E Roko te Kukurei n te Ingabong

Tamnei

Tabeua te ririki n nako, te beeba ni kaongoraa i Salt Lake City e kaotinakoa te katanoata ibukin maten raoraou ae tangiraki ngkai e a roko ni iteran maiuna ae tamaroa. I kawara te tabo ni mate ao n reitaki ma te kurubu n aomata ake a ikotaki ni kaota aron aia rainanoanga [aia nanoanga] nakon buuna ao ataei aika akea tinaia. N te tai ae aki maan ao natina ae uarereke, Kelly, e kinaai ao e tau baiu inanon baina. “Nakomai irai,” e taku, ao e kairai neiei nakon te baoki ni mate are e wene iai rabwatan tinana ae rangi n tangiria. “I aki tang,” e taku, “ao ko na bon aki naba. A mwaiti taai are e tuangai tinau ibukin te mate ao te maiu ma Tamara are i Karawa. I natinaki iroun tinau ao tamau. Ti na manga bon ikotaki n te tai teuana.” E roko uringan taeka man Taian Areru n au iango: “Mai nanoni wiia ataei aika uarereke ma merimeri … ko kateimatoa korakoram ibukiia” (Psalm 8:2).

Rinanon maata aika maimai n te rannimata, I noora raoraou ae ataei ma tikiraoina ao ubuna ae on n te onimaki. Ibukin neiei, ma baina aika a uarereke ake e koona baiu, e na akea te bong ae na aki reke iai te kantaninga. E kamatoaki n ana koaua ae aki bwaka, n atakin ae te maiu e reitinako iaon te mate, neiei, tamana, mwanena, tarina, ao naake a tia n tibwaa te ataibwai ibukin te koaua ae tabu are e taekinaki nakon te aonaaba: “Tao e tang te aba ni kangaina, ma e kakatonga te aba n te ingabong” (Psalm 30:5).

Ma korakoran tamneiu ni kabane, I kakoaua ae maiu te Atua, bwa Natina ae Tatangiria bon te moan uaa ibukin te Mangauti, bwa ana euangkerio Iesu Kristo bon te oota ae raababa are e karaoa te bong ae ake iai te kaantaninga bwa te kakatonga n te ingabong.

Te rongorongo n Eberi 1976 man te maungatabu ni kabuta.