OIN AM KAKOAUA IBUKIN TE TIA KAMAIU

Au kaantaninga bwa au bwabetito ngke te tei ngai ae 11 ana ririki e kanikinaea moan reken au kakoaua ibukin Teuare Ana Ekaretia are I kaainna. Man te tai arei ao e reke irou tangiran ae N na iriira ana reirei Iesu Kristo ao ni maiuakina tuan te euangkerio.

Reken au kakoaua ibukin Iesu Kristo bon te waaki ae waeremwe ao e tabe n rikirake man te kakaonimaki ni iriira wakin te Ekaretia. I aki toki n namakina korakoran Ana tangira ibukira rinanon tikiraoin bwaai aika maiu ni katobibira, ao aio e karekea irou te kakaitau Ibukina. I a tia n namakina ana kakoaua te Tamnei nakoiu n au tai n aki mamatam ao n tataro ao ni karekei kaekaan au tataro akekei, n ataakin ae Iesu Kristo bon te tia tei imarenara ma Tamara are i Karawa. I a tia ni kimwareirei n namakina ae I kaan ma Ngaia n au tai n nebonebo n te tembora n taai aika mwaiti.

I nanoni maiu e a tia n rikirake au kakoaua ao ni kakorakoraaki ni karokoa te bong aei bon akea te nanokokoraki n au iango bwa Iesu Kristo bon Natin te Atua—au Tia Kamaiu ao te Tia Kabooira. Te atatai aio e uota te rau n nano ao te rau.