Ko Hono Fakaafeʻiʻo Sēkopé

Tangataʻeiki, ʻe lava ke u fakaafeʻi ʻa Sēkope ki he lotú he ʻahó ni?

Ko ha fakakaukau lelei ia, ʻĒliki. Te u telefoni ki hono ʻapí ke ke lea ki ai.

Naʻe talamai ʻe heʻeku faʻeé ʻe lava ke ta ō ki he lotú!

Sai ʻaupito!

Naʻe fiefia ʻa ʻĒliki mo Sēkope he lotú. Naʻá na ako kau ki he lotú mo hivaʻi ha ngaahi hiva lolotonga e taimi feʻinasiʻakí. Naʻe fiefia ʻa ʻĒliki heʻene fakaafeʻi ʻa Sēkopé.

Naʻe toe telefoni pē ʻa ʻĒliki kia Sēkope he uike hokó.

Te ke fie haʻu mo au ki he lotú he ʻahó ni?

ʻIkai, ʻikai ko e ʻahó ni. Te u ʻalu au ʻo vaʻinga ʻi he ʻapi ʻo ʻeku kuifefiné.

Sai pē.

Te ta ō ʻo ʻomai ʻa Sēkope he ʻahó ni?

ʻIkai, naʻá ne talamai ʻoku ʻikai fie haʻu ia he ʻahó ni.

Ko e hā leva hoʻo ongo ki aí?

ʻOku ou kiʻi loto mamahi.

Kātaki pē ʻi hoʻo loto mamahí. Manatuʻi ʻoku tuku mai ʻe he Tamai Hēvaní ke tau fili kotoa pē maʻatautolu. Mahalo pē te ke toki lava ʻo fakaafeʻi mai ʻa Sēkope ʻi ha taimi kehe.

Tangataʻeiki, ʻe lava ke u fakaafeʻi mai ia he uike kahaʻú?

ʻIo ʻe lava. Ko ha kaungāmeʻa lelei koe.

Naʻe toe telefoni ʻa ʻĒliki kia Sēkope he uike hono hokó.

Te ke fie ʻalu mo au ki he lotú he ʻahó ni?

ʻIo.

Naʻe fiefia ʻa ʻĒliki heʻena toe ō mo Sēkope ki he lotú. Naʻe ʻiloʻi ʻe ʻĒliki naʻe lava pē ke fili ʻa Sēkope pe naʻe fie ʻalu ki he lotú pe ʻikai, ka naʻá ne fakakaukau ke fakaafeʻi maʻu pē ʻa Sēkope kae lava ke ne maʻu ʻa e faingamālié.