Sehyogi(Sustainable) Samaaj
Agar hum me bahut se log aur hamare padosi hamare faesle lewe ke koshish kari hum log ke zindagi Parmeshwar ke sachchaai anusaar jiye ke, jon naetik bhalaai har samaaj me zaroori hai woh rahi.
Ketna sundar se kwaaya sundar Rakshak ke liye gaawe hai.
2015 me United Nations “The 2030 Agenda for Sustainable Development(2030 ke Sehyogi Vikaas waala Agenda)” ke yojna apnais. Uske “ek blueprint batawa ge raha logon aur sansaar me shaanti aur safalta paawe ke liye, aaj aur bhavishye tak ke liye.” Sehyogi Vikaas waala Agenda me 17 lakshye hai jo saal 2030 tak haasil kar liye jaane chahiye, jaise ki koi gareebi nahi, koi bhook nahi, achcha starr ke Padhaai, gender ki samaanta, saaf paani aur swachta, aur faedemand naokri. 1
Sehyogi Vikaas ka vichaar bahut hi dilchasp aur mahatwapurn hai. Magar, isse zyaada mahatwapurn hai, uh sehyogi samaaj ke bhaari sawaal. Woh kaun se awashyaktaaen hai jo ek ubharte huwe samaaj ke sahara dewe, ek aisa samaaj jisse uske sadasyon ke beech khushiyaali, pragati, shaanti, aur sukh laata hai? Hum log ke paas dui record hai shaastro me se jo ih rakam ke samaaj the. Hum log uh log se konchi seekhe sakta hai?
Puraane dino me, Enoch jo mahaan patriarch aur prophet tha ne dhaarmikta ka prachaar kiya aur “ek shahar banaya jise Pawitrata ka Shahar kaha jaata tha, Zion bhi.” 2 “Aur Prabhu ne apne logon ko Zion pukara, kyunki weh ek hi dil aur vichaar ke the, aur dhaarmikta me jeete the; aur unke beech koi gareeb nahi tha.” 3
“Aur Prabhu uh jagah ke ashish dees, aur woh jo pahaado, aur unche jaghon par the ne ashish paaya, aur safalta paai.” 4
Western Hemisphere me pehle- aur dusre-century ke log jinhe Nephites aur Lamanites ke naam se jaana jaata tha ne ek aur badhiya uddhaaran diya hai ek safal samaaj ka. Unke beech punarjiwit Rakshak ke prasidh prachaar ke baad, “uh log wahi aagyaaon pe chalis jon uh log ke apan Prabhu aur apan Parmeshwar se mila raha, lagataar upwaas aur praathna karte huwe, aur aksar saath milte the praathna karne ke liye aur Prabhu ke vachan sunne ke liye. …
“Aur logon me irshaya, daraar, halchal, vaybhichaar, asatyata, hatya aur kisi bhi prakaar ki kaamukta nahin thi; aur nishchay hi Parmeshwar ke haathon dwara rache gaye saare logon me in logon ki tarah anandmay aur koi nahi tha.” 5
Ih duno uddharano ke samaaj ke swarg se ashirwaad ke sahara mila raha jon uh log ke do mahaan aagya ki or itne achche bhakti se mumkin raha: “Aap Prabhu apan Parmeshwar se apan pura mann se, aur apan praan se, apan saara buddhi se pyaar karo” aur “Aap apan padosi se apan rakam pyaar karo.” 6 Uh log apan niji zindagi me Parmeshwar ke aagyaaon ke maanta raha, aur uh log ek dusre ke shaaririk aur aatmik kalyaan ke khyaal rakhta raha. Doctrine and Covenants ke shabdon me, ih rakam samaaj me “sab insaan apan padosi ke faeda ke khyaal rakhta raha, aur sab kaam Parmeshwar ke bhakti ke dhyaan me rakh ke karta raha.” 7
Durbhaagye se, jaise aaj sabere Elder Quentin L. Cook gaor karis, woh aadarsh samaaj jiske baare me Mormon Dharamshaastr ke 4 Nephi me likha hai apne dusri sadi se aage nahi tik paaya. Sehyogi hone ka guarantee nahi hai aur ek safal samaaj kabhi bhi asafal ho sakta hai agar woh apne zaroori sadguno ko tyaag deta hai jisse shaanti aur safalta kaayam rehti hai. Ih maamla me, shaetaan ke bahkaawa me aai ke, log “classes me bate laga; aur uh log apan faeda ke liye girjagharon ke banawe lagis, aur Masih ke sachcha girja ke aswikaar kare lagis.” 8
“Aur aise hois ki teen sao saal beet ge, duno Nephi ke log aur Lamanites ek hi rakam dusht ban ge.” 9
Ek aur century ke khatm hone pe, laakho(millions) log mar ge raha aapsi ladaai me, aur uh log ek samay ke khushaal desh me ab khali lade la tribes log bacha raha.
