Pōrīnetia farāni : Papa’ara’a parau o te ’Ēkālesia

3 nō Nōvema 1831 • Hiram, OhioE heheura’a tei fāri’ihia e Iosepha Semita ’ia pi’i i te tahi mau misiōnare nō te haere i te « mau motu nō te moana ».

23 nō Mē 1843 • Nauvoo, Illinois’Ua fa’ata’ahia Addison Pratt, Noah Rogers, Benjamin F. Grouard ’e Knowlton F. Hanks nō te poro i te ’evanelia i Vaihī.

30 nō ’Ēperēra 1844 • Tubuai, Tuha’a pae’Ua tāpae ’o Pratt, Rogers ’e Grouard i Tubuai, ’ua pohe ’o Hanks i roto i te tere. ’Ua anihia ’ia fa’aea e te ari’i Tamatoa, ’ua fa’aea mai ’o Pratt nō te poro i te ’evanelia, ’ua tere atu Rogers ’e Grouard i Tahiti.

16 nō Tiunu 1844 • Tubuai’Ua bāpetizohia ’o Ambrose Alexander, te melo fa’afāriu mātāmua i Pōrīnetia farāni.

22 nō Tiurai 1844 • Tubuai’Ua bāpetizohia ’o Nabota, Teri’i, Pauma ’e Hamoe---te ta’ata tahiti mātāmua i fa’afāriuhia i te ’Ēkālesia.

28 nō Tiurai 1844 • Tubuai’Ua ha’amauhia te ’āma’a nō Tubuai e Addison Pratt, ’ahuru ma hō’ē melo.

Mē–Setepa 1845 • Ana’a, Tuamotu’Ua poro ’o Grouard i ni’a i te motu nō Ana’a. ’Aita i maoro, ’ua ha’amauhia e pae ’āma’a, 620 melo.

3 nō Fepuare 1846 • Tuamotu’Ua ’āmui atu Pratt ia Grouard i Tuamotu, ma te ’āpe’ehia e Nabota ’e e Teri’i, i reira ’ua hau i te 850 melo fa’afāriu tei bāpetizohia.

24 nō Setepa 1846 • Ana’a’Ua ruru mai te mau melo o te ’Ēkālesia nō nā 10 ’āma’a i te ’āmuira’a mātāmua a te ’Ēkālesia i Pātifita nei.

1846 • Tahiti’Ua pi’ihia ’o Raveino, te peresibutero tahiti mātāmua, ’ia peresideni i te hō’ē ’āma’a.

28 nō Māti 1847 • Tahiti’Ua ho’i atu Pratt, ’ua fa’aea mai ’o Grouard, tei fa’aipoipo i te hō’ē vahine tahiti ’o Tearo, i Pōrīnetia farāni nei nō te ha’apa’o i te mau ’āma’a.

’Ātopa 1848 • Roto Miti, Utaha’Ua pi’ihia ’o Addison Pratt ’e 22 ta’ata, tei roto tāna vahine ’o Louisa ’e tā rāua nā tamāhine e maha, nō te tāvini i te mau motu Sōtaiete.

’Ēperēra 1851 • Tahiti’Ua oti te hāmanira’a o te Rava’ai, e pahī tā’ie nō te fa’auta i te mau melo i terā motu ’e terā motu.

16 nō Mē 1852 • Pōrīnetia farāniNō te rahi noa atura te fa’ahepora’a a te fa’aterera’a hau, ’ua fa’aru’e ’o Addison Pratt ’e tōna ’utuāfare ia Tahiti nō te ho’i i Utaha, ’e ’aita i maoro roa, ’ua pe’e ato’a atu te tahi atu mau misiōnare. ’Aita e misiōnare ’āpī tei tonohia i Pōrīnetia farāni nō te hō’ē tau e 40 matahiti.

Novema 1852 • Ana’aE pae feiā mo’a—’o Tefatina, Reifara, Maru, Mafeuta ’e Temutu—tei ha’apohehia e te fa’aterera’a farāni, ’e e rave rahi atu ā tei mau i te fare ’āuri i te tomora’ahia te hō’ē rurura’a a te ’Ēkālesia.

Mau matahiti 1860 ē 1870 • Tubuai ’e Tahiti’Ua ha’aputuputu te feiā mo’a ’ei mau pupu i Tubuai ’e i Tahiti, tei pi’ihia Ziona.

1867 • Pōrīnetia farāni’Ua marū ri’i mai te ha’avīra’a a te fa’aterera’a hau nō Pōrīnetia farāni i ni’a i te mau ha’apa’ora’a fa’aro’o, ’ua fa’ati’ahia te mau melo o te ’Ēkālesia ’ia ha’amori.

1881 • Ana’a’Ua fa’anahohia te hō’ē Sōtaiete Tauturu e Taoto, e ti’a fa’atere i reira.

27 nō Tēnuare 1892 • Papeete, Tahiti’Ua tae mai ’o Joseph W. Damron Jr. ’e ’o William A. Seegmiller i Papeete, e mau misiōnare i roto i te misiōni nō Hamoa tei tonohia e poro i te ’evanelia i Pōrīnetia farāni. ’A tahi fa’ahou rā te mau misiōnare feiā mo’a mai te matahiti 1852 mai ā.

