Mga Ideya sa Family Home Evening

Kini nga mga sugyot sa pagtudlo gihatag aron sa paghatag kaninyo og mga ideya. Inyong mapahaum kini sa inyong pamilya.

“Ang mga Panalangin sa Templo,” p. 12: Ipakita ang litrato sa usa ka templo. Ibutang ang litrato sa pamilya atbang sa litrato sa templo diha sa kwarto. Sa inyong pag-summarize sa artikulo, balhina ang litrato sa pamilya paduol sa templo. Pangutan-a ang mga sakop sa pamilya kon unsay ilang bation kon ang pamilya moabut na sa templo. Basaha ang Doktrina ug mga Pakigsaad 109:7–23, mangita og dugang nga mga paagi sa pag-andam alang sa templo ug sa mga panalangin nga moabut pinaagi sa pagtambong sa templo. (Tan-awa sa pakigpulong ni Silvia H. Allred, “Balaan nga mga Templo, Sagrado nga mga Pakigsaad,” gikan sa Oktubre 2008 nga kinatibuk-ang komperensya.)

“Ako? Usa ka Magbalantay sa Israel?” p. 30: Basaha ang seksyon “Pagdala Nila og Balik,” ug hisguti sa unsa nga paagi kita mahimong magbalantay sa uban. Isip usa ka kalihokan alang sa gagmay nga mga bata, pagpuli-puli sa pagtago ug sa pagpangita alang sa usag usa sama sa usa ka magbalantay nga nangita sa nawala nga karnero. Paghunahuna og mga tawo nga imong matabangan nga makabalik “ngadto sa panon.” Tapusa pinaagi sa pag-ampo alang sa giya unsaon sa pagtabang kanila. (Tan-awa sa pakigpulong ni Elder Eduardo Gavarret, “Pagsimba og Balik,” gikan sa Oktubre 2008 nga kinatibuk-ang komperensya.)

“Magsugod pinaagi sa Pag-ampo,” p. 40: I-summarize ang importante nga mga punto gikan sa artikulo. Basaha og usab ang unang paragrap sa seksyon “Usa ka Tawo nga Mahimong Kasultihan.” Hangyoa ang mga sakop sa pamilya sa pagpakigbahin sa mga panahon sa dihang sila nalig-on pinaagi sa pag-ampo sa pamilya. Sa pagpasabut og maayo sa kaimportante sa pag-ampo alang sa uban, hunahunaa ang pagbasa sa katapusang tulo ka mga paragrap sa pakigpulong ni Elder David A. Bednar, “Pag-ampo Kanunay,” gikan sa Oktubre 2008 nga Kinatibuk-ang Komperensya.

“Ang Milagro sa Tortilla,” p. H6: Basaha ang istorya, ug hisguti ang mga hagit nga giatubang sa pamilyang Raoul samtang sila nangandam sa pag-adto sa templo. Hunahunaa ang paghimo og mga tortillas isip usa ka pamilya o nag-akting sa mga pamaagi sa paghimo og mga tortillas, gikan sa pagtanom sa mais ngadto sa pagbaligya sa mga tortillas ngadto sa mga turista. Tapusa pinaagi sa pagbasa sa kinutlo ni Elder Dennis B. Neuenschwander.