Te rahi noa’tu ra te feia e faaroo nei i te Mormon Channel.

E rave rahi milioni taata faaroo e mata‘ita‘i na te ao nei e fana‘o nei i te Mormon Channel, o te haapararehia na roto i te reo peretane e paniora e 24 hora i te mahana, e hitu mahana i te hebedoma, mai Temple Square i Roto Miti, Utaha, HAM.

Ua haamatahia teie rave‘a haapurororaa a te Ekalesia e pae matahiti i teie nei. E rave rahi feia mo‘a i te mau mahana hopea nei e oaoa nei no te faaite atu i te mau hoa melo e i te tahi atu mau taata te mau mea i roto i te haapurororaa. Aita e parau faatianiraa i roto i te faanahoraa e te vai nei e toru reni radio aparauraa e upaupa e te mau video poto no ni‘a i te mau poro‘i momoni.

A imi i te Mormon Channel i mormonchannel.org e i ni‘a ia YouTube, iTunes, Roku, Tumblr, Facebook, e Twitter. Te vai atoa ra te mau faaohiparaa tamoni ore na te feia e faaohipa ra i te rave‘a iOS e Android.