Dil Ek Saath Bunna Hua

Kya vaigyaanik khoj aakarshak aur mahatvapooran nahi hai ki kaise kabhee kabhee itni saralta jaise ekh seb ka pedh se girne se prerit hoti hai?

Aaj, mujhe bhi ekh vaigyaanik khoj ke baare meh bataana hai jo khargoshon ka namoona dal se hua.

1970s meh, researchers ne ekh prayog kiya yeh jaanchne ke liye ki parhej ka kya tallukh hai dil ke swasth par. Kuch mahino tak, Unho ne ekh niyantrit dal ke khargoshon ko zyaada charbi waala khana diya aur unke blood pressure, dil ki dhadhkane, aur charbi ki dekh rekh ki.

Jaisi apeksha thi, kai saare khargosh meh dekha gaya charbi jami thi andar ki arteries meh. Phir bhi yeh anth nahi tha! Researchers ne kuch aeysa khoj kiya tha jo bahut kam samajh aa rahi thi. Bhale hi sabhi khargoshon meh charbi jama tha, haeraani ki baat hai ki ekh dal meh lagbhag 60 pratishat kam tha dusro se. Aisa lag raha tha ki woh doh alag samooh ke khargosh ko dekh rahe hai.

Vaigyaanikon ka, aisa parinaam se neend udh sakta hai. Yeh kaise ho sakta tha? Sabhi khargosh New Zealand se ekh hi jaati ka tha, lagbhag samaanye gene pool ka. Har ekh ko ekh samaan bhojan mila tha.

Iska kya matlab hai?

Kya yeh parinaam adhyayan ko amaanye saabit kar degi? Kya experiment ke design meh kuch galat tha?

Iss na soche gaye parinaam ko samajhne ke liye vaigyaanik vyarth sangharsh kar rahe the!

Aakhir meh, unho ne apna dhyaan research karamchaari ki taraf diya. Kya yeh sambhav tha ki researchers ne parinaam ke saath chedh chaadh kiya ho? Jaise unho ne iska peecha kiya, yeh maaloom padha ki har ekh ghargosh jinke jami charbi kam thi ekh hi researcher ki dekh rekh meh the. Usne bhi apne khargoshon ko wahi khaana khilaaya jo baaki khilaate the. Lekin, jaisa ki ekh vaigyaanik ne kaha, “woh ekh asaamaany aur dayaalu vyakti thi.” Jab woh khargoshon ko khana khilaati thi, “woh unse baate karti thi, unhe pyaar karti aur sahalaati thi. … ‘Usse raha na jaata tha. Woh bas aisi hi thi.’”¹

Tasveer

Meharbaan researcher khargoshon ke saath

Woh sirf khargoshon ko khana khilaane se zyaada karti thi. Woh unhe pyaar deti thi!

Paheli nazar meh, yeh sambhav nahi lag raha tha ki yehi wajah ho sakti hai itni badhi antar ka, lekin research team ko aur koi kaaran nahi dikhaai diya.

Isliye, unhone experiment dobaara kiya—iss baar har ekh variable ko saodhaani se sambhaalte huwe. Jab unhone antim parinaam ka vishleshan kiya, wahi cheez hua! Jitne khargosh pyaar karne waali researcher ki dekh rekh meh the unka swasth ka parinaam kaafi achcha tha.

Vaigyanikon ne iss adhyaan ki parinaam ko prestigious journal Science meh chaapa ²

Saalo baad, iss experiment ka parinaam chikitsa samudaay me prabhavshaali nazar aa rahi thi. Haal ki varshon meh, Dr. Kelli Harding ne ekh kitaab chapa tha naam The Rabbit Effect jiska naam iss prayog se aaya tha. Uska antim nirnay: “Ekh aswasthye jeevan jeene waale khargosh ko lo. Usse baat karo. Uske pakdho. Uske dulaar karo. Rishte meh phark aaya. … Anth meh,” usne nirnay kiya, “kya humaare swasth ko sab se mahatvapoorn tarah se prabhavit karta hai is peh bahut zyaada nirbhar karta hai ki hum kaise ekh dusre ke saath pesh aate hai, hum kaise jeete hai, aur hum kaise sochte hai iss ke baare meh ki insaan hone ka matlab kya kai.”³

Ekh dharmnipeksh duniya meh, vigyaan se gospel ki sacchaai judhne waala pul kabhi kabhi kam aur bahut door nazar aati hai. Phir bhi Isaai hone se, Ishu Masih ke anuyaayee, Antim-dino ke Santo, iss ka parinaam vaigyaanik adhyayan zyaada sahaj gyaan yukt lag sakta hai aashcharyajanak se. Mere liye, yeh ekh aur eent rakhta hai daya ki neev peh ekh maulik, chikitsa sidhaant—ek jo bhaavuk dilon ko changa kar sake, aadhyaatmik, aur, jaisa yeha darshaaya, saath meh shaareerik roop se.

