I lo’u aiga o loo i ai lo’u tina ma lo’u tama, o a’u, o lo’u tuagane laitiiti e toatasi, ma lo’u uso laitiiti e toatasi. Ou te alofa tele ia te i latou. O le mea ou te fiafia lava i ai pe a ave i matou e lo’u tama e faatafafao. E fai e lo’u tama panikeke mo au i taeao uma ona ave lea o au i le aoga. Ou te kukaina foi fuamoa falai mo lo’u tina. Ou te faafetai na aoaoina au e lo’u tama ia iloa kuka. Ou te faamoemoe ia mafai ona faatasia lo’u aiga e faavavau. Ou te fia suesue i tusitusiga paia, tatalo i aso uma, ma tausi poloaiga ina ia mafai ona ou ausia na sini.

O au o le ulumatua o le fanau e toafa. Ou te fiafia lava e fesoasoani i lo’u tina i tamaiti laiti, o le 4 tausaga, 2 tausaga, ma le 11 masina le matua. Ou te usuina ia i latou pese o le Peraimeri. O le pese latou te fiafia lava i ai o le “O Au o se Atalii o le Atua.”

Fai mai lo’u tina o a’u o lana “vaafaaola.” Ou te matua fiafia pe a ia ta’u maia ia te au lena mea, aua na te faia mea uma mo nai o’u tei ma au. O le iloaina e mafai ona ou fesoasoani atu ou te lagona ai lo’u latalata atili atu i le Agaga.

O afiafi faaleaiga i lo matou fale e matagofie tele. E fesoasoani matou te lagona ai le latalata atu i le Tama Faalelagi.