Kaeta Kawaini Waem

Tariu ao mwaneu aika tangiraki, I nanorinano ngkai I tei imatami n te ingabong aei. I tuatua ibukin ami onimaki ao ami tataro ibukiu ngkai I tibwaua au rongorongo ma ngkami.

Ngaira ni kabane ti moana ara mwananga ae kamimi ao ni kakawaki ngke ti kitana te aonaaba n tamnei ao n rin n tekarinan ni maiu aei ae aki toki ni kakaewenako ao e atongaki bwa te maiu ae mamate. Bukin rikira nakon te aonaaba bon karekean te rabwata n iriko ao n rii, ni karekei atatai ake a ti kona n roko rinanon te kaokoroaki mai irouia ara karo mai i karawa, ao n taraia ngkana ti kona ni kawakin tuua. N ana boki Aberaam mwakoro 3 ti warekia bwa e taekinna te Atua bwa a na kaitaraira n norira ngkana ti karaoi bwaai ni kabane ake a tuangira bwa ti na karaoi.¹

Ngkana ti roko nakon te aonaaba, ti uota te bwaintangira ae kakannato anne ma ngaira mairoun te Atua—are bon inaomatara n rinerine. Inanon te kairoro man oin ara atatai ti tekeraoi n rinerine i bon iroura. Ikai ti reiakin man bwaai aika ti kainnanoi aika kanganga n oin ara atatai. Ti kaokoroa imarenan te raoiroi ao te buakaka. Ti reiakina te kaokoro imarenan ae maai ao ae karewerewere. Ti reiakinna bwa te iango anne e bairea tokin kawaira.

I koaua bwa ti katana Tamara ma te kantaninga ae korakora bwa ti na oki nakoina, bwa ti aonga ni karekea te karietataki are E baireia ibukira ao are ti, ngaira, ti rangin n tangiria. E ngae ti katukaki bwa ti na kakaea ao n ira te kawai are e na kairiiri n oki nakon Tamara are i Karawa, E aki kanakoira ikai n akean te kaetieti ao te kairi. Ma, E a tia n anganiira bwaai ni mwakuri, ao E na buokira ngkana ti ukoukora Ana ibuobuoki ao ni kataia ni karaoi ni kabane ni mwakara n teimatoa ni karokoa te toki ao ni karekea te maiu are akea tokina.

Ni buoka aron kairakira iai iroura ana taeka te Atua ao Natina ake a kuneaki inanon ara boki aika tabu. Iai iroura taeka n reirei ao aia reirei ana burabeti te Atua. Ni kakawakina ae moan te korakora, ti a tia n anganaki ma te katooto ae kororaoi ae ti na iri—are ana katooto ara Uea ao ara Tia Kamaiu, Iesu Kristo—ao ti a tia n tuangaki bwa ti na ira te katooto anne. E taku te Tia Kamaiu i bon Irouna: “Nako mai, ao irirai.”² “Bwa mwakuri ake kam noorai ni karaoi ao anne ae kam riai naba ni karaoi.”³ E katea te titiraki, “Aekan aomata raa ngkami?” E kaeka ao E taku, “E koaua ae I tuangkami, kam na riki n ai arou.”⁴ “E mwakena te kawai ao e kaira te kawai.”⁵

Ngkana ti taraa Iesu bwa ara banna ni katooto ae ti na iria ao ngkana ti karaoa ae E karaoia, ti kona n oki nakon te Tama are i Karawa ni maeka ma Ngaia n aki toki. E taku te burabeti Nibwaai, “Ngkana e aki teimatoa te aomata ni karokoa te toki, n aron te katooto are e a tia ni karaoia Natin te Atua ae maiu, ao e na aki kamaiuaki.”⁶

Temanna te aine, ni katoa tai ngkana e kaota ana atatai are e a tia n reke irouna ni kawaina nakon te Aba ae Tabu, e na takarua, “I nakonako n te tabo are e nakonako iai Iesu!”

E a tia ni mena n te tabo are e maeka ao n reirei iai Iesu. Tao e tei iaon te bwa are E a tia n te taina n tei ao n tara te maunga are E a tia n tarai. Te atatai, inanon ao irouia, a bon rangin ni kakukurei nakoina; ma te nakonako nte tabo are e nakonako iai Iesu e aki rangin ni kakawaki n arona ngkana E nakonako. Katotongan Ana mwakuri ao irakin Ana katooto a rangin n kakawaki riki nakon kakaean te bwai ae tiku n te kawai are e nakonako iaona n te maiu aei ae mamate.

Ngke e kanakoa te kakao nakon te rorobuaka ae kaubwai, “Nako mai, ao irirai,”⁷ Ti aki nanona bwa e na ti iria te aomata are kaubwai arei n iria ni waerake ao n ruo rikaaki i taubukin ao kamwanonon karabeen te aba.