Jab pucha gaya, “Guruji, kaun sa niyam sabse badha hai?” Rakhshak ne jawab diya “Apne Parmeshwar ko apne poore dil se pyaar karo,” uske baad, “Apne padhosi se apne jaisa pyaar karo.”⁴ Rakshak ka jawaab humaare swargiya kartavvye ki pushti karti hai. Pracheen prophets aagya dees hai ki “ekh dusre ke prati koi bhi viwaad nahi hona chahiye, lekin [hume] aage dekhna chahiye … , humaare] dil ek saath ekhta aur pyaar me bunna hona chahiye ek dusre ke prati.”⁵ Hume aage sikhaaya jaata hai “prabhaav ya shakti ko banae rakhna chahiye komalta aur namrata se, dayaaluta se, chal ke bina.”⁶

Main vishwaas karta hu yeh niyam sabhi Antim-dino ke Santo: ke buzurg, yuva, aur baccho ke liye universally laaagu hai.

Ise madhye nazar rakhte huwe, mujhe thodi der ke liye seedhe seedhe unse baat karni hai jo abhi Praathamik aayu ke bacche hai.

Aap pahele se samajhte hai ki kitna zaroori hai kripalu hona. Aapke ekh Praathamik gaano ke chorus, “I’m Trying to Be like Jesus(Mai Ishu Jaisa Banna Chahata Hoon),” sikhata hai:

Phir bhi, aapko kabhi kabhi mushkile aati hongi. Yahan ekh kahani hai joh aapko shaayad madat karegi South Korea ke ekh prathamik ladhka jiska naam hai Minchan Kim ke baare meh sunnke. Unka pariwaar lagbhag che saal pahele Girjaghar me aaye the.

Tasveer

Minchan Kim

“Ekh din paathshaala meh, kuch bacche dusre baccho ka mazaak bana rahe the. unhe naam bula kar. Yeh dekhne meh dilchasp lag raha tha, iss liye kuch hafto main ne bhi unka saath diya.

“Kaafi hafton baad, ladhke ne mujhe bataaya bhale hi maine aisa dikhaaya ki mai parvaah nahi karta, use hamaare baaton se takleef hui thi, aur woh har raat rota tha. Main lagbhag rone waala tha jab usne mujhe bataaya. Mujhe bahut afsos hua aur mein unki madat karna chahata tha. Agle din main unke paas gaya aur apna haath unke kandhe pe kar aur maafi maangi, kahete hue, ‘mujhe bahut afsos hai ki main ne tumhaara mazaak udaaya.’ Usne mere baat par sir hilaya, aur unke aankho me aanso bhar gaye.

“Lekin baaki bacche uska abhi bhi mazaak uda rahe the. Phir, main ne yaad kiya ki main ne kya seekha tha Prathamik kaccha meh, sahi ko chunno(choose the right). Iss liye, main ne class ke saathiyon ko bas karne ko kaha. Kaafi ne chunna ke woh nahi badlenge aur mujh par gussa ho gaye. Lekin ekh aur ladhka baaki baccho meh se kaha ki use afsos hai, aur hum teen ache dost ban gaye.

“Bhale hi kuch log abh bhi unka mazaak udaate hai, use achcha mehsoos hua ki hum unke saath hai.

“Main ne sahi chuna ekh dost ki zaroorat meh madat karke.”⁸

Tasveer

Minchan Kim ka chitr

Kya yeh ekh acha uddhaaran nahi hai aapko Ishu jaisa banne meh madat karne ke liye?

Abh, navjawaan purush aur navjawaan mahilaaye, jaise aap badhe hote hai, dusro ka mazaak udaana aapko bahut khatarnaak tarike se viksit kar sakta hai. Betaabi(Anxiety), udaasi(depression), aur usse bura hota hai aksar daadagiri(bullying) ke wajah se. “Jabki daadagiri koi nayi baat nahi hai, social media aur technology ne daadagiri ko ekh naye mukaam par laa diya hai. Yeh ek zyaada nirantar, hamesha maujood rehne waala khatra ban jaata hai—cyber bullying(online daadagiri).”⁹

Saaf taur par, shaetaan iss ka upyog aapke peedhee ko chot pahuchaane ke liye kar rahe hai. Iss ki koi jagah nahi hai aapki cyberspace, padhos, paathshaala, quorams, aur kaksha meh. Kripya woh sab kare jo aap kar sakte hai in sab jagho ko kripaalu aur surakhshit banaane ke liye. Yadi aap in meh se kisi bhi nishkriy roop se dekhte hai yaa bhaag lete hai, mere paas iss se acchi salah nahi hai jo pahele Elder Dieter F. Uchtdorf dwara diya gaya:

