Pwuken Mormon ni duwen Mehn Kaweid ong Emenemen

Kitail koaros kin pehm, nan ansou kan me keieu mwahu, ineng en pwurala nihmwo en mour rehn Koht. E ketikihieng kitail kisakis en Sapwellime Iehros Kempoake ni duwen atail Sounkomour pwehn kasalehda ahlo oh padahkihieng kitail duwen idawehn. E ketikihieng kitail soukohp en idihieng kitail ahlo. Soukohp Joseph Smith kamarainki en kawehwe rekohd en soukohp akan me iei Pwuken Mormon. E wia atail mehn kaweid koapwoaroapwoar ong ahlo kolahng nihmwo rehn Koht.

Joseph Smith mahsanih duwen pwuhk kesempwalo, “I ndahieng ohloko me Pwuken Mormon iei me keieu pwung nanpwungen pwuhk koaros pohn sampah, oh takain katengteng kesempwal en atail lamalam, oh ohl emen pahn kerenlahng Koht sang ni kapwaiada audepe padahk kan, sang sohte lipilipil ehu pwuhk tohrohr.”¹

Padahk kan en Pwuken Mormon iei kosonned akan en Koht me kitail kin diar loale. Ekei iei kosonned me kohsang Sounkomouro sang Sapwellime soukohp akan me pid dah me kitail en wia oh dah me kitail en wiahla. Pwuken Mormon kihieng kitail karasaras en Sounkomouro pwehn kalaudehla atail pwoson oh ngoang en peikiong Sapwellime kosonned en idawehn Ih. Pwuhko audaudki padahk kan en Krais pwehn kaweid kitail. Met iei ehu karasaras sang 2 Nephi:

“[Sises] mahsanihieng nein aramas serihkan: Kumwail idaweniehdo. Eri, riei ohl kempoake kan, kitail kak idawehn Sises likin atail pahn ngoangki en idawehn kosonned akan en Sahmo?

“Oh Sahmo ketin mahsanih: Kumwail koluhla, kumwail koluhla, oh pepdaisla ni mwaren nei Pwutak Kempoakeo” (2 Nephi 31:10–11).

Pwuhko kin kasalehda ni sansal me kitail anahne alehdi Ngehn Sarawi ni duwen pepdaiski kisiniei pwehn seweseikitail mihmihte pohn ahl inen oh tehtiko. Kitail padahngki me kitail anahne kapakap ansou koaros ni mwaren Krais, sohte luwet, oh me ma kitail wia met, kitail pahn ahniki inou wet: “Eri, kumwail en nantihla mwowe ni amwail tengediong rehn Christ, sang ni koapwoaroapwoar unsek, oh poakehng Koht oh aramas koaros. Eri, ma kumwail pahn nantihla mwowe, pereniki mahsen en Christ, oh dadaurete lel imwi, kilang, iet me Sahmo mahsaniher: Kumwail pahn ahneki mour soutuk” (2 Nephi 31:20).

Pwuken Mormon kin wiahda en sansal nan kapahrek kaselel en Nanmwarki Benjamin ia wehwehn poakoahng Koht oh aramas koaros. Ni ansou me mwomwatail kan kin wengkihla manaman en Tomwo oh sang atail peikiong ni loaloapwoatehng kosonned akan, kitail pahn audaudkihda limpoak en Koht, (tehk Mosiah 4:1–12).

Pwuken Mormon pil kin kihieng kitail koapwoaroapwoar me kitail kak mwakelekelkihda ni unsek nan mour wet me kitail pahn sohte ahniki ineng en wia me suwed (tehk Mosiah 5:2). Koapwoaroapwoar wet kin kakehlailih oh kaloalamwahuih kitail ni Sehdan eh kin song en kasongosongih oh kaluweteikitail nan atail ahl.

Ehuehu ansou me I kin wadek mehnda ma ekeite ire kan nan Pwuken Mormon, I kin kehn me ahi kadehde kin kakehlailda me pwuhk wet mehlel, me Sises iei Krais, me kitail kak idawehn Ih kolahng nihmwo, oh me kitail kak wahda irail akan me kitail poakohng en iang kitail kolahng nihmwo. E wiawiher ong ie pwuhk en pwuhk kan. E wia mahsen en Koht.

I kapakapki me kitail oh irail akan me kitail poakohng pahn nim loal oh rahn koaros sang met. I kadehde ni mwaren Sises Krais me e wia mehn kaweid mehlel.