« សារលិខិតរបស់គណៈប្រធានទីមួយ » ប្រកាសដំណឹងល្អរបស់យើង ៖ មគ្គុទេសន៍ចែកចាយដំណឹងល្អនៃព្រះយេស៊ូវគ្រីស្ទ ( ឆ្នាំ ២០២៣ )
« សារលិខិតរបស់គណៈប្រធានទីមួយ » ប្រកាសដំណឹងល្អរបស់យើង
សារលិខិតរបស់គណៈប្រធានទីមួយ
ជូនចំពោះអ្នកផ្សព្វផ្សាយសាសនាជាទីស្រឡាញ់ ៖
យើងសូមអបអរសាទរដល់អ្នកចំពោះឱកាសដ៏អស្ចារ្យដែលអ្នកមាន ដើម្បីធ្វើជាអ្នកផ្សព្វផ្សាយសាសនារបស់សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ គ្មានការងារដែលទាក់ទាញ ឬសំខាន់ជាងការប្រមូលផ្ដុំអ៊ីស្រាអែលឡើយ ។
ប្រកាសដំណឹងល្អរបស់យើង មានគោលបំណងដើម្បីជួយអ្នកឲ្យធ្វើជាអ្នកផ្សព្វផ្សាយសាសនាម្នាក់ ដែលបានរៀបចំខ្លួនកាន់តែប្រសើរ និងមានភាពចាស់ទុំខាងវិញ្ញាណកាន់តែច្រើន ។ សៀវភៅនេះក៏មានគោលបំណងដើម្បីជួយអ្នកឲ្យក្លាយជាគ្រូបង្រៀនកាន់តែមានប្រសិទ្ធភាពផងដែរ ។ យើងសូមលើកទឹកចិត្តអ្នកឲ្យប្រើប្រាស់វាជាប្រចាំនៅក្នុងការសិក្សាផ្ទាល់ខ្លួន និងជាដៃគូ ។ យើងក៏លើកទឹកចិត្តអ្នកឲ្យប្រើប្រាស់វានៅក្នុងការប្រជុំក្រុមប្រឹក្សាមណ្ឌល និងសន្និសីទតំបន់ផងដែរ ។ សូមសិក្សាបទគម្ពីរដែលបានយោង ហើយរៀនពីគោលលទ្ធិ និងគោលការណ៍ទាំងឡាយ ។
យើងសូមអញ្ជើញអ្នកឲ្យមានការតាំងចិត្តថ្មីមួយដើម្បីជួយព្រះវរបិតាយើងដែលគង់នៅស្ថានសួគ៌នៅក្នុងកិច្ចការដ៏រុងរឿងរបស់ទ្រង់ ។ អ្នកផ្សព្វផ្សាយសាសនាគ្រប់រូបមានតួនាទីសំខាន់មួយនៅក្នុងការជួយព្រះអម្ចាស់នៅក្នុងកិច្ចការរបស់ទ្រង់ ដើម្បី « នាំឲ្យមានអតមភាព និងជីវិតដ៏នៅអស់កល្បជានិច្ចដល់មនុស្ស » ( ម៉ូសេ ១:៣៩ ) ។
ព្រះអម្ចាស់នឹងប្រទានពរដល់អ្នក នៅពេលអ្នកលះបង់ខ្លួនឯងដោយរាបសារដើម្បីបម្រើទ្រង់ ។ សូមឲ្យអ្នករកឃើញអំណរ និងសុភមង្គលដ៏ធំ ពេលអ្នកធ្វើការនៅក្នុងចំណោមបុត្រាបុត្រីរបស់ព្រះវរបិតាសួគ៌ ។
គណៈប្រធានទីមួយ