“Agar baat nafrat karne, buraai karne, nazarandaaz karne, khille udhaane, duraabhaav rakhne, ya kisi ko kshati pahuchaane ki iccha rakhe, Kripya isse apnaay:

“Rukh jaao!”¹⁰

Kya aap ne isse suna? Rukh jaao! Jab aap khud ko dayaluta, parwaah, aur sahanbhuti, yahan tak ki digitally, bhadhaenge, main aap se vaada karta hu ki aap unke haath uthaaenge jo neeche jhuka hai aur dillon par marham lagaaenge.

Chotte bacche aur yuva se baat karne ke baad, abh main Girjaghar ke badho se baat karunga. Humara ekh pratham zimmedaari hai ekh tone set karne aur dayaluta ki murat, sab shaamil karke, aur shishtachaar banae rakhe ke—lagataar Masih jaisa vyavahaar sikhaana badhti peedhee ko kis tarah hum baat karte aur rahete hai. Yeh vishesh roop se mahatvapoorn hai ki hum samaaj ko vibhaajan ki or ek achche tarike se badalte dekhein raajniti, social padhwi, aur lagbhag sabhi maanav-ki-banaai bhed-bhaao.

Pradhaan M. Russell Ballard ne yeh bhi sikhaaya hai Antim-dino ke Santo ko sirf aapas meh hi nahi par har koi humaare aas paas ho unke saath kripalu hona chahiye. Usne dekha: “Kabhi kabhi main un sadasyo ke baare meh sunta hu jo anye dharm ke logon ko thes pahunchaate hai unhe nazarandaaz karke aur unhe shaamil nahi karke. Yeh aise samudaay meh hoti hai jahan humaare sadasye zyaada sankhya meh hai. Main ne sankeern(narrow-minded) soch vaale maata-pita ke baare meh suna hai jo apne baccho ko sikhaate hai ki woh padhos ke ekh vishisht bacche ke saath khel nahi sakte kyunki unka pariwaar humaare Girjaghar ka sadasye nahi hai. Iss tarah ka vyavahaar Prabhu Ishu Masih ka sikhaaya hua nahi hai. Main samajh nahi sakta ki koi bhi sadasye humaare Girjaghar ka iss tarah kaise hone de sakte hai. … Main ne kabhi nahi suna hai iss Girjaghar ke sadasyo ko aur kuch banna hai siwaaye dayaalu, sahansheel, aur bhalaee karne waala apne doston aur padosiyon ke prati joh anye vishwaas ke hai.”¹¹

Prabhu chaahate hai ki hum sikhaaye ki shaamil karna achchi cheez hai jo ekhta ki taraf le jaati hai aur alag karna vibhaajan ki or le jaata hai.

Ishu Masih ke anuyaayee hone ke naate, hume niraasha hoti hai jab hum sunte hai ki kaise Parmeshwar ke baccho ke saath bura bartaao hota hai jaati ke kaaran. Hamein bahut dukh hota hai jab hum sunte hai haal ke hamle ke baare meh jo kaale logon, Asian, Latino, aur koi bhi anya samooh ke saath hua. Pakshapaat, jaateey tanav, yaa phir hinsa ke liye humaari padhos, samudaay, yaa phir humaare Girjaghar meh jagah nahi honi chahiye.

Chaliye hum meh se har ekh, koi bhi umar ka ho, sabse acche banne ki koshish kare.

Bhale hi hum pyaar, aadar, aur kripa se logon se mel jol karne ki koshish karenge, aap ko zaroor se dukh hoga ya galat tarah se prabhaawit honge auron ke bure chunawon se. Hum tab kya kare? Hum Prabhu ki baat maane ki “apne dushmano se pyaar karo … aur unke liye praathna karo jo iske baawajood aapka upyog karte hai.”¹²

Uske baad hum woh sab kare joh humaare bas meh hai apne maarg ke pratikoolta ko dur karne ke liye. Hum anth tak sahan karne ka prayaas karte hai, har waqt praathna karte hai ki Prabhu ka haath humaare paristithi ko badal dega. Hum Unka dhanyevaad karte hai un logo ke liye jinhe hummare jivan meh humaara sahita karne ke liye laate hai.

