Vanuatu: Jos Histri

1950 • Vanuatu (Niu Hebridis)Long taem we Franis mo Inglis gavman i rul, smol long ol Lata- dei Sent blong Tonga, Samoa, Niu Silan, Ostrelia, mo Yunaeted Stet oli bin lego ples blong olgeta blong kam mo laef long taem we oli bin save long hem olsem Niu Hebridis. Long ol en blong 1950, samfala Lata-dei Sent famli blong Tonga oli bin muv i kam long Port Vila.

Julae 15, 1973 • Port Vila, VanuatuPort Vila Branj i bin stat, wetem Lanipotu Fehoko olsem presiden, be hem i mas gobak long taem ia from wan jenis long wok blong hem. Lokol memba Saikem Jackson i lidim kongregesen, we i mekem se oli stap mit long Kalabun Ges Haos.

Jenuware 12, 1975 • Port VilaOl Elda Mokofisi mo Malohifoʻou blong Tonga oli statem misinari wok long Niu Hebridis.

Julae 30, 1980 • VanuatuVanuatu i winim indipenden mo kasem wan niu nem.

1980–81 • VanuatuGavman i askem strong long ol misinari ovasi blong mas aot long kantri. Afta we ol misinari’ oli gobak long ol en blong 1981, ol lokol memba, we i gat tu Fred Massing, Jack Taso Hokau, Paul Hilliman, mo Edwin Basil, we oli tekem responsabiliti ia blong mekem misinari wok.

Ogis 1981 • VanuatuJack Taso Hokau oli bin singaotem hem olsem presiden blong Port Vila Branj.

1989 • VanuatuOli bin dediketem fas miting haos long Vanuatu.

1991 • VanuatuLokol Lata-dei Sent Edwin Basil i help blong winim tingting blong Praem Minista Maxime Carlot Korman blong save akseptem ol misinari long aotsaed long kantri blong kambak.

Julae 15, 1996 • Luganville, VanuatuLuganville Branj oli bin stanemap, wetem Berry Taravaki Vigouroux olsem presiden mo Nesline Toakuru olsem Rilif Sosaeti presiden. Long en blong yia ia, oli bin sastenem Nancy Fred olsem Praemeri presiden.

Julae 25, 1996 • Ambae, VanuatuAmbae Branj oli bin stanemap, wetem Livu Titus olsem branj presiden.

Oktoba 1998 • VanuatuTom mo Janet Tarohati oli stap olsem fas kapol blong Vanuatu we oli bin singaotem tufala blong go long wan misin. Tufala i givim seves long Vanuatu.

Septemba 2000 • Port VilaMoa long 100 yang adalt Lata-dei Sent long ol faef aelan oli kam tugeta blong fas yia yut konfrens.

2002 • Mere Lava, VanuatuMisinari wok i stat long aelan blong Mere Lava.

Jun 2003 • Port VilaPresiden blong Jos Gordon B. Hinckley i visitim Vanuatu mo i mit wetem ol memba.

Julae 2004 • Sol Lek Siti, Yuta, YSABuk blong Momon, oli bin pablisim long Bislama.

2005 • VanuatuAnda long Klin Wota Vanuatu Projek, Jos Yumaniterian Seves i givimaot 75 wota tank long Ambae, Espiritu Santo, Malekula, Banks, Pentekos, mo Ambrym.

Septemba 2005 • LuganvilleTri handred yang adalt we oli kam tugeta long Luganville from konfrens blong olgeta we i stap hapen wan taem nomo long evri yia. Oli visitim ol lokol kampani, we i gat tu kokonat prodaksen operesen, Fanafo haedro paoa stesen, mo abatua; oli bin atendem ol trening we i kam long ol lokol polis mo olgeta long helt dipatmen; mo oli lanem abaot ol tradisen blong lokol aelan kaekae.

2011 • Erakor, VanuatuOl Lata-dei Sent we oli stap longwe long aelan blong Erakor oli mekem ol miting haos we oli open, we i semmak long ol haos long taem blong ol paeonia.

Septemba 2, 2012 • Niu KaledoniaQuetzal Chorale, Rachel Guidi i daerektem mo komposem blong ol memba mo ol nonmemba blong Jos, oli singsing long festivol kwaea blong evri yia, “Les Voix du Sud,” long Katedral blong Madeleine.

Septemba 9, 2012 • Niu KaledoniaI bin gat fas stek konfrens long Niu Kaledonia. Abel Seiko oli bin singaotem hem olsem petriak.

Novemba 18, 2012 • Honiara, Solomon AelanHonorebol Gordon Darcy Lilo, Praem minista blong Solomon Aelan, i bin atendem Honiara Solomon Aelan Distrik Konfrens mo i toktok long wan kam tugeta wetem distrik presiden Matthew Sauseru mo ol nara lida blong Jos we oli visit long taem ia.

Maj 13, 2015 • VanuatuBigfala Saeklon Pam i hitim Vanuatu, we i prapa spolem gud ol aelan blong Efate mo Tanna mo spolem plante long ol Lata-dei Sent. Ol Jos memba oli wok blong bildim bakegen ol haos mo serem kaekae mo wota.

Jun 21, 2015 • Port VilaPort Vila Vanuatu Stek i bin oganaes, wetem Yvon Basil olsem presiden.

Maj 2016 • Port VilaIs Ekselensi Sir Baldwin Lonsdale, hed blong stet blong Vanuatu, i atendem wan Sandei blok blong ol Lata-dei Sent miting mo tu i mekem wan visit long famli histri senta.

Oktoba 2017 • LuganvilleLong wan nogud taem we volkeno i faerap i mekem 11,000 pipol i mas aot long aelan blong Ambae blong faenem wan sef ples, ol Lata-dei Sent blong Espiritu Santo oli bin givim ol miting haos blong olgeta olsem ples we oli save kam stap long hem.

Septemba 20, 2018 • Port VilaLong patnasip wetem gavman blong Vanuatu, ol ripresentativ blong Jos oli oganaesem “Village Health Worker Program” blong trenem 250 helt wokman blong ol sikis provins blong stopem mo blong luksave ol sik we i kamaot long fasin blong no stap kea long helt blong yumi.

Febwari 2021 • Malekula, Wala, VanuatuOl memba blong Wala Branj oli tekpat long wan dei blong givim seves, oli klinim ol sanbij long aelan blong Wala blong helpem lokol Presbiterian kongregesen we i stap rere blong holem wan konfrens.

Maj 2021 • Port VilaOl memba oli wok wetem Dipatmen blong Agrikalja mo Rurol Divelopmen blong givimaot ol trening long komuniti blong mekem garen kolosap long haos.