Anyaaye Jo Krodhit Kare

1994 mein, Purvi African desh Rwanda mein ek jaathiwadh hua tha jo kuch hadh tak gahare jaathi tanaavo ke kaaran tha. Anumaan hai ki dedh laakh se adhik log maare gaye the.¹ Asadhaaran roop se, Rwanda ke logo ne, zyaadatar samadhaan kar liya hai,² lekin aisi ghatanae hoti rehti hai.

Ek dashak pahale, Rwanda ki yaatra ke dauraan, main aur meri patni ne Kigali airport par ek anye yaatri ke saath baatcheet kee. Unhone narsanhaar(genocide) ki anuchitata par aphsos jataaya aur maarmik roop se pucha, “Yadi koi Parmeshwar hote, to kya woh iske baare mein kuch nahi karte?” Is aadmi ke liye—aur hum mein se kaiyon ke liye—kasht aur kathor anyaaye anuchit lag sakta hai ek dayalu, pyaar karne waale Swarg ke Pita ke sachchaai me. Phir bhi Woh asli hai, Woh dayaalu hai, aur Woh apne pratyek bachche se puri tarah se pyaar karta hai. Yah dohra vibhaajan maanav jaati jitni hi puraani hai aur ise ek chote yaadgaar pal(sound bite) mein ya ek bumper ke sticker par nahi samajhaaya ja sakta hai.

Iske baare mein kuch samajhne ke liye, aaiye hum vibhin prakaar ki anyaaye ka pata lagae. Ek aise pariwaar ke baare me soche jisme pratyek bachche ko saamaany ghareloo kaam karne ke liye ek saaptaahik paisa milta hai. Ek beta, John, ne mithai khareeda; ek betee, Anna ne apna paisa bachaaya. Aakhirkaar, Anna ne khud ke liye ek bicycle khareedi. John ne socha ki yah puri tarah se anyaaye hai ki Anna ko bike mili aur use nahi. Lekin John ki pasand ne asamaanta paida ki, na ki maata-pita ki harkate. Mithai khaane ke tatkaal santushti ke tyaage se Anna ke faisle ne John par koi anyaaye nahin kiya, kyonki unkee bahan ke samaan avasar use bhi mila tha.

Humaare faisle isi tarah lambe samay ke faayade ya nuksaan de sakte hain. Jaise ki Prabhu ne bataaya, “Yadi koee vyakti is jeevan mein apne parishram aur aagyakaarita se adhik gyaan aur buddhimaanta haasil karta hai, to use duniya mein aane waale laabh ka kitna zyaada faaeda hoga.”³ Jab dusro ko unke mehnatee chunaawon ke kaaran laabh praapt hota hai, to hum yah sahi me nahi keh sakte hain ki jab humaare paas samaan aosar tha, to humaare saath anyaaye hua hai.

Anyaaye ka ek aur udhaaran meri patni, Ruth, ki sthiti se aata hai jo tab hua tha jab woh ek bachchi thi. Ek din Ruth ko pata chala ki uski maa ek chhotee bahan, Merla, ko nae joote khareedne ke liye le ja rahee thi. Ruth ne shikaayat ki, “Maa, yah toh bahut anyaaye hai! Merla ko pichli baar naye joote mili thi.”

Ruth ki maa ne pucha, “Ruth, kya tumhare joote tumhe atthe hai?”

Ruth ne jawaab diya, “Ji, atthe hai.”

Ruth ki maa ne tab kaha, “Merla ke joote ab atthe nahin hain.”

Ruth ne is baat par sahamati jataee ki pariwaar ke sabhi bachche ke paas aise joote hone chaahiye jo atthe ho. Bhale Ruth ko naye joote pasand the, lekin jab usne apni maa ki aankhon se paristhitiyon ko dekha to use apne anyaaye se pesh aane ka ehsaas hua.

