Yá’át’ééh díí áłah haleehdi nihisohkai’ígíí

Háshinee’ shik’is dóó shilakéí. Shił hózhǫ́ǫgo yá’át’ééh nihidishní. Dííshjį́įdi Jesus Christ Binahagha’ Ninéídláago Yá Naazínígíí Bisodizin Bá Hooghan atah daniidlínigíí, nahasdzáán ał’ąądę́ę́’ áłah siidlį́į́’. Nihí nihooghandi haz’áanii nahalingo áłah siidlį́į́’. Ashdla’ts’áadah dimííltsoh biláágó ánéilt’e’ siidlį́į́’. Nihee’oodlą’ binahjį áłah siidlį́į́’. Nihich’į saad bee hada’dozihí’gíí dai’sínilts’ą́ą́’ doo, dóó bitsą́ą́dę́ę́’ ídahwiidil’aałgo daniidzin.

Táá’íídą́ą́’ hastą́ nideezid azlį́į́’. Jesus Christ Bisodizin Bá Hooghan binaanish náásgó yigááł dóó t’áadoo ni’kódzaada. Nídeezid yę́ędą́ą́’ éí bíneeshdlį́įgo Gilbert Arizona Diyin God Bighan atah shídléézh. T’áá’íyisíí ayóó’ ánoolingo si’ą́. Diyin God Bighan yishdléezh bitl’éé’ éí Discovery Parkgi, naakits’áadah dimííl yázhí ánéelą́ągo tséłkéí t’ááłá’í dóó ałnį́į́’ ahéé’ílkidjį nihinááł da’oolzhish dóó dahóótáál dóó dilní yee nidazne’go baana’asdee’. T’áá’íyisíí nizhónígo baanaa’asdee’.

Díí kéyah, Phoenix, Arizona binaagó éí t’áá’áyisíí náhóltseii dóó díikwíí shį́į́ damóodę́ę́’ nahodoołtį́į́ł bíká yá’ąąshgódeh lą́’í sodadoolzin bee hada’iisdzíí’. Nt’ę́ę́’ t’ahdoo baa ha’alzhííshgó aho’niiłtą́ dóó t’áá nahałtingo ałtso baanaa’asdee’! Tséłkéii éí ńdastłéé’ dóó’ deisk’aaz haslį́įgo bininaa dabi’niidlí ndi Diyin God Bi Ii’sizíinii nihitah hólǫ́ silį́į́’. Tséłkéii nihinááł ádayiilaa’ígíí éí “Oodla’ T’áá’aníinii Bee Hinii’ná” wolyé-baa ntsínkees: “Oodlą’ T’áá’aníinii Bee Hinii’ná”-éí t’áá’íyisíí nizhónígo tséłkéii bił dahózhǫ́ǫgo dóó yídaneedlį́įgo nihinááł ádayiilaa. Azhą́ deesk’aaz dóó nahałtin ndi, nihee’ oodlą́ dóó nihee’ ii’sizíinii nihił hadadéébįįd. Tséłkéii éí náásgó bił da’ílį́į doo, dóó ba’áłchíní dahazlį́įgo dóó bitsóóké dóó binálíké dahazlį́įgo yee yił dahodoolnih.

Biiskání éí Gilbert Arizona Bi Diyin God Bighaan wolyéhígíí yishdléézh. Éí biłgo t’ááła’ídi neeznádiin dóó bi’aan dízdiin dóó bi’aan naaki chodaa’į́ silį́į́’́. Áłtséé tł’éédą́ą́ éí nahółtą́. Biskání éí tłóo’di hózhóníyee’ dóó jóhonaa’éé bitsá’dinídíín. Táa’di ał’ąą alkéé’ ya’ajííjéé’. Áłah siidlį́į́’ígíi nihideesną́ą́’. Naat’áanii naakigóne’ dasidáhígíí Henry B. Eyring dóó Eldir dóó Sister Tad R. Callister, Eldir dóó Sister William R. Walker, Eldir dóó Sister Kent F. Richards, ałdó’ ákǫ́ǫ́ shił naaskai.

Díi Tą́ą́tsoh 2014 biyi’ éí níléí Fort Lauderdale Florida Bi Diyin God Bighan si’ánígíí ałdó doodlish. Áádóó díí yigha’ígíí Diyin God Bighan k’ad ádaalnéhígíí ałtsǫ ádaalyaago ałdó’ dadoodlish. Nahasdzáán bikáágó Diyin God Bighan 2015 biyi’ ádaalyaa’ígíí ałdó’ dadoodlish. Kót’ao náásgóó holzhizh dooleeł. Diyin God Bighan t’áá’íídą́ą́’ bánahast’ánígíí ałtsoh ádaalyaago éí nahasdzáán bikáá’ t’áała’ídi neeznádiin dóó bi’aan tsosts’i’diin ánéelt’e’ chídaal’į́įdoo.

Jó k’ad éí t’áá’íídą́ą́’ Diyin God Bighan bee ch’íhoneest’ánígíí dóó k’ad yaa ndal’nish’ígíí átsé ałtsǫ ádadoolnííł. Éí biniinaa Diyin God Bighan ła’ ánáádoolníłgo bibaahodoonihígíí ádin. Ákondi kéyah ni’bikáá’ Diyin God Bighan ła’ ánáádolnííłígíí hánáa dahsídíitį́’doo. Náásgó Ał’ą́ą́dę́ę́’ Gáamalii Áłah Náásdlį́įdi bee nihił hodooni. Nihí éí Diyin God Bighan ndei’nil’ígíí daniidlį́h dóó ákǫ́ǫ́ ałnáádeikah.

K’ad shik’is dóó shilakei, laanaa daniidzin. Jó dííjį́ dóó yiską́ągo nihich’į hadadoodzi’ígíí bídaniidlį́. Nihich’į ayáda’niiłti’ígii yá’ąąshdę́ę́’ bee biká o’oolwod dóó kót’áago saad yee hadadoodzi’ígíí bee bíká’a’oowod.

Nihí-t’áá’áníiltsǫ, kwe’é dóó háádidah-éí Bóhólníhii Bi Ii’sizíini nihił daholǫ́ǫdo dóó binajį da’ísííníilts’ą́ądo dóó ídahwiidiil’ááł. Jesus Christ, Nihisdah’iiníiłii, bízhi’ binahjį ádíshní, amen.