Ti aki kainnanoia n nakonako i mataniwiin aban Kariraia ke ibuakon taubukin Iutea n nakonako n te tabo are e nakonako iai Iesu. Ngaira ni kabane ti kona n nakonako n te kawai are E nakonako iai ngkana, ti uring Ana taeka, Tamneina e kaoni nanora, ao e kairiira Ana reirei ni maiura, ti rineia bwa ti na Iriiria ngkana ti mwananga rinanon te maiu aei. Ana katooto e kaotaa te kawai. E taku, “Boni Ngai te kawai, te koaua, ao te maiu.”⁸

Ngkana ti rinanon te kawai are e nakonako iai Iesu, ti na noria bwa E kairaki rinanon kakaewenako aika mwaiti aika ti na kaitarai n te maiu aei.

N aron te katooto, Iesu e rinanon te rawawata. E ngae ngke E rinanon nanokawaki aika mwaiti, teuana ae rangin ni kananokawaki e kabwarabwaraaki n Ana tai n nanokawaki iaon Ierutarem n tokin Ana mwakuri ma te botanaomata. A tia natin Iteraera n totokoa kamanoan te bai ni katantan ae E a tia n anganiia. Ngke E taraa tinaniku iaon te kaawa ae na kamaunaki n te tai ae waekoa, E rotaki n te nanokawaki ae korakora. N te nanokawaki ae korakora E tang n takarua, “O Ierutarem, Ierutarem, ae ko kamateia burabeti, ae ko karebanaia ake a kanakoaki nako im, ai bati ra au kani bobotia natim, n ai aron te moa-aine, ngkana e botia bunna i aani baina, ao kam rawa!”⁹

E nakonako Iesu ni kawain te kataaki. Rutibeero, te aomata ae buakaka, e bobota korakorana ae te kabanea ni korakora, kewena aika rangin n anainano, e Kaririia are e a tia n aki mamatam ibukin 40 te ngaina ao te 40 bong. Iesu e aki bwara nanona; ma, E kaitarai kariiri aikai n tatabeua nako. Ana taeka ni kabo: “Naako akuu, Tatan.”¹⁰

E nakonako Iesu ni kawain te maraki. Iangoa Ketetemwane, n te tabo are E mena “inanon te rawawata ae bati … ao maonona ai aron timtim n raraa aika bubura ni bwaka iaon tano.”¹¹ Ao akea ae kona ni mwaninga Korakaina iaon te kaibangaki ae kakorakai.

Ngaira n tatabemanira ti na nakonako ni kawain te kananokawaki, tao ibukin te tai ae bua, te mwaaka ae aki kabonganaki raoi, ana rinerine temanna ae tangiraki, ke te rinerine ae ti karaoi. E na riki naba te kataaki bwa te bwai ae ti na rinanona ni kabane. Ti warekia n te ka 29 n tiekition n te Doctrine ao Covenants: Ao ngkana e aki kataia mwaane te riaboro, aki kona n riki bwa taan tei i bon ibukiia.”¹²

N aron aei ti kona n nakonako ni kawain te maraki. Ngaira, aika tooro, ti aki kona ni kantaningaia n aron ae ataia te Mwatita, are e kitana te maiu ae mamate ti imwiin te maraki ao te karawawataaki ae korakora.

Ngkai ti na kunea kawaira e na rangin ni kananokawaki, ti kona naba ni kunea te kukurei ae korakora.

Ngaira, n aron Iesu, ti kona n nakonako ni kawain te ongotaeka. E na bon aki kanganga n tainako, ma kariai ara taeka bwa ara bwai aika ti anganaki iroun Tamuera: “Noria, e raoiroi riki te iri nanon taeka nakon te karea, ao e raoiroi riki te kan ongo taeka nakon neneaia tiibu-mwaane.”¹³ Ti na uringnga bwa mwiin te aki ongotaeka bon te kabureaki ao te mate, ngkai te kaniwanga ibukin te ongotaeka bon te kainaomataaki ao te maiu are akea tokina.

Ngaira, n aron Iesu, ti kona n nakonako ni kawain te mwakuri. N aron te banna ni katooto ae tamaroa n te raoiroi bon maiun Iesu ngke E mwakuri ibuakoia aomata. E uota te korakora nakon te aomata ae aki nakonako, te ota nakon maata aika mataki, te ongo nakon taninga aika bono.

