Mehn Kaweid en Sewese Kitail Kolahng Nihmwo

Ia pahn duwen ahmw pepehm ma komw salongala oh sohte ese duwen pwuralahng nihmwomwo oh ahmw peneinei? Komw pahn pereniki ma komw kak idawehn emen me kak kasalehieng komwi ahlo? President Eyring mahsanih me Pwuken Mormon duwehte mehn kaweid me kak seweseikitail pwurala nihmwo rehn Sahm Nanleng.

Me sansal pah iei ekei soahng kan me Pwuken Mormon kin padahkihieng kitail me kitail anahne wia pwehn pwurala nihmwo. Wadek 2 Nephi 31:10, 11, 20. Pahnangin ehuehu ire kan pah, ntingihdi iretikitik me pwungo sang Pwuken Mormon. Komw pahn anahne doadoahngki ehu ire tikitik kan pak riau.