Akea Kantaningaan te Wewete

N te Kaonobong, Beberuare 7, 2004, I mena ma buu n te auti ni iruwa i Gijón i Spain meang, te tabo are I mwakuri iai bwa te beretitenti ibukin Spain Bilbao Mition. Ngke ti a tia ni katairiki, I tuoa au tareboon ibukin rongorongo ake I tuai n ongoraai. E kaotia bwa a tareboon mitinare. I ataia bwa antai ao I kotea te bwatin n tareboniia rikaaki.

A kaeka te tareboon mitinare, ao imwiin te marooro ae uarereke, I titirakinna bwa tera ae kainnanoia. E rangi ni miimi ao ni kaeka bwa e aki tareboniai. I tuangnga bwa e tauaki mwiin ana tarebon are e karaoi nakoiu, ma e kaokiokia bwa e bon aki tareboon.

Ti katoka ara marooro, ma imwiin nimaua te miniti e a manga tareboniai ao e taku, “Beretitenti, iai au kangaanga are I namakinna te aki mweeraoi iai, ao e riki bwa tabeaiangau. I tataro ao I bubutia te Uea buokau bwa N n ata te bwai ae N na riai ni karaoia. Akea au namakin bwa n na tarebooniko, ma ngke I bubutia te Uea bwa tera ae n na karaoia, ao koa tareboon naba. I rangi ni miimi ibukina bwa I bon aki tareboniiko. I ataia ae e tuangai te Uea bwa N na taetae nakoim n te tai ae waekoa.”

Ti taetae n te tai ae ti teutana, ao e a tia naba ana kangaanga.

Ngke I taetae ma ngaia uabong imwiina, I tuanga te unimwaane ngkana e a manga tarebooniai. “Tiaki, Beretitenti,” e kaeka, “anne ana mwakuri te Uea.” E kamatoa bwa ana tareboon e kaotia bwa e aki orea te namba, n ae tiaki nanona.

E tuangirira te Uea bwa ti na nanorinano, ao e berita nakoira bwa ngkana ti nanorinano, e na kairiira ni baina ao ni kaekai ara tataro (tara D&C 112:10). Aramwa e reireina natina ae Ereman ni kangai, “Reitaki ma te Uea n arom ni kabane, ao e na kairiko nakon ae raoiroi” (Alma 37:37). Ti riai ni karaoa nanon Tamara are i Karawa n te aro are tina namakina te rau are ti kainanoia n taai nako. Anne te wewete are e nanououa iai te kairake ni mitinare aei ni kaekaan ana tataro.