Iesu e nakonako ni kawain te tataro. E reireiniira aron te tataro man anganiira te tataro ae moan te tikiraoi ae ti ataia bwa ana tataro te Uea. Ao antai ae E kona ni mwaninga Ana tataro i Ketetemwane: “Akea au taeka, ma e na tauaki am taeka”¹⁴

Kaetieti riki tabeua aika ti anganaki iroun te Tia Kamaiu a tauraoi nakoira, a kuneaki inanon booki aika tabu. N Ana Tataro iaon te Maunga, E tuangira bwa ti na bwaina te nanoanga, te taotaonaki n nano, te etieti, ni bwaina te nano ae itiaki, n riki bwa te tia karaoa te raoi. E tuangiira bwa ti na teirake ma te ninikoria ibukin ara koaua, e ngae ngkana ti kaenaenaaki ke ni bwainikirinaki. E tuangiira bwa ti na kariai ara taura bwa ana otanako bwa aonga tabeman n noori ao n tangiria ni kakukureia Tamara are i Karawa. E reireiniira bwa ti na bwaina te tamaroa n ara iango ao n ara mwakuri. E tuangiira bwa e kakawaki riki ni karikirakei kaubwaira i karawa nakon aon te aba.¹⁵

Ana taetae ni kaikonaki e reirei ma te mwaaka ao te kariaiakaki. Ma ana rongorongo te I Tamaria ae raoiroi, E reireiniira bwa ti na tangiriia ao ni buokiia kaain rarikira.¹⁶ N ana taetae ni kaikonaki iaon taarena, E reireiniira bwa ti na katamaroai arora ao ni kekeiaki ibukin te kororaoi.¹⁷ Ma ana taetae ni kaikonaki te tiibu ae bua, E tuangiira bwa ti na nako nakon kamaiuakiia naake a tia ni kitana te kawai ao ni bua kawaia.¹⁸

Ngkai ti kekeiaki ni katuka Kristo inanon maiura man reiakinan Ana taeka, man irakin Ana reirei, ao man nakonako ni Kawaina, E a tia ni berita bwa e na tibwaua nakoira te maiu are akea tokina are E mate bwa e na karekea. Akea tokina ae rietata riki nakon aei, are ti riai n rineia bwa ti na kariaia Ana reirei ao n riki bwa Ana reirei ao ni karaoa Ana mwakuri inanon maiura. Akea riki, akea riki te rinerine teuana ae ti karaoia, e kona ni karaoa nakoira te bwai ae E kona.

Ngkana i iangoia naake a tia ni kataia raoi n iri ana katooto te Tia Kamaiu ao ake a tia n nakonako ni Kawaina, e roko inanon au iango araia Gustav ao Margarete Wacker—uoman mai ibuakoia aomata aika a maiuakina maiun Kristo aika I ataia. Bon kaain Tiaman aika a tia n nako ni maeka i Canada mainiku, ao I kaitibo ma ngaia ngke I riki bwa te beretitenti n te mition ikekei. E karekea maiuna te Tari Wacker ngke te tia koro ira. E ngae ngke e aki tau aia mwane, a tibwauai ni kabane aia bwai aika iai irouia. Aki kakabwaiaki ma natiia, ma a butimwaaia aomata ake a rin ni mweengaia. Mwaane ao aine n te reireinaki ao te kangaanga a bairei bwaai aikai ma te nanorinano, ana toro te Atua aika aki reirei, ao n iangoia bon irouia bwa a tekeraoi ngkana a kona ni kabanea teuana te aoa n rokoia.

Tarakiia boni kangai naba, aia Ingiriti e aki raoiroi ao ni kanganga naba te ota iai, mweengaia e bebete. Akea aia kaa ke aia terewition, ke ni karaoi bwaai aika e na kona te aonnaba ni kabanea ana tai iai. E ngae n anne aika a onimaki a kawariia n tainako bwa aonga ni katoonga te tamnei are e mena ikekei. Mweengaia bon karawa iaon te aba, ao te tamnei ae a kanakoa bon te rau ae itiaki ao e tamaroa.

Ti kona naba ngaira ni karekea te tamnei anne ao ni kona n tibwauaia ma te aonaaba ngkana ti nakonako ni kawain ara Tia Kamaiu ao n iri Ana katooto aika kororaoi.

Ti wareka te kauring n Taeka n Rabakau, “Kaeta kawaini waem.”¹⁹ Ngkana ti karaoia, ti na karekea te onimaki, riki te nano, n nakonako n te kawai are e nakonako iai Iesu. E na bon akea ara nanououa bwa ti mena n te kawai are e tangiriira Iesu bwa ti na nakonako iai. Ana katooto te Tia Kamaiu e katauraoa n nen bwai aika ti karaoi, ao Ana taeka e katauraoa te kairi ae onimakinaki. E na uotira Kawaina nakon mweengara n akea te kanganga. E na riki aei bwa ara kakabwaia, I tataro, n aran Iesu Kristo, ae I tangiria, ae I beku ibukina, ao are I kakoaua mairouna, amen.