Aisan aur dusar rakam ke safal samaaj ke uddharano ke baare me sochna jon baad me asafal hois, hum sochta hai ih kehna surakshit hai ki jab insaan Parmeshwar ke taraf zimmedaari dekhawe se mukar jaae aur uske jagah “insaan ke shakti” pe bharosa kare lage, tab musibat zaroor aaegi. Insaan ke shakti pe bharosa kare ke matlab hai manav adhikaar aur maanav sammaan ke divye Lekhak ke nazarandaaz karna aur dhan-daulat, taaqat, aur duniya ke prashansa ke zyaada praathmikta dena. (Jabki aksar uh log ke hasi udaana aur sataana jon ke koi dusar starr hai). Iske daoraan, Sehyogi Samaaj waale log khoje hai, jonchi Raaja Benjamin bolis, “ki [uh log] ke banae waala ke mahima ke gyaan me woh badhe, ya us gyaan me jon sahi aur sachcha hai.” 10
Jon sansthaao me pariwaar aur dharm bahut mahatwapurn rehwe hai duno akela insaan aur samaaj ke uh sadgun dewe me jisse tikaau samaaj ke sahara ke saadhan mile sake. Shaastron me jade in sadguno me shaamil hai imaandaari, zimmedaari aur uttardaaitav, taras, shaadi aur shaadi me wafadaari, dusron ki aur unke sampati ki izzat, sewa, aur kaam ki awashyakta aur gaorav, kuch anye niyamo ke saath.
Editor-at-Large(ghumakkad sampaadak) Gerard Baker ne is saal ke shuru me ek column likha tha Wall Street Journal me apne pita, Frederick Baker, ke sammaan me apne pita ke 100th janam din pe. Baker apan pita ke lamba zindagi ke vajah ke andaaza lagais lekin phir ih vichaar likhis:
“Jabki hum log sab mangta hai lamba zindagi ke raaz jaane, hum aksar mehsoos kara hai achcha rehta agar hum log zyaada samay ih soche me bitaata ki achcha zindagi konchi ke bole, chaahe hum log ke jitna bhi saal mile jiye ke. Yahan, hum confident hai ki hum apan pita ke raaz janta hai.
“Uh ek aisan taaim se hai jab zindagi zyaada karke kaam se jaana jaata raha, na ki hak; social zimmedaari, ya niji suvidhaaon se. Ih century bhar ke sabse zaroori jilaane waala niyam rahis hai—pariwaar, Parmeshwar, desh ke prati meharbaani ke ehsaas.
“Ek aisan taaim pe jab dher pariwaar nasht ho raha hai, mere pita ek wafadaar pati the apne patni ke liye 46 saalon se, ek zimmedaar pita apne che(6) bachcho ke liye. Mere maata-pita ke achanak ek bachcha kho dene se pehle woh kabhi utna shaamil aur zindadil nahi rehte the.
“Aur aisan taaim pe jab dharm ko lekar zyaada curiosity tha, mere pita ek sachche, vishwaasi Catholic bane rahe, Masih ke vaado me ek atoot vishwaas rakh ke. Sach me, hum kabhi kabhi sochta hai ki uh utna lamba jee lees hai ki aur hum aisan koi se nahi mila jon mare ke liye etna taeyaar hai.
