah tuh “ai pe acn wihlwihl. Ac ke elos tuh longyac pe acn ke acn wihlwihl elos kuhi nuh ten fin acn uh, ac tuh ahkpuhsisaclyelos sifacna ye muhtuhn Leum, ac tuh tuhng ke engan ye muhtuhn Leum, ke srihpen pahkotwen wo pucspucs Lal nuh selos.”²⁴

Kuht fin karihngihn wuhlweacng lasr uh, kuht pac fah sie lwen fohlohk nuh ke lohm uh ac fah sikuckmuhtuhntei ye Leum ac puhla sesseslah ke engan ke ma yohk El oruh ke moul lasr uh, wi pac mwe ahsor ma oraclah acn ke ma engan.²⁵

Nga fahkwack lah ke kuht fahsr tukun Leum ac pacl nuh kwewa in luhlahlfongi nuh sin Jisus Kraist ac srihpac lucng Lal ke moul lasr uh, El ac tuhkuh nuh sesr ke mwe loh, sramsramkihn mihslac ke nguhnasr, ac oruh kuh in oasr “finsrakkihn moliyucklac lasr in El.”²⁶

Nga etuh lah Jisus pa Kraist. El pa orwaclah engan nuh kwewa.”²⁷ Pahkotwen lal fal, ac el fokoko in molwelah.²⁸ El pa kahlwem, moul, ac finsrak luhn facluh.²⁹ El tiac lwelah kuht in tuhlac.³⁰ Ke inen Jisus Kraist, amen.