Te mauruuru nei au no te Liahona i roto i to‘u nei oraraa. Te faaohipa nei to‘u utuafare e o vau nei i te Liahona i roto i te mau haapiiraa no te pureraa pô utuafare e no te tauturu i te feia e imi nei i te parau mau no ni‘a i te Ekalesia. Te tauturu rahi nei ihoa ra te Liahona ia‘u i te haamaitairaa ia‘u iho. Te ite nei au na roto i te mau aamu i te hoê hinaaro rahi ia rave maitai atu â i te ohipa, e te rave nei au i te mau fâ mai te au i te mau haapiiraa tei horo‘ahia i roto i te mau aamu. Te here nei au i te evanelia a Iesu Mesia tei faaho‘ihia mai e te ravea ta’na e horo‘a nei ia tatou no te haamaitai atu â ia tatou i te mau mahana atoa.

Ua riro te Liahona ei haamaitairaa rahi, e te oaoa rahi nei au i te tai‘oraa i te reira. I te tahi mau taime te pûpû nei au i te Liahona ei tao‘a aroha ia nehenehe i te tahi atu mau taata ia ite i te ohipa varua na roto i te tai‘oraa i te reira. E mea au roa na‘u te a‘oraa a te peresideni Thomas S. Monson i roto i te mau api a te mau tamarii i roto i te ve‘a no Eperera 2008 tei piihia « E toru na E’a Turu ». E mea faufaa rahi roa no tatou te mau mea atoa ta’na i parau mai ia tatou ia ite i te hau varua e ia ora i te hoê oraraa mai te au i te mau faaueraa a te Fatu. Ua riro te Liahona ei tai‘oraa faahiahia e tei î i te varua.