Kuch anyaaye ko samjhaya nahi ja sakta; bevajah ki anyaaye krodhit karta hai. Anyaaye hota hai jab apoorn, ghaayal, ya rog se peedit logon ke saath raha jaae. Maransheel jeevan swabhaavik roop se anyaaye hi hai. Kuch log bahut paisa ke stithi me paida hote han; anye log nahi hote. Kuch ke maata-pita pyaar karte hai; anye nahi karte hai. Kuch bahut saal jeete hain; kuch kam. Aur aise kayi uddharan hai. Kuch log achchha karne ki koshish karte samay bhi takleef dene waale galtiyaan karte hai. Kuch log anyaaye ko kam karne ke koshish karte hai jab ve kar sakte hai. Dukh ki baat hai, kuch log apne Parmeshwar ke diye-chunne ki shakti ka upyog doosaro ko chot pahuchaane ke liye karte hai jab unhe kabh nahi karna chaahiye.

Vibhinn prakaar ki anyaaye merge ho sakte hai, jisse atyadhik anyaaye ki tsunami paida ho sakte hai. Udhaaran ke liye, COVID-19 mahamaree un logo ko asangat roop se prabhaavit karti hai jo pahale se hee bahukriyaasheel, antarnihit nuksaan ke adheen hai. Mera dil un logo ke liye dukh uthaata hai jo is tarah ke anyaaye ka saamna karte hai, lekin main apne pure dil se ghoshna karta hoo ki Ishu Masih anyaaye ko samajhte hai aur ek upaaye pradaan karne ki shakti rakhte hai. Kuch bhee nahin vah anyaaye kee tulana karta hai jo Usne saha tha. Yah sahi nahi tha ki Unhonne maanav jaati ke sabhi dard aur peedao ka anubhav kiya. Yah sahi nahi tha ki Woh mere paapo aur galtiyo ke liye aur aapke liye peeda sahis. Lekin unhone humaare liye aur Swarg ke Pita ke liye Unke pyaar ke kaaran aisa karna chuna. Woh puri tarah se samajhta hai ki hum kya anubhav kar rahe hai.⁴

Pawitra shaastra ne record kiya hai ki praacheen Israelites ne shikaayat ki thee ki Parmeshwar unke saath anyaaye kar rahe hai. Uske jawaab me, Jehovah ne pucha, “Kyunki kya ek maata apne doodh pite bachche ko bhool kar, apne garbh se jane shishu se mamta-rahit ho sakti hai?” Jetna ki yah sambhaavna nahi hai ki ek pyaar karne waale maa apne shishu ko bhool jaegee, Jehovah ne ghoshna kee ki Uskee bhakti aur bhi dridh thee. Unhonne pushti kee: “Haa, woh shaayad bhool jaae, phir bhi mai tumhe nahi bhulunga. … Dekho, Maine tumhe apne haatho ki hatheliyo par pakad liya hai; teree deevaare mere saamne hai.”⁵ Kyonki Ishu Masih ne anant, praeshchit ke balidaan ko sahan kiya, woh humaare saath puri tarah se sahaanbhuti rakhta hai.⁶ Woh hamesha hamaare aur hamaari paristhitiyo ke baare mei jaante hai.

Maransheelta mein, hum Uddhaarkarta ke liye“saahas poorvak aa sakte” hai aur daya, changaai, aur sahaayata praapt kar sakte hai.⁷ Jab hum bevajah peedit hote hai, tab bhi Parmeshwar hame saral, saamaanye aur mahatvapurn tareeko se aasheervaad de sakta hai. Jaise hi hum in aasheesho ko pehchaanna seekhte hai, Parmeshwar mein hamaara vishwaas badhta jaaega. Anantkaal mein, Swarg ke Pita aur Ishu Masih sabhee anyaaye ko hal karenge. Hum spasht rup se jaanana chaahate hai ki kaise aur kab. Woh aisa kaise karenge? Woh ise kab karenge? Meri jaankaari mein, Unhonne yah nahi bataaya ki ya kaise ya kab karenge. ⁷ Mujhe itna pata hai ki Woh karenge.

