Reiakinan ana tua te Atua

Ai 10 kanoakina,” E takarua taman David nakoina. “Kairia aoti bwa a na katika te ka nakon te tabo ae rietata.”

David O. McKay tetei e tara te marae are e kotoia tamana. Ruaiwa are e moan katokaaki are a ikoikotia bon kanan te man ae aki bati n raoiroi. E ata ana baire tamana David bwa te ka 10 are te kabanea n tamaroa ni kanan te man e na nikiraki n ana auti ni kaiko bwai te bitiobe. Ma e aki oota bwa tera bukin ngkai aki angan te Uea kanaia maan are a bobootia.

E takarua David nakon tamana, “Tiaki, tina anaa kanaia maan te uteute are mena imwaira.”

E aki kaeka tamana. Iaon kawaina David ni kaoka ana taeka ngke e noora tamana bwa e tanrikaki n okiria. N te tai ae karina, ao e a toki te ang n te marae n uteute, ao te riringa e moana n roko kabuebuena. E kaoa te maono David mai ramana ao kamouna. E ataia ae tamana e aki rinanon te marae ni kaota ana tangira ao ana kariaia n ana kaeka ae aki raoiroi. E mwananga ni kawaina bwa e ana kakoaua raoi bwa Tawita e oota n te bwai ae karaoaki.

“Tiaki, Tawita.” E taetae tamana n te bwana ae matoa, ma raun ni bwanaana e karaoa David bwa e na rangi ni kakauongo nakoina. “Aio te ka 10 ni boota, ao ti te kabanea n tamaroa ae tau ibukin te Atua.” Taman David e taraia n rangi ni kaniia ni kakoaua bwa e na riai ni kakauongo. Ao e rairaki n touaa nako kawaina.

E oonga bawarena David ao e kairiia ana tiim n aoti nakon te tabo ae rietata. Ngke e kanoa ana kaa ni kanaia maan te uteute ake a koreaki, e moanna ni iangoa ana taeka tamana are e kataia n reireinna. Ngkai e ataia bwa te kabwianbwai bon te tua, n aron te ongeaaba ao te anga karea, e tangiria David ni karimoa kainnanoia ana utu. Ma te Atua e a tia n taku bwa ana uotaki aia karimoa aia nanai ni maan—aika kabanea n tamaroa—bwa e na Anganaki (nora Te Tua Kaua 12:6).

“E anga tamau ae tamaroa nakon te Atua, ao e reke nakoira are te kauoua n tamaroa,” e iangoia David. “Tao aio te anga are ti kona iai ni katea te Uea bwa boton ara iango ao maiura.”

Iai taai are Tawita e a tia n noora tinana ni kabwakaa te mwane ibukin ana kabwianbwai. E aki kabongana ni kaboa moa kainnanoia ao ni kaantaningaia bwa ngkana iai nikirana ibukin te kabwianibwai, ma e kanakoa naba n te tai arei tem wane ni kabwianibwai nakon te bitiobi ao imwiina e kataia ni karaoa are nikirana bwa e na tau. Te moan ao te tamaroa e anganaki moa te Atua n taai nako.

E raira ana kaa ma kanaia maan te uteute David ma n rinanon te kawai ae bubu nakon ana auti ni kaiko bwai te bitiobe. E buti nakon te kamamaataata ao e kabwaroa kanan te man. Bon te anga karea iroun tamana bwa e na anga te kabanea n tamaroa ni kanaia maan nakon te Uea, ma e ataia David bwa bon ti aei ae tangiria tamana. E tangira ni kan anga ana kabanea n tamaroa ibukin te Uea, n ai aron Tamana are i Karawa are anga Natina ae kororaoi ibukin te aonaaba.

A okirikaaki nakon mweengaia David ma ana tiim n aoti, e roko nakoina te namakin ae kakukurei. E kukurei n ana reirei tamana ibukin tuan te kabwianbwai. Bon te reirei ae na ururinga inanon bongin maiu.

E anaaki man Teachings of Presidents of the Church: David O. McKay (2003), xv. Beretitenti McKay (1873–1970) e beku bwa te ka-ruaman ni Beretitenti n te Ekaretia, man 1951 nakon 1970.

Tamnei

“Kabwakaan ara kabwianbai bon kaotan ae ti butimwaea te tua ibukin te anga karea. E katauraoira naba ibukin te tuan te anganano ao tuua riki tabeua aika rietaata tabeua ibukin te abanuea ae teretio.”

Unimwaane Dallin H. Oaks man Aia Kooram Abotoro ake Tengaun ma Uoman, “Kabwianibwai” Ensign, Meei 1994, 34.