“Hum ek saobhaagi admi raha—ek achchi shiksha paa saka, hamaar apan sundar pariwaar, duniya me kuch safalta jiska mujhe hak nahi tha. Lekin hum jitna bhi abhimaan aur abhaar mehsoos karta hai, uspe grahan lag ge uh abhimaan aur abhaar se jon hum karta hai uh admi ke jon, bina koi jhanjhat ya naatak ke, bina kisi cheez ke aasra kiye ya prashansa chaahe,—ab ek century—apan saadhaaran farz, kartavyon aur, anth me, ek nek jiwan jiye ke khushiyon ke jee lees hai.” 11
Abhi haal ke saalon me dharm aur dhaarmik vishwaas ke jon mahatwa raha dher deshon me kamti hoi ge hai. Dher jan soche laga hai ki Parmeshwar me vishwaas aur usse wafadaari zaroori nahi dhaarmik imaandaari ke liye aaj ke duniya ke logon ya samaaj me. 12 Hum sochta hai hum log sab sehmat rahega ki jon bole dharm me vishwaas nahi chaahi karo, aur aksar, achcha dhaarmik insaan bane hai. Magar, hum log nahi sehmat rahega ki, yeh bina divye prabhaao ke hota hai. Hum Masih ki Jyoti ke zikr karta hai. Rakshak goshna karis, “Hum uh sachcha prakaash hai jon har uh insaan ke prakaashit karta hai jon ih duniya me aawe hai.” 13 Chaahe iske baare me janta hoi ya nahi, har ek admi, aurat, aur ladkan har ek dharm, jagah, aur samay ke Masih ke Prakaash mila hai aur is kaaran se unhe sahi aur galat ka pehchaan hota hai jise hum antar-aatma kehte hai. 14
Iske baawajood, jab dharm ke virudh jaawe se vyaktigat aur naagrik ke bhalaai ke thes pahunche hai aur uh samay aawe pe Parmeshwar ke jawaab nahi de paate, tab maano pedh jadh se alag ho jaata hai. Samaaj me bhalaai ke sahara dewe ke hai toh sirf sanskriti aur parampara pe nirbhar rehna kaafi nahi hai. Jab ek insaan ke paas aur koi badha bhagwaan nahi rehta apne aap se aur uh apan khud ke bhook aur pasand ke santusht kare ke jagah kuch aur nahi chaahe hai, uske asar sahi samay pe dekhaai.
Jaise ki, ek samaaj, jisme ek jan ke marzi hi kaamuk(sexual) consent kriya ki majburi hai, toh yeh samaaj bigadh raha hai. Vaybhichaar, casual sex, bina-shaadi-ke bachcha paeda karna, 15 aur khud chuna hua garbhpaath un kadwe sach me se kuch parinaam hai jo lagataar ke sexual revolution(kaamuk kraanti) se ugaaya gaya hai. Jo parinaam kisi kaarye ke hone se hota hai woh ek swasth samaaj ke sehyog ke khilaaf kaam karta hai aur usme dher ladkan rehwe hai jon gareebi me pale hai aur pitaaon ke achcha prabhaao ke bina, kabhi kabhi kayi peedhi tak; mahilaaen akele sehti hai woh zimmedaariyaan jo baatni chahiye; aur usse gambheer asar padhta hai schools me padhaai pe, anye kisi sanstha ki tarah, unhe ghar me asafalta ke liye bhugatna padta hai. 16 In sab soshal kaaedo ko todhne ke saath saath behisaab ghatnaaen hai logon ke dil tutne ke aur maayusi ke—maansik aur jazbaati naash hota hai doshi aur nirdosh par.
Nephi ghoshna kare hai:
“Jon manushye ke updesh pe chali, aur Parmeshwar ke shakti, aur Pawitr Aatma ke uphaar ko nahi maani unpe bahut dukh aai! …
“… Uh log sab pe dukh aawe jon Parmeshwar ke sachchaai se ghabraate hai, aur gussa hote hai ke dukh sahe ke padi!” 17
Iske vipreet, hum log ke khushi laae la sandesh hum log ke ladkan aur sab manushye jaati ke liye hai ki “Parmeshwar ke sachchaai” ek behtar rasta dikhaawe hai, ya jaise Paul bolis raha, “ek sabse achcha rasta,” 18 ek rasta jisse niji khushiyaali aur samaaj ki bhalaai abhi ho aur anant shaanti aur anand uske baad mile.
