Ako mapasalamaton kaayo niining talagsaon nga magasin ug sa mga pagpamatuod, bag-ong mga impormasyon, mga pagpasabut kabahin sa mga kasulatan, ug materyal alang sa pagtudlo sa mga leksyon niini. Daghang mga higayon dihang ako adunay mga pangutana sa Langitnong Amahan, ako gidala sa Espiritu Santo ngadto sa Liahona, diin ako nakakita og mga tubag sa akong mga pangutana. Ako malipayon kaayo nga modawat sa matag isyu.

Ako ganahan kaayo sa Liahona, ug ang akong bana ug ako adunay lima ka subskripsyon sa matag higayon. Among gigamit ang sobrang mga magasin isip mga gasa ngadto sa among mga silingan. Usa namo ka silingan miingon kanako nga kon siya mouli sa balay nga gikapoy ug masulub-on gikan sa trabaho, kini nakapalipay kaniya nga makakita sa magasin sa iyang mailbox. Ako nasayud nga ang tanan nga anaa sa magasin dinasig—gikan sa mga mensahe sa General Authority ngadto sa mga istorya gikan sa mga miyembro—ug ang pagbasa niini naghatag kanako og kahibalo ug mga panalangin ug kini nagtabang kanako nga makaangkon og gugma ug pagsabut ngadto sa akong mga kaigsoonan.