O se faaaliga maoae

I Hanekeri, pe a faauu mai se vasega mai le aoga maualuga, matou te saunia ai se siva tele. E valaaulia uma ai faiaoga, matua, ma uo. O tagata o le vasega e saunia siva ma isi faafiafiaga. Ina ua ou faauu, sa talosagaina au e faia se faaaliga. Sa ou filifili loa e ta le piano. O se tasi o musika o musika e lua na ou filifilia e ta o se viiga a le Ekalesia. E tau le toatele ni tagata o le Ekalesia i Hanekeri, o lea na ou le faamoemoe ai e faalogologo ni tagata o le Ekalesia i lau faaaliga.

O le Aso Sa na sosoo ma le [aso] o le siva tele, na sau fiafia ai se uso i le lotu ia te au, ma faamalo mai, ma fai mai, sa latou faalogologo ma isi tagata o le Ekalesia, ma nisi o tagata sailiili i lau faafiafiaga. Na auai foi tagata le toaaga o le ekalesia i le siva tele ma faalogo ai o ou taina le viiga. Na tau mai e le uso le manaia o le faalogoina o le viiga i se gaoioiga e lei faatautaia e le Ekalesia, ma fai mai, na faamalosia ai molimau a i latou o e na auai.

Na ou iloa ai, e le mafai ona tatou iloa po o le a le taimi tatou te faia ai se faataitaiga lelei, ma e oo lava foi i gaoioiga faatauvaa, e mafai ona i ai se aafiaga tele i isi tagata.