Haapiiraa no roto mai i te peropheta Iosepha Semita

Te hoê o ta matou pureraa pô utuafare au-roa-hia o te hautiraa taata ora ïa o te aamu no Iosepha Semita e te Orama matamua. Ua faati‘a vau i te aamu ; e e hauti ta‘u mau mootua, ma te rave i te tuhaa o te orometua e o Iosepha. Ua peni vau i te tahi mau tumu raau no te faahoho‘a i te uru raau e tapiri atu i ni‘a i te papa‘i i roto i te poro o te piha, e te tahi mau faaiteraa no te parau « orometua » no te mau orometua, e te hoê parahiraa e te hoê Bibilia na « Iosepha » no te tai‘o.

E parau te orometua tata‘itahi ia Iosepha, « O ta‘u te ekalesia mau. A amui mai i ta‘u ekalesia, e Iosepha ». E e parau atu Iosepha, « aita vau i ite », aore râ, « e ti‘a ia‘u ia feruri i ni‘a i te reira ». I muri a‘e i to te taato‘araa o te mau orometua parauraa’tu ia Iosepha, e parahi o Iosepha i ni‘a i te parahiraa e e tai‘o oia ia Iakobo 1:5 ma te reo puai. I muri iho ua haere atu oia i te « uru raau » e ua tuturi no te pure. Aita roa hoê e rave a‘e i te tuhaa no te Metua i te Ao ra aore râ no Iesu Mesia, e ua faaea faatura noa matou i to « Iosepha » haereraa i te uru raau no te pure. Ua hauti te tamarii tata‘itahi i te tuhaa a te orometua e a Iosepha.

I muri iho e aparau matou no ni‘a i te mea ta Iosepha i haapii mai no roto mai i te orama matamua, nahea tatou e farii ai i te mau pahonoraa i ta tatou mau pure noa’tu e aita tatou e ite i te mau orama, e nahea te mau papa‘iraa mo‘a e arata‘i ai ia tatou.