Tasveer

Chamarkaar Quincy, illnois meh

Main bhauk ho gaya hu ekh uddhaaran se jo hamari Girgaghar ki pahele ki itihas hai. 1838 ke sardee ke samay, Joseph Smith aur anye Church ke netaaon ko Liberty Jail meh hiraasat meh liya gaya aur Antim-dino ke Santo ko balpoorvak apne gharo se nikaala gaya Missouri ki raajy se. Sant bina kuch ke the, mitraheen, aur thand aur suvidhaaye ki kami ke kaaran tadap rahe the. Quincy, Illinois ke nivaasee ne unka hataash durdasha dekhi aur unki taraf daya aur dosti meh badhe.

Wandle Mace, Quincy ke ekh nivaasee ne, baad meh yaad kiya jab usne paheli baar Santo ko Mississippi Nadi ke paas dekha tha asthaayee tent meh: “Kuch ke paas chaadar thi, havaon se thoda aashray banaane ke liye, … bacche aag ke paas kaap rahe the, jise hawaa udha deti iss liye bahut kam asarkaarak tha. Gareeb Sant bahut zyaada tadap rahe the.”¹³

Santo ki durdasha dekh kar, Quincy ke nivasee ne sahayta pradaan karne ke liye ekh saath bhaag liya, kuch toh apne naye doston ko nadi paar karne meh bhi sahayta kar rahe the. Mace ne aage kaha: “[Woh] udaaratapoorvak daan diye; ekh doosare ke saath mar rahe vyaaparee jitna udaar ho sakate hai … suar ka maans, … cheeni, … juta aur kapdhe, sabhi kuch jo un gareeb outcasts ko sabse zaroorat thi.”¹⁴ Pahele se, sharanaathiyon ne Quincy ke nivaasiyon ko pichaadh diya tha, jinho ne apne gharo ki darwaaze khole aur mahaan vyaktigat balidaan par apne kam sansaadhanon ko saajha kiya.¹⁵

Kaafi Antim-dino ke Sant kathor sardi se bache sirf Quincy ke nivasee ke daya aur udaarta ki wajaah se. Yeh dharti ki farishte ne apna dil aur ghar khola, jeevan-rakshak poshan laa kar, garmajoshee, aur—shayad sabse mahatvapoorn—ekh dosti ka haath badha kar unki taraf jo Sant takleef meh the. Bhale hi unka Quincy meh rahena kewal chote samay ka tha, yeh Sant kabhi nahi bhoolenge karj dene waale ka aabhaar apne pyaare padhosi ke prati, aur Quincy ko “sharan ka shahar ” ke naam se jaana gaya.¹⁶

Jab musibat aur vipatti humaare upar aati hai naajuk, nakaaraatmak yaha tak ki nishtapoorn kaaryo se, hum Masih meh ummeed rakhne ke liye chun sakte hai. Yeh ummeed Unki aamantran aur waade se aati hai ki “khushaal raho ho, kyunki mein tumhaara agwaahi karunga”¹⁷aur Woh tumhare vedanaaon meh tumhaare hith ke liye gyaan dunga.¹⁸

Chaliye wahi khatam karte hai jaha se shurauat kiya tha: ek dayaalu dekh-rekh karne waali, ek poshan ki bhaavana ke saath khud ko vistaarit karti, aur ek aparatyaashit parinaam—jaanvaron ke dilon par marham lagana jinki dekh-bhaal karti thi. Kyun? Kyu, kyunki woh aise hi thi!

Jab hum susamachaar ke nazariya ke maadhyam se dekhta hai, hum pahechaante hai ki hum bhi aise dayaalu dekh bhaal karne waale ki nigraani meh hai, jo Apne aap ko dayaalu aur poshan ki bhaaona se darshata hai. Achcha Charwaha jaane hai hum log sab ke humaare naam se aur “hum me vyaktigat dilchaspi rakhta hai.”¹⁹ Prabhu Ishu Masih ne Khud kaha hai: “Main achcha charwaaha hoon, aur main apne bhed ko jaanta hoon. Aur main bhedon ke liye apna praan deta hoon”.²⁰

Tasveer

Khoe hue memane ko dhoondana

Yeh pawitr Easter saptaah anth, hamme shaanti hai yeh jaan kar ki “Prabhu mere charawaha hai”²¹aur hum sab ko Woh jaante hai aur Unke dayaalu dekh rekh meh hai. Jab hum zindagi ki aandhi aur toofaan ka saamna karte hai, bimaari aur chot, Prabhu—humara Charwaha, humara dekh-bhaal karne waala—pyaar aur daya se humara poshan karenge. Woh humaare dilon ko changaai dega aur humaari aatmaaon ka punarsthaapit karenge.

Iss ki main gawaahi deta hoon—aur Ishu Masih ka humare Rakshak aur Muktidaata ke roop meh —Ishu Masih ke naam se, amen.