Anyaaye waale paristhitiyon mein, humaara ek kaam hai vishwaas karna ki “jo sab anyaaye hai jeevan mein vah Ishu ke Praeshchit ke zariye sahee kiya ja sakta hai.”⁹ Ishu Masih ne duniya par kaaboo pa liya aur sabhee anyaaye ko “sok” liya. Uski vajah se, hum is duniya mein shaanti rakh sakte hai aur khush ho sakte hai.¹⁰ Yadi hum use apnaate hai, to Ishu Masih humaare laabh ke liye anyaaye ka virodh karenge.¹¹ Woh sirf hame saantavna nahi dega aur jo kho gaya tha use waapas karega;¹² Woh humaare laabh ke liye anyaaye ka upyog karega. Jab yah kaise aur kab pe aata hai, hamein pehchaanne aur sweekaar karne ki aavashyakta hai, jaisa ki Alma ne kaha, “yah maayne nahin rakhta; kyunki Parmeshwar in sab baato ko jaanta hai; aur yah jaanana mere liye paryaapt hai ki aisa hai.”¹³

Hum baad mein kab aur kaise ke baare mein apne jawaab paa sakte hai aur Ishu Masih mein vishwaas viksit karne par dhyaan kendrit kar sakte hai ki Unke paas sab kuchh sahee karne ki shakti hai aur aisa karne ke liye taras rahe hain.¹⁴ Hamaare liye yah jaanne par zor dena ki anutpaadak kab aur kaise hota hai aur aakhirkaar, nikat-darshi.¹⁵

Jaisa ki hum Ishu Masih mein vishwaas viksit karte hai, hamein bhi Uske jaisa banne ka prayaas karna chaahiye. Phir hum doosaro ke saath daya se pesh aate hai aur jahaa hum ise paate hai, vahaa anyaaye ko kam karne ki koshish karte hai;¹⁶ hum apne prabhaav kshetr mein cheezon ko sahee banaane ki koshish kar sakte hai. Vaastao mein, Rakshak ne kaha ki hamein “is achche kaarye mein utsuk ho kar shaamil hona chahiye, aur kai cheez [hamare] apne ichcha anusaar karna chahiye, aur zyaada achchai laana chahiye.”¹⁷

Koi hai jo befikr hokar anyaaye ka saamna karne mein laga hua hai, woh vakeel Bryan Stevenson hai. United States mein unki kaanoonee pratha galat aaropee ka bachaav karne, atyadhik saja ko samaapt karne, aur buniyaadee maanav-adhikaaron ki raksha karta hai. Kuch saal pahale, Mr. Stevenson ne ek aise vyakti ka bachaav kiya, jis par hatya ka jhootha aarop lagaaya gaya tha aur use mrityu dand ka saza nishchit tha. Mr. Stevenson ne aadmee ke sthaaneey Isaai girjaghar se samarthan maanga, bhale hi woh aadmi apne girjaghar mein sakriye nahin tha aur samudaay mein vyaapak rup se shaadi se baahar ke sambandh ke kaaran apmaanit tha.

Is baat par dhyaan kendrit karne ke liye ki vaastav mein kya maayne rakhta hai, Mr. Stevenson ne unse vyabhichaar ke aaropee mahila ke baare mein baat ki, jise Ishu ke paas laaya gaya tha. Aaropiyo ne use maarne ke liye patthar maarna chaaha, lekin Ishu ne kaha, “Jo tumhaare beech mein paap ke bina hai … , use pahale uske oopar patthar maarne do.”¹⁸ Mahila ke abhiyukt peechhe hat gaye. Ishu ne mahila ki ninda nahin ki lekin usse kaha ab paap mat karna.¹⁹

Is baat ko yaad karne ke baad, Mr. Stevenson ne paaya ki aatm-dhaarmikta, bhay, aur krodh ne yahaan tak ki Isaaiyon ko thokar khaane waale logon par patthar phenkne ke liye prerit kiya hai. Phir unhonne kaha, “Hum bas aisa hote nahin dekh sakte,” aur unhonne upasthit logon ko “patthar pakadne waale” banne ke liye protsaahit kiya.²⁰ Bhaiyon aur bahano, patthar nahin phenkna doosaro ke saath daya ka vyavahaar karne ka pahala kadam hai. Doosra kadam doosaro dvaara phenke gaye pattharo ko pakadne ki koshish karna hai.

Hum faayde aur nuksaan se kaise nipatthe hai, yah jeevan ke pareeksha ka hissa hai. Hum jo kahate hai usse itna nahi aanka jaega lekin hum kis tarah se kamzor aur vanchiton ke saath vyavahaar karte hai.²¹ Antim-din Santo ke roop mein, hum achchha karne ke baare mein jaanne ke liye, Rakshak ke uddharan ka paalan karna chaahate hai.²² Hum apna pyaar apne padosi ke liye dikhaate hai Swarg ke Pita ke sabhi bachchon ki aatma-sammaan ki hifaazat karne se.

