ʻĀKILOTOA ʻE HE ʻALOʻOFA ʻA E FAKAMOʻUÍ

Sūsana Lanitī, ʻIutā, USA

Kuó u fāinga ʻi hono kotoa ʻo ʻeku moʻuí mo e ongoʻi taʻemalavá mo e ongoʻi taʻe feʻunga ke fai ha meʻá. Ka ʻi he ongoongolelei ʻo Sīsū Kalaisí kuó u ʻiloʻi ai ʻa e founga ke fakangataʻaki ʻa e ngaahi ongo pehení.

Tupu mei he Fakaleleí, ʻoku mahino ki he Fakamoʻuí ʻa e ngaahi meʻa ʻoku ou tailiili ki aí, pea ʻokú Ne fakafiemālieʻi au ʻo fakafou ʻi he Laumālie Māʻoniʻoní. ʻOkú Ne ʻafioʻi hoku ngaahi vaivaí pea ʻokú Ne tokoniʻi au ke u lavaʻi ia. Kuo teʻeki ai ke Ne tuku au ke u tuēnoa, ka kuó Ne fakamālohia au mo fakaava hake hoku lotó.

Mahalo he ʻikai pē ha taimi ia te u aʻu ai ki he ngaahi tuʻunga moʻui ʻa e māmaní, ka ʻoku ou ongoʻi ʻoku ʻi ai hoku mahuʻinga, ʻoku ou ʻaonga, pea ʻofeina au ʻi he taimi ʻoku fai ai hoku lelei tahá ke u moʻuiʻaki e ngaahi akonaki ʻa Sīsū Kalaisí.