O Se Asiasiga i le Lotoa o le Malumalu
Feiloai i le Peresitene Aoao o le Peraimeri
O mai tatou o i le masina lenei e matamata i se nofoaga taua i le Lotoa o le Malumalu.
Na sau Ema K. mai Midvale, Iuta, e asiasi ia Sister Cheryl C. Lant, o le peresitene aoao o le Peraimeri. Sa talanoa Ema ma Sister Lant e uiga i le faamoemoe o le Peraimeri a o la matamata faataamilo i le Maota o le Aualofa. O Le Maota o le Aualofa o loo i ai ofisa o le au peresitene aoao o le Peraimeri, Tamaitai Talavou, ma le Aualofa. O loo i ai ni faaaliga matagofie e uiga i le faamoemoe ma le talafaasolopito o nei faalapotopotoga.
“O a ni mea lelei o loo faia e tamaiti o le Ekalesia?” o le fesili lea a Ema.
“O se tasi o mea aupito lelei o loo latou faia o le aoao lea mai a latou tusitusiga paia,” na fai atu ai Sister Lant. “O Aso Sa uma lava matou te vaai ai i tamaiti o aumai a latou tusitusiga paia i le Peraimeri. Latou te susueina, latou te faitauina, ma o loo latou aoao sao mai lava i afioga a le Alii i mea ua finagalo o Ia latou te faia.”
“O le a se mea ua e faamoemoe e mafai ona latou aoao e fai soo?” na fesili atu ai Ema.
“E tatau ona tatou agalelei atili atu i o tatou tuagane ma uso, i o tatou matua, i a tatou uo, ma i tagata uma o le lalolagi,” o le tala lea a Sister Lant.
Sa faaali atu e Sister Lant ia Ema se atavali o Iesu ma tamaiti. “E mafai ona e mafaufau pe aisea ua avea ai lena mea ma ata e sili ona ou fiafia ou te vaavaai i ai i aso uma pe a ou sau i lo’u ofisa?” na ia fesili ai.
“Atonu ona o loo faaalia ai le alofa o Iesu mo tamaiti,” na fai atu ai Ema.
“E sa’o lena,” na fai atu ai Sister Lant. “I le Peraimeri, o le mea e sili ona taua matou te mananao e aoao atu i tamaiti o le, e alolofa le Tama Faalelagi ma Iesu Keriso ia i latou. O tamaiti uma lava o loo i lenei ata e o mai mai atunuu eseese, ua fai i latou ma faatusa o tamaiti uma o le lalolagi atoa. E alolofa le Tama Faalelagi ma Iesu ia i tatou uma, e tusa lava po o fea tatou te nonofo ai. O i tatou uma o Lana fanau.” ◼
Na faaali atu e Sister Lant ia Ema ni ata se fa o loo faaalia ai le taimi na faamanuiaina ai ma tatalo ai le Faaola mo tamaiti sa Nifae ina ua mavae Lona Faasatauroga. Na o mai agelu mai le lagi ma siosiomia tamaiti. “A aoao tamaiti e uiga ia Iesu Keriso, o le a latou iloa le mea e tatau ona latou faia ina ia latalata atu ai ia te Ia ma maua le filemu,” o le tala lea a Sister Lant.
Sa ta’u atu e Sister Lant ia Ema o le Peraimeri muamua lava i le 1878 e sili atu ma le 200 tamaiti na i ai. O le taimi nei, ua sili atu ma le tasi le miliona tamaiti o le Peraimeri i le lalolagi atoa!
A o laitiiti ma i ai Sister Lant i le Peraimeri, sa ia faaaogaina se fusi e pei o lea o loo faaali atu iinei. Afai e uma ana sini, na te maua se pine mo lana fusi. O aso nei, o loo auai tamaiti o le Peraimeri i le polokalama o le Faatuatua i le Atua.
O le atavali O Keriso ma Tamaiti mai le Lalolagi atoa na saunia e Del Parson o loo tautau i le ofisa o Sister Lant. E fiafia Sister Lant ma ona fesoasoani o Sister Margaret S. Lifferth ma Sister Vicki F. Matsumori, e vaavaai i le ata vali.
Ata na pueina e Welden C. Andersen, vagana ai ua faaalia; o fafo o le Maota o le Aualofa na saunia e John Luke; ata o le bandlo na pueina e Craig Dimond; ata o le au peresitene aoao o le Peraimeri © Busath.com; ata tusi o le faafanua ma aikona na saunia e Dilleen Marsh; O Le Fonotaga Muamua a le Asosi o le Peraimeri, na saunia e Lynn Fausett ma Gordon Cope, © IRI