NE U ONGOʻI NAʻE FAKAHINOHINOʻI AU

ʻI heʻeku ngāue fakafaifekau ʻi Noaue heʻeku kei talavoú, naʻe fakatahaʻi ʻe heʻeku palesiteni fakamisioná e kau faifekaú ke fakahā mai kuo fai ʻa e kole ke mau hiva ʻi ha fakatahaʻanga ʻe ua ʻi hono fakatapui ʻo e Temipale Lonitoni ʻIngilaní ʻi he 1958. Naʻe kole mai ke u tā e meʻaleá.

ʻI heʻemau aʻu atu ki he temipalé, ne u ʻohovale ʻi hono talamai te u tā e ʻōkaní kae ʻikai ko e pianó. Naʻe ʻikai te u maheni he ʻōkani ko ʻení, ko ia ne u kole ke tokoni mai ha taha ʻi hono seti ʻo e ʻōkaní. Naʻe ongoʻi ʻe he Tamai Hēvaní ʻeku ngaahi kole tokoní, pea naʻe haʻu ha fefine ʻo tokoni mai ʻi hono seti ʻo e ʻōkaní ki hano tā ha fasi talitali leʻosiʻi pea ki he hiva ʻa e kuaeá.

Neongo ʻeku ongoʻi faingataʻaʻiá, ka naʻá ku maʻu ha ongoʻi nonga. Pea ʻi heʻeku tā he ʻōkaní ʻa e fasi naʻe ʻikai te u ʻiloʻi pea teʻeki ke u ako ki muʻa, ne u ongoʻi hono fakahinohinoʻi au ʻe he ʻofa ʻa e Fakamoʻuí. Hili e foʻi hiva ʻe taha ʻa e kuaeá, naʻe hanga atu ʻa Palesiteni Tēvita O. Makei ki heʻemau palesiteni fakamisiona peá ne pehē ange, “Fakaʻofoʻofa ʻaupito.” Ne u ongoʻi ʻa e māfana ʻi hono faitāpuekina kimautolu ʻi heʻemau hivá. Naʻe ʻikai ha meʻa ʻe taha te ne maumauʻi ʻemau hivá.

Ko Sīsū ʻa e ʻAlo ʻo e ʻOtuá, ko e ʻAlo pē Taha ʻo e Tamaí naʻe Fakatupú. Ko Ia ʻa e Mīsaia māʻoniʻoní, ko e Pilinisi ʻo e Melinó. ʻOkú Ne moʻui pea te Ne toe hāʻele mai.