MOʻUI ʻI HONO TAFAʻAKÍ

ʻI he taʻu nai ʻe nima kuo hilí, ne mafao mai ai ʻa e toʻukupu ʻo e ʻEikí kiate au, pea naʻe liliu ʻe he ongoongoleleí ʻa ʻeku moʻuí. Fakafetaʻi koeʻuhi ko ʻEne fakaleleí, naʻe huhuʻi ai au mei he ngaahi fili naʻá ku fai ʻi he kuo hilí pea lava ai ke u ongoʻi ʻa e mana ʻo e fakamolemolé ʻi hoku lotó.

Kapau ʻoku tau moʻui taau, ʻoku ʻiate kitautolu ʻa Sīsū Kalaisi mo Ne fakamālohia kitautolu ʻi he ʻaho takitaha. ʻOku ʻikai ngata pē ʻi hono fakamaʻa mo fakangaloʻi ʻetau ngaahi angahalá, ka ʻoku hā atu ʻa ʻEne māmá ʻi heʻetau moʻui fakatāutahá pea ʻi heʻetau ngāue maʻuʻanga moʻuí.

Ko Ia hotau Fakamoʻuí, ko e ʻAlo ʻo e ʻOtuá. ʻOku taʻefakangatangata ʻa ʻEne ʻofá. Kapau te tau moʻui ʻo fakatatau ki Hono finangaló, te tau ʻinasi ʻi Heʻene ʻofá pea maʻu ʻa e ʻamanaki lelei ke nofo fakataha mo Ia pea mo ʻetau Tamai Hēvaní ʻo taʻe ngata.