BITAKIN TE NANO AE KORAKORA

Imwiin te reirei n neeti, I mwakuri n te onaoraki ibukia ataei ibukin tararuakia ake a kakaiaki. I a karekea to nano ni kan reirei ao ni karekei waaki n rabakau man au mwakuri, ni kaota au konabwai. I aki iangoia, bwa ngaia, ae na bon rangi ni kangaangauaitera n te waaki n rabwata ao n te iango. I aki kona n ota iai bwa e a kanga te aonaaba n rangi ni buakaka bwa ngkai a kona kaaro ni karaoi waaki ni kaikoaki aika kakaiaki nakoia oin natina. Ao n aki ataia naba bwa ibukin tera ngkai e kariaia te Atua bwa a na mate ataei. Imwin teuana te ririki ni mwakuri n te onaoraki, e a bon rootai te kua.

Imwina ao I ataia bwa kaain au utu a waakina te reireinaki irouia mitinare ibukia Aika Itiaki ni Boong aika Kaitira. I mwakuri inanon taai n tei aika abwabwaki ao n aki kona ni mena n te auti n tain karaoan taian reirei akanne. A waekoa ni bwabetitoaki tariu ao tinau. Ao I a namakinna ae I a tiku n ti ngai ma taian titiraki ao kangaanga ake aki kona ni kaetaki. E ngae ngkai au utu a kataia ni karekea au tai ni kaitibo ma mitinare, I bon aki kan nooria. Ma n te taina ngke a roko Titita Johnson ao Marchuk, I a ira aia marooro. Te tai are imwina, a reireinai taekan te reirei ibukin te maiu n tamnei, ao I a kona ni kunei kaeka nakon taian titiraki ake a tia n reke bwa au kangaanga inanon te tai ae abwabwaki. N te tai ae waekoa I a bon bwabetitoaki ao ni kamatoaki.

Man te tai are I a riki bwa kaain Ana Ekaretia Iesu Kristo ibukia Aika Itiaki ni Boong aika Kaitira, I a tia n namakina te boutokaaki man au onimaki iroun Iesu Kristo. I a tia n rinanon mani karekea te atatai n taai aika mwaiti ni kaineti ma mwaakan te tataro ao n namakinna ae nako man te ro nakon te ota. Onoua te ririki imwina n riki bwa te kaain te Ekaretia ao e a karekea nakoiu kamatoan te koaua ae bon au Tia Kamaiu Iesu Kristo. Ao ibukin Iesu Kristo, ngkai I karekea te tai are I a kaania riki Tamau are i Karawa.