AKÓ
Ngaahi Palani ki he Kahaʻú
Teuteu ke hoko ko ha tākiekina leleí ʻi he māmaní. Ako pea loto vēkeveke ke ako. ʻAlu ki he seminelí.
ʻI heʻeku foki mei he ngāue fakafaifekaú ne lahi e ngaahi meʻa ne u ʻamanaki ki ai fekauʻaki mo e maʻu haʻaku ngāue maʻuʻanga moʻui. Neongo ne u ʻosi ngāue ki muʻa ka naʻe ʻikai haʻaku taukei, ko ia ne u fai e meʻa ne u lavá ke maʻu haʻaku ngāue, ka naʻe ʻikai pē ke u ongoʻi fiemālie ki ai pea ne ʻikai te u lava ʻo sio ki ha fakalakalaka ʻi hoku kahaʻú.
Naʻá ku fakaʻamu maʻu pē ke u ako, ka naʻe ʻikai te u lava ʻo totongi ʻeku akó pea ʻikai foki lava ke tokoni mai hoku fāmilí.
ʻI he kamata ʻa e Paʻanga Tokoni Fakaako Tuʻumaʻú, ne u ʻilo ko ha faingamālie ia ke liliu ai hoku kahaʻú. Naʻá ku fakafalala ki heʻeku Tamai Hēvaní ke Ne tokoniʻi au, ko ia ne u fili ʻa e lēsoni ke u akó ʻo fakatatau mo ʻEne ueʻí.
Ne u fili ke u ako neesi. Naʻe fuʻu fie maʻu ki ai ha ako mo ha mateaki ʻoku lahi. Ka naʻá ku manako lahi ʻi he ngāue fakanēsí. Hili pē ha māhina ʻe tolu mei he ʻosi ʻeku akó, naʻe lava ke maʻu haʻaku ngāue ʻi he taha ʻo e ngaahi falemahaki lelei taha ʻi ʻAlakoa ʻi Palāsilá.
ʻOku lahi ʻeku ngaahi palani ki he kahaʻú. ʻOku ou palani ke hoko atu ʻeku ako nēsí, pea kuó u ʻosi kamata totongi fakafoki ʻeku noó koeʻuhí ke lava ke maʻu ʻe ha niʻihi kehe ʻa e faingamālie ke ako mo maʻu e ngaahi tāpuaki ʻokú ne ʻomí.