’Ēperēra 1892 • Tahiti’Ua matara fa’ahou ā te misiōni nō te mau motu Sōtaiete, ’e ’o James S. Brown te peresideni.

1896 • Pōrīnetia farāni’Ua fa’anahohia te Ha’api’ira’a Sābati i roto i te mau ’āma’a ati a’e Pōrīnetia farāni.

13 nō Tītema 1903 • Pape’ete’Ua fāri’i te misiōni i te hō’ē mātini nō te ha’amau i te hō’ē piha nene’ira’a nō te nene’i i te mau mātēria a te ’Ēkālesia nā roto i te reo farāni, tahiti ’e peretāne.

1904 • Roto Miti’Ua nene’ihia te Buka a Moromona nā roto i te reo tahiti.

12 nō ’Ātopa 1906 • Pape’ete’Ua ha’amauhia te ’āma’a nō Pape’ete, ’e ’o Toae a Maire te peresideni.

10 nō ’Ēperēra 1907 • Pape’ete’Ua pūharahia Te Heheura’a Api, te ve’a mātāmua a te misiōni nā roto i te reo tahiti.

1 nō ’Ēperēra 1910 • Takaroa’Ua ha’amaita’ihia te fare purera’a nō Takaroa, te fare purera’a mātāmua i patuhia e te ’Ēkālesia i Pōrīnetia farāni.

’Ēperēra 1917 • Tahiti’Ua ha’amanahia te ’Ēkālesia e te fa’aterera’a hau nō Pōrīnetia farāni.

’Ātopa 1926 • Motu Tuamotu’Ua ha’amauhia te fa’anahora’a feiā ’āpī SAM i te mau motu Tuamotu.

19 nō Novema 1940 • Pōrīnetia farāni’Ua ’ōpani te misiōni nō Tahiti i te ha’amatara’a te Tama’i rahi II o te ao nei. Nā te mau melo iho i Tahiti i amo i te mau pi’ira’a peresideni ’āma’a ’e misiōnare.

3 nō Tiunu 1946 • Pōrīnetia farāni’Ua ho’i mai te mau misiōnare nō Amerika ’Apato’erau i Pōrīnetia farāni nei i te hopera’a te Tama’i rahi II o te ao nei.

22 nō Tēnuare 1950 • Pape’ete’Ua ha’amaita’i ’o Matthew Cowley nō te pupu nō te Tino ’Ahuru Ma Piti ’āpōsetolo i te hō’ē fare purera’a i Fari’ipiti ’e i te hō’ē fare misiōni i Pape’ete.

29 nō Tiurai 1950 • Pape’ete’Ua ho’o mai te misiōni i te Paraita, e pahī tā’ie 82 ’āvae te roa, nō te fa’auta i te mau melo, te mau misiōnare ’e te feiā fa’atere o te ’Ēkālesia i terā motu ’e terā motu.

18–20 nō Tēnuare 1955 • Pape’ete’Ua tere mai te peresideni David O. McKay ’e tāna vahine ’o Emma Ray, i Tahiti nei. ’O ’oia te peresideni mātāmua o te ’Ēkālesia tei tere roa mai i Pōrīnetia farāni.

7 nō ’Ātopa 1956 • Pape’ete’Ua ha’amata te misiōni nō Tahiti i te hō’ē fa’anahora’a hepetoma i ni’a ia Radio Tahiti.

Tītema 1963 • Hamilton, AotearoaHau i te 60 feiā mo’a nō Tahiti tei tere atu e 4 200 km (2 600 mi.) nō te haere i te hiero nō Hamilton (Aotearoa), ’o rātou ïa te mau feiā mo’a mātāmua nō Pōrīnetia farāni tei rave i te mau ’ōro’a i te hiero.

18 nō Setepa 1964 • Pape’ete’Ua ha’amaita’ihia te fare ha’api’ira’a a te ’Ēkālesia (École Primaire Élémentaire S.D.J) i Pape’ete.

1965 • Roto Miti’Ua nene’ihia Te Parau Ha’api’ira’a ’e te mau Parau Fafau nā roto i te reo tahiti.

14 nō Mē 1972 • Pape’ete’Ua fa’anahohia te titi nō Tahiti, te titi mātāmua i Pōrīnetia farāni nei, ’o Raituia Tehina Tapu te peresideni.

1982 • Pōrīnetia farāni’Ua ravehia te ha’api’ira’a ’evanelia (te Séminaire ’e te Institut) nō te taime mātāmua i Pōrīnetia farāni nei.

8 nō Mē 1994 • Pape’eteNō te fa’ahanahanara’a i te 150ra’a o te matahiti o te ’Ēkālesia i Pōrīnetia farāni nei, ’ua ha’amaita’i te peresideni Russell M. Nelson, ’ei melo nō te pupu nō te Tino ’Ahuru Ma Piti ’āpōsetolo i taua taime ra, i te fenua nō te porora’a ’evanelia

28 nō ’Ēperēra 2017 • Pape’ete’Ua hōro’a te feiā fa’atere o te ’Ēkālesia i te mau hōho’a putu’ite nō e rave rahi hānere matahiti tuatāpapara’a tupuna nā Pōrīnetia farāni nei, i te fa’aterera’a hau ’ia fa’aherehere-tāmau-hia te reira.