“Ko ha taimi fakaʻofoʻofa ʻeni ke tau moʻui ai ʻi he māmaní. ʻOku ʻikai ha ngataʻanga ʻo e ngaahi faingamālie ʻoku tau maʻú. Neongo ʻoku fehālaaki ha ngaahi meʻa ʻe niʻihi ʻi he māmaní he ʻahó ni, ka ʻoku lahi pē mo e ngaahi meʻa ʻoku leleí, hangē ko e kau faiako ʻoku nau faiakó, kau faifekau ʻoku nau malangá, ngaahi nofo mali ʻoku iku leleí, ngaahi mātuʻa ʻoku nau feilaulaú, pea mo e ngaahi kaumeʻa ʻoku tokoní.

“Te tau lava ke fakaleleiʻi kitautolu, pea pehē ki he niʻihi kehé foki, ʻi he taimi ʻoku tau fakafisi ai ke nofo mo ha fakakaukau koví pea tau fakatupu ʻi hotau ngaahi lotó ʻa e ʻulungāanga ʻo e loto fakamāloó. Kapau ʻe lau fakataha ʻa e loto taʻe fakamāloó mo e ngaahi angahala mamafá, tā ʻe lau fakataha leva ʻa e loto fakamāloó ia mo e ngaahi ʻulungāanga fakaʻeiʻeiki tahá… .

“… Tau fakahā ʻa e loto fakamālō ki hotau ʻEiki mo hotau Fakamoʻui ko Sīsū Kalaisí. ʻOku ʻomi ʻe heʻene ongoongolelei nāunauʻiá ʻa e ngaahi tali ki he ngaahi fehuʻi lalahi taha fekauʻaki mo e moʻuí. Naʻa tau haʻú mei fē? Ko e hā hono ʻuhinga ʻoku tau ʻi heni aí? ʻOku ʻalu ki fē ʻa hoku laumālié ʻi he taimi te u mate aí?”

Palesiteni Tōmasi S. Monisoni, “Ko ha ʻUlungāanga ʻo e Loto Fakamālō,” Liahona, Mē 2000, 4, 8.