Achcha hai hamaare apne faayde aur nuksaan pe gehri chinta karna. John jab samjhis kaae Anna ke bike milis raha use khulaasa hua. Ruth jab Merla ke joota ke zaroorat dekhis apan maa ke nazariya se uh shikshaprad raha. Cheezon ko ek anant nazariya se dekhne ki koshish karna spasht kar sakta hai. Jetna hum Rakshak kee tarah bante hain, ham adhik sahaanubhooti, samajh aur daan viksit karte hai.

Main Kigali mein humaare saathee yaatree dwara poochhe gaye prashn par lautta hoon, jisne Rwandan narsanhaar(genocide) ki anyaaye par afhsos jataaya aur poochha, “Yadi Parmeshwar hote, to kya Woh iske baare mein kuch nahin karte?”

Narsanhaar se hui peeda ko kam karne ke bina, aur is tarah kee peeda ko samajhne mein hamaari asamarthta ko sweekaar karne ke baad, hamne jawaab diya ki Ishu Masih ne krodhit karne waale anyaaye ke baare mein kuch kiya hai.²³ Humne Ishu Masih aur Unke Girjaghar ki Punahsthaapna ke baare mein kaee susamachaar updeshon ko samajhaaya.²⁴

Baad mein, humaare parichit ne apni aankhon mein aansoo ke saath poochha, “Tumhaara matlab hai ki kuch aisa hai jo main apne mare huwe maata pita aur chaacha ke liye kar sakta hoon?”

Humne kaha, “Ji, haan!” Humne phir gawahi dee ki jeevan ke baare mein jo sab anyaaye hai ko Ishu Masih ke praeshchit se sahi banaaya ja sakta hai aur Unke adhikaar se pariwaaron ko hamesha ke liye ek saath joda ja sakta hai.

Jab anyaaye ka saamna karna padta hai, to hum apne aap ko Parmeshwar se door kar sakte hai ya hum madad aur sahaayata ke liye Unke kareeb jaa sakte hai. Uddhaaran ke liye, Nephites aur Lamanites ke beech lambe samay tak yuddh ne logo ko alag alag tarah se prabhaavit kiya. Mormon ne dekha ki “kayi log kathor ho gaye the” jabki anye log “Apne kashton ke kaaran vinamra ho gaye the, itna zyaada ki woh khud ko Parmeshwar ke saamne vinamra kar diye the.”²⁵

Anyaaye se apne aap ko kathor ya Parmeshwar mein apne vishwaas ko mitne na de. Balki, Parmeshwar se madad mange. Rakshak ke liye apnee prashansa aur nirbharta badhaen. Yeh nahi ki tum kadwe ho jaao, uske bajae Use tumhe madad karne do behtar banne me.²⁶ Use aapki madad karne kee anumati do taaki aap tik sake, apne dukho ko “Masih ki khushi mein samaane de.”²⁷ Unke mission mein Unke saath shaamil ho jaao “toote hirday waalo ko changa karna,”²⁸ anyaaye ko kam karne ka prayaas karo, aur ek patthar pakadne waala ban jaate hai.²⁹

Hum gawahi deta hai ki Rakshak zinda hai. Woh anyaaye ko samajtha hai. Uske haatho ki hatheliyon ke nishaan lagaataar use aur aapki paristhitiyon kee yaad dilaate hai. Woh aapke sabhi sankato mein aapke saath hai. Jo log Uske paas aate hai, unke liye sundarta ka ek mukut shok ki raakh ko badal dega; khushi aur santushti dukh aur takleef ka jagah le legee; prashansa aur utsav hatotsaah aur niraasha ki jagah lega.³⁰ Swarg ke Pita aur Ishu Masih mein aapka vishwaas jitna aap kalpana kar sakte hai usse adhik puraskrt kiya jaega. Sabhi anyaaye—vishesh rup se anyaaye jo krodhit kare—aapke laabh ke liye rakkha jaega. Mai yeh gawahi deta hoon Ishu Masih ke naam se, amen.