Parmeshwar ke sachchaai se uh andar ke tatva ke baat howe hai jon Uske ladkan ke liye Uske khushiyaali ke yojna ke buniyaad hai. Ih sachchaai hai ki Parmeshwar zinda hai; ki Uh hum log ke aatmaaon ke Swarg ke Pita hai; ki Uske pyaar ke zaahir kare ke liye, Uh hum log ke aagya dees jisse hum log ke Usme sampurn khushi mile; ki Ishu Masih Parmeshwar ke Putr hai aur hum log ke Muktidaata; ki Uh kasht jhelis aur maris hum log ke paapo ke praeshchit ke liye jisse hum pashchataap kar paaega; ki Uh mar ke ji uthis, jisse manushye jaati Punarjiwit hoe sake; aur ki hum sab Uske saamne khade ho sake nyaye paane ke liye, yaane ki, apan zindagi ke hisaab kare paaega. 19
Nao saal hoi ge raha “judges ke raaj ke” Mormon Dharamshaastr me, prophet Alma apan mukhye judge la padh ke tyaag dees raha taaki uh pura samay apan Girjaghar ke sanchaalan me lagawe sake. Uske lakshye raha ghamand, atyachaar, aur laalach ko hataao jon logon ke beech aur khaas karke Girja ke sadasyon ke beech badhte jaata raha. 20 Jaise Elder Stephen D. Nadauld ek dafe dekhis raha, “[Alma ke] prerna nahi raha zyaada samay bitaao kaanoon banawe aur uske laagu kare me apan log ke bataao sudhaare ke liye, par uh log se Parmeshwar ke vachan ke baare me baat kare ke raha, dharamsiddhaant sikhaawe ke raha aur mukti ke yojna se jonchi uh log samjhe hai ke maoka do uh log ke bartaao badle ke.” 21
Hum log padosi aur saathi naagrik hone ke naate bahut kuch kare sakta hai uh samaaj ke kaayam rakhne aur safalta ke liye jahan hum rehta hai, aur zaroor se hum log ke sabse mukhye aur lambe samay ka sewa rahi uh sachchaai sikhaao aur waise jiyo jon Parmeshwar ke mahaan mukti ke yojna me hai. Jaise ih hymn ke shabdon me bataawe ge hai:
Hum log ke purwajo ke dharm, se hum log ke pyaar rahi(Faith of our fathers, we will love)
Duno dost aur dushman hum log ke sab ladaai me(Both friend and foe in all our strife),
Aur pyaar se, uh vishwaas ke prachaar karega(And preach thee, too, as love knows how),
Kripa ke shabdo se aur bhala jiwan jiye se(By kindly words and virtuous life). 22
Agar hum me bahut se log aur hamare padosi hamare faesle lene ki koshish kari aur hum log ke zindagi ke aguwaai Parmeshwar ke sachchaai anusaar kari, jon naetik bhalaai har samaaj me zaroori hai woh rahi.
Uske pyaar me, hum log ke Swarg ke Pita Apan Eklauta Janma Putr, Ishu Masih, ke dees taaki hum log ke anant jiwan mile. 23
“[Ishu Masih] kuch bhi nahi kare jabtak usse duniya ke bhalaai nahi howe, kyunki uh duniya se itna adhik pyaar kare hai, ki Uh uske liye apan jiwan bhi tyaag dees hai jisse ki Uh ih duniya ke sab log ke apan paas bulaae sake. Jon kaaran se, uh koi ke nahi bole uh log ke nahi chaahi Uske uddhaar ke bhaagi bano.
“Kya Uh koi se bolis hai, Humse door chal do? Hum tumse bolta, Nahi; lekin Uh bole hai: Mere paas aao sansaar ke door door ke rehne waalo, bina paisa aur bina daam ke, doodh aur madh kharido(Parmeshwar se uddhaar aur ashirwaad paao).” 24
Hum log ih ghoshna “pure gambheerta se, aur vineetta se,” 25 aur Ishu Masih ke naam se karta hai, amen.