ʻOku ou saiʻia ʻi he fōtunga foʻou ʻa e Liahoná. ʻOku ou saiʻia ʻi he founga ʻoku fokotuʻutuʻu ʻaki ʻa e ngaahi fakamatalá ʻo fakatatau ki he toʻú, tautautefito ki he konga ʻa e toʻu tupú, ʻa ia ʻokú ne tokoniʻi lahi aú. ʻOku ou saiʻia ʻi he ngaahi konga foʻoú, tautautefito ki he konga Toe Lahi Ange ʻi he ʻInitanetí. ʻOku ou ʻamanaki lelei atu ki ha taʻu makehe!

ʻI he ʻaho ní naʻá ku ongoʻi mālohi ʻa e Laumālié ʻi heʻeku lau ʻa e Liahona foʻoú. Ko e palesiteni Finemui au, pea ʻi heʻeku vakai ki he fokotuʻutuʻu foʻoú, naʻá ku sio ki he tokanga lahi ʻa e Tamai Hēvaní ki he toʻu tupú, ʻi he ʻi ai he taimí ni ha konga ʻoku fakatefito pē maʻanautolu. ʻOku ou ʻiloʻi ʻe ʻaonga ʻa e ngaahi liliu ko ʻení ki hoku ʻapí, ki heʻeku kau finemuí, mo e kāingalotu kotoa pē ʻi māmaní.

ʻI he ngaahi taʻu kuohilí naʻá ku liliu kotoa ʻa e ngaahi makasini ʻa e Siasí naʻá ku maʻú ki he Liahoná. Naʻá ne ʻomai ʻa e lelei taha ʻo e ngaahi makasiní hono kotoa pea mo ha vakai ʻoku lahi ange mo fakaemāmani lahi. Ka naʻe fakapuputuʻu ʻa e anga hono fokotuʻutuʻú.

ʻI he taimi ní ʻi he Liahona foʻoú, kuo fakaleleiʻi ʻa ʻeku ngaahi hohaʻa ki hono fokotuʻutuʻú, pea ʻoku toe lelei ange ʻa e meʻa ʻoku tokanga taha ki ai ʻa e kakanó pea toe fakamatalaʻi. ʻOku toe hokohoko he taimí ni ʻa e Liahoná ko e konga ʻo ʻeku ako fakatāutaha ʻa e ongoongoleleí.