Tad R. Callister

E rave rahi mau matahiti hou to’na piiraa apî ei peresideni rahi no te Haapiira Sabati, ua riro na te Haapiiraa Sabati ei haamaitairaa faufaa rahi i roto i te oraraa o Tad R. Callister.

A tavini ai te taea‘e Callister ei peresideni no te Haapiiraa Sabati i roto i te hoê paroita i te fare haapiiraa tuatoru no Brigham Young, ua matau oia i te hoê tamahine o tei riro mai ei vahine na’na, o Kathryn L. Saporiti, ta’na hoi i faaipoito i te 20 no Ditema 1968 i roto i te Hiero no Los Angeles.

E mau metua raua no na tamahine e piti e no na tamaroa e maha ; e 24 mootua ta raua. Ua parau te taea‘e Callister, « E rave rahi te mau mea maitai ia riro ana‘e oe ei peresideni no te Haapiiraa Sabati ».

Fanauhia i te 17 no titema 1945, i Glendale, California, ia Reed Eddington e Norinne Callister, ua parau oia e ua fanauhia oia—mai ia Nephi—i te mau « metua maitai ».

Ua parau te taea‘e Callister « O to’u metua tane ïa te episekopo a paari ai au ». « Ua matau oia i te afa‘ifa‘i i te mau tareta na‘ina‘i, e e tamau aau oia i te mau parau e te mau papa‘iraa mo‘a e Shakespeare ».

Mai to’na metua tane, ua rave te taea‘e Callister i te toro‘a auvaha ture. I muri a‘e i te noaaraa ta’na parau tu‘ite i roto i te ohipa numeraraa i te fare haapiiraa tuatoru no Brigham Young, ua haere atu oia i te fare haapiiraa ture i te fare haapiiraa tuatoru no California, Los Angeles, e ua noaa ia’na te parau tu‘ite i roto i te faatureraa no te tute i te fare haapiiraa tuatoru no New York. Ua rave oia i te ohipa ei paruru i roto i te taiete paruru no Callister & Callister.

I te taime no teie piiraa, ua haamauruuru hia te taea‘e Callister i to’na piiraa i roto i te peresideniraa no te Hitu Ahuru e i roto i te Pŭpŭ piti no te Hitu Ahuru, i reira hoi to’na taviniraa mai te matahiti 2008 mai ra.

Hou te reira, ua tavini na oia ei peresideni no te misioni no Canada Toronta Hitiaa o te râ, ei Hitu Ahuru Area, ti‘a retioni, peresideni tĭtĭ, episekopo, peresideni misioni tĭtĭ, peresideni no te pŭpŭ peresibutero e, e ei misionare i roto i te misioni no te mau Tufaa Fenua Hitiaa o te râ Ataranetita.

Teie ta te taea‘e Callister i parau no ni‘a i te mau tauiraa i mua nei i roto i te mau buka haapiiraa a te Haapiiraa Sabati, « Oia mau, e mea faufaa rahi roa te mau buka haapiiraa, e ere râ i te mea faufaa mai te huru e haapiihia ra e te taata. Te mea hau roa’tu i te faufaa rahi ia haapii ïa tatou mai te Faaora, ia haapii tatou ma te Varua, e ia haapii